2 Paraleipomeno 34 - Cook Islands Maori Bible(CIMB)

PENE XXXIV - 34Te au meitaki o Iosia ra, e te au idolo i te pou anga iaia; te buka ture i te kite angaia; e te koreromotu i te papau angaia.

1TEI te mataiti Tae akera oki ki te mataiti varu o tona ra au, i te vai ou anga aia ra, kua akamata aia i e tae akera ki te mataiti okotai ngauru ma rua, kua akamata atura aia i E tae akera ki te ngauru ma varu o te mataiti o tona ra au, kua mā, akera iaia taua enua ra, e te are, kua tono akera aia ia Saphana te tamaitia a Azalia, e ia Maaseia tutara o te oire, e ko Ioa te tamaiti a Ioahaza akairo tuatua ra, e tuā i te are o tona ra Atua o Iehova.

9E tae atura ratou ki te taunga maata ra kia Hilikia, 2 Ari 12:4&ckua tuku atura ratou i te moni i apaiia mai ki roto i te are o te Atua, tei akaputuputuia e te au ngati Levi tiaki ngutupa no ko ia Manase ra e no Epheraima, e no ko i te toenga ravarai a Iseraela, e no ko ia Iuda katoa e Beniamina; e kua oki maira ratou ki Ierusalema.

10Kua tuku akera oki ratou ki roto i te rima o te aronga i akamaroiroi i te angaanga i te are o Iehova, e kua tuku akera ratou ki te aronga i rave i te angaanga i te are o Iehova ei tuā rai kia etaeta rai te are:

11Ki te aronga taunga, e te aronga i patu i te are ta ratou i oronga atu, ei oko i te toka tarai, e te rakau i ei tupaupau, e ei tea no anga are, i vavaʼiia e te au ariki no Iuda ra.

12Rave akera taua au tangata ra i te angaanga ma te pikikaa kore; e te aronga akamaroiroi ra, ko lahata ïa, e ko Obadia, nga ngati Levi, no te au tamariki a Merari; e ko Zekaria, e Mesulama, no te au ngati Kohata ïa ei arataki, e te au ngati Levi katoa i karape i te akatangi i te au mea e akatangiia ra.

131 Para 23:4,5Kua tuku katoaia oki te ngati Levi, ei au tata tuatua, e ei au rangatira, e ei au tiaki ngutupa, ki rungao i te aronga apai i te apainga, ei akamaroiroi, e te au rave angaanga katoa i te au peu ra.

14Te tiki ra ratou i te moni i apaiia mai mei roto i te are o Iehova, 2 Ari 22:8&ci kite atu ei a Hilikia taunga i te buka ture a Iehova i te rima o Mose ra.

15Kua karanga aturā Hilikia kia Saphana tata tuatua, na ko atura, Kua kitea e au te buka ture i roto i te are o Iehova. Kua tuku mairā Hilikia i taua buka ra kia Saphana ra.

16Kua kave aturā Saphana i taua buka ra ki te ariki ra, e kua karanga atura ki te ariki, na ko atura, Te angaanga katoa i tukuia mai ki te rima o to au tavini nei, kua raveia ïa e ratou.

17Kua akaputuputu ratou i te moni i kitea i roto i te are o Iehova, e kua tukuia atu e ratou ki te rima o te aronga akamaroiroi, e te rima o te aronga i rave i te angaanga ra.

18Kua karanga aturā Saphana tata tuatua ra ki te ariki, na ko atura, E buka ta Hilikia taunga i o mai kiaku. Kua tatau iorā Saphana i mua i te aroaro o te ariki.

19E kite akera te ariki i te tuatua i roto i te ture ra, kua aae iora aia i ona kakau.

20Kua akaue atura te ariki ia Hilikia, e ia Ahikama te tamaiti a Saphana, e ia Abadona te tamaiti a Mika, e ia Saphana tata tuatua, e ia Asaia e tavini no te ariki, na ko atura,

21E aere, ka ui kia Iehova iaku, e te aronga i toe i Iseraela e Iuda katoa, i te au tuatua i te buka i kitea io nei: te maata ra oki te riri o Iehova i te maringi anga mai ki runga ia tatou, no te mea, kare akenei to tatou ai metua i akono i te tuatua a Iehova, i te rave anga i te au mea katoa i tataia ki roto i taua buka nei.

22Kua aere aturā Hilikia e te aronga katoa i tuatuaia mai e te ariki ra, kia Hulada peroveta vaine ra, (i te vaine a Saluma te tamaiti a 2 Ari 22:14Tikevata, te tamaiti a Hasara, e tiaki kakau ra;) i noo i tetai pae i Ierusalema, e kua karanga atura ratou kiaia i taua tuatua ra.

23Kua tuatua maira aia kia ratou, Te na ko maira te Atua o Iseraela ko Iehova, E karanga atu kotou ki te tangata i tono mai ia kotou kiaku nei,

24Te na ko mairā Iehova, I na, ka apai mai au i te kino ki runga i teianei ngai, e ki runga i to reira au tangata, koia rai te au taumaa katoa i tataia i roto i te buka i tatauia e ratou ki mua i te aroaro o te ariki o Iuda ra:

25No te mea kua akaruke ratou iaku, e kua tutungi i te atinga kakara na te au atua ke, kia akakoko mai ratou iaku kia riri i te au angaanga katoa a to ratou rima; e teianei, ka riringiia atu toku riri ki runga i teianei ngai, kare e tamateia.

26Kareka te ariki o Iuda, tei tono mai ia kotou e ui kia Iehova, e na ko atu kotou kiaia, Te na ko maira te Atua o Iseraela ko Iehova, i te tuatua taau i akarongo ra,

27No te mea kua maru toou ngakau, e kua taakaaka koe ia koe uaorai i mua i te aroaro o te Atua; i te kite anga i tana tuatua i teianei ngai, e to ko nei au tangata, e kua taakaaka koe ia koe uaorai ki mua iaku nei, e kua aae koe i oou kakau, e kua aue iora koe ki mua i toku aroaro nei; kua akarongo katoa au ia koe, te tuatua mairā. Iehova.

28I na, ka kapiti katoaia koe e au ki to ai metua ra, e ka apaiia koe ki toou tanumanga ma te au; kare to mata e kite i te au kino katoa taku ka apai mai ki runga i teianei ngai, e ki runga katoa i to ko nei tangata. Kua apai mairai ratou i taua tuatua ki te ariki ra.

29 2 Ari 23:1&c Kua tono akera te ariki, e akaputuputu mai i te aronga pakari katoa o Iuda e to Ierusalema.

30Aere atura te ariki ki runga i te are o Iehova, e te au tangata katoa o Iuda, e to Ierusalema, e te kau taunga, e te au ngati Levi, e te tangata ravarai, mei tei maata e tae ua atu ki tei iti; kua tatau iora aia ki roto i to ratou taringa i te au tuatua ravarai i roto i taua buka koreromotu, i kitea i roto i te are o Iehova ra.

31Te tu ua ra te ariki i 2 Ari 11:14; 23:3; 2 Para 6:13tona turanga ra, kua papau iora i te koreromotu i mua i te aroaro o Iehova, e aru ia Iehova, e e akono i tana au akauenga, e tana au tuatua-akakite, e tana au akonoanga, ma te ngakau katoa, e ma te vaerua katoa, i te akono tika anga i te au tuatua i te koreromotu, i tataia i roto i taua buka nei.

32Kua akamaroiroi iora aia i to Ierusalema katoa e noo maira, e Beniamina, e akatika i taua tuatua ra. Kua akono atura to Ierusalema i te koreromotu a te Atua, te Atua o to ratou ai metua ra.

33Kua rave iorā Iosia e kua akaruke i te 1 Ari 11:5au mea viivii katoa o te pa enua no te tamariki a Iseraela, e kua akamaroiroi atura i to Iseraela katoa e noo maira kia akamori, kia akamori oki i to ratou Atua ia Iehova. Iere 3:10Kare akerai ratou i akapaki i te aru i te Atua o to ratou ai metua ia Iehova, e ope rava akera ona au rā.