1 Paraleipomeno 25 - Cook Islands Maori Bible(CIMB)

PENE XXV - 25Te au pupu imene tai takau ma a i tatauia ra.

1 KUA akataka iorā Davida e te au rangatira no te nuku ra, i tetai papaki no te angaanga a nga tamariki a 1 Para 6:33,39,44Asapha, e ta Hemana, e ta Iedutuna; ei imene ma te kinura, e te nabala, e te sumebalo; e akono oki i te maata o te aronga e rave ra i ta ratou angaanga.

2To te tamariki a Asapha ra; ko Zakura ïa, e ko Iosepha, e ko Netania, e ko Asareela, nga tamariki a Asapha: ei vaitatao ia Asapha ra kia imene aia i te akakite anga a te ariki ra.

3To Iedutuna: nga tamariki a Iedutuna ra; ko Gedalia ïa, e ko Zeri, e ko Iesaia, ko Hasabia, e ko Matitia, toko ono: ei vaitatao ratou i to ratou ra metua ia Iedutuna, iaia i imene ma te kinura, i te akameitaki anga e te akapaapaa anga ia Iehova.

4To Hemana: nga tamariki a Hemana; ko Bukia ïa, ko Matania, ko Uziela, ko Sebuela, e ko Ierimota, ko Hanania, ko Hanani, ko Eliata, ko Gidaleta, e ko Romamiti-ezera, ko Iosebekasa, ko Maloti, ko Otira, e ko Mahaziota.

5E puke tamariki anake ïa na Hemana, te akara a te ariki i te tuatua a te Atua ra, kia akateitei i te tara. E kua o mai te Atua i te au tamariki na Hemana, okotai ngauru ma a tamaroa, toko toru oki tamaine.

6Kua topiri mairai taua aronga katoa nei ki to ratou metua i te imene anga i roto i te are o Iehova, ma te sumebalo, te nabala, e te kinura, no te akamori anga i te are o te Atua, 1 Para 25:2i te akakite anga a te ariki kia Asapha, e kia Iedutuna, e kia Hemana.

7To ratou maata kia tatau ra, e to ratou ai taeake katoa ra, ko tei apiiia i te imene ia Iehova ra, ko te aronga katoa i karape ra, e rua ïa anere, e varu ngauru, e varu ara.

8Kua tuku iora ratou i te kelero i to ratou ra au pupu, te tangata rikiriki e te aronga mamaata; 2 Para 23:13te orometua e te tama apiiia katoa.

9Rauka maira te kelero mua ra, ei ia Iosepha na Asapha ra: te rua ra, tei ia Gedalia ïa, koia, ma tana au tamariki, e ona taeake katoa ra, okotai ïa ngauru ma rua:

10Te toru ra, tei ia Zakura ïa; koia, e tana au tamariki, e ona taeake ra, okotai ngauru ma rua:

11Te a ra, tei ia Izeri ïa, koia, e tana au tamariki, e ona taeake ra, okotai ngauru ma rua:

12Te rima ra, tei ia Netania ïa, koia, e tana au tamariki, e ona taeake ra, okotai ngauru ma rua:

13Te ono ra, tei ia Bukia ïa, koia, e tana au tamariki, e ona taeake ra, okotai ngauru ma rua:

14Te itu ra, tei ia Iseraela ïa, koia, ma tana au tamariki, e ona taeake ra, okotai ngauru ma rua:

15Te varu ra, tei ia Iesaia ïa, koia, ma tana au tamariki, e ona taeake ra, okotai ngauru ma rua:

16Te iva ra, tei ia Matania ïa, koia, ma tana au tamariki, e ona taeake ra, okotai ngauru ma rua:

17Te ngauru ra, tei ia Simei ïa, koia, ma tana au tamariki, e ona taeake ra, okotai ngauru ma rua:

18Te ngauru ma tai ra, tei ia Azareela ïa, koia, ma tana au tamariki, e ona taeake ra, okotai ngauru ma rua:

19Te ngauru ma rua ra, tei ia Hasabia ïa, koia, ma tana au tamariki, e ona taeake ra, okotai ngauru ma rua:

20Te ngauru ma toru ra, tei ia Subaela ïa, koia, ma tana au tamariki, e ona taeake ra, okotai ngauru ma rua:

21Te ngauru ma a ra, tei i Matitia, ïa, koia, ma tana au tamariki, e ona taeake ra, okotai ngauru ma rua:

22Te ngauru ma rima ra, tei ia Ieremota ïa, koia, ma tana au tamariki, e ona taeake ra, okotai ngauru ma rua:

23Te ngauru ma ono ra, tei ia Hanania ïa, koia, ma tana au tamariki, e ona taeake ra, okotai ngauru ma rua:

24Te ngauru ma itu ra, tei ia Iosebekasa ïa, koia, ma tana au tamariki, e ona taeake ra, okotai ngauru ma rua:

25Te ngauru ma varu ra, tei ia Hanani ïa, koia, ma tana au tamariki, e ona taeake ra, okotai ngauru ma rua:

26Te ngauru ma iva ra, tei ia Maloti ïa, koia, ma tana au tamariki, e ona taeake ra, okotai ngauru ma rua:

27Te tai takau ra, tei ia Eliata ïa, koia, ma tana au tamariki, e ona taeake ra, okotai ngauru ma rua:

28Te tai takau ma tai ra, tei ia Otira ïa, koia, ma tana au tamariki, e ona taeake ra, okotai ngauru ma rua:

29Te tai takau ma rua ra, tei ia Gidaleti ïa, koia, ma tana au tamariki, e ona taeake ra, okotai ngauru ma rua:

30Te tai takau ma toru ra, tei ia Mahaziota ïa, koia, ma tana au tamariki, e ona taeake ra, okotai ngauru ma rua:

31Te tai takau ma a ra, tei ia Romamiti-ezera ïa, koia, ma tana au tamariki, e ona taeake ra, okotai ngauru ma rua.

Blog
About Us
Message
Site Map

Who We AreWhat We EelieveWhat We Do

Terms of UsePrivacy Notice

2025 by iamachristian.org,Inc All rights reserved.

Home
Gospel
Question
Blog
Help