Maseli 12 - Cook Islands Maori Bible(CIMB)

PENE XII - 12

1KO tei inangaro i te apii ra, kua inangaro ïa i te kite: ko tei makitakita i te ako ra, kua neneva ïa.

2Mase 8:35E akaperepereia mai te tangata meitaki e Iehova ra: e akaapa ra aia i te tangata i kimi i te tuatua kino.

3Kare e tangata e akatinamouia i te tuatua kino: Mase 10:25kare ra te aka o te aronga tuatua-tika e akakeuia.

4Mase 31:23; 1 Kori 11:7Te vaine akono meitaki ra e korona ïa no tana ra tane: ko tei akatupu ra i te akama ra, Mase 14:30ko te pe ïa o tona ivi.

5Te au manako o te aronga tuatua-tika ra, e mea tau ïa: ko tei kimiia ra e te aronga kino ra, e pikikaa ïa.

6Mase 1:11,18Te au tuatua a te aronga kino ra, e tapapa toto ïa: Mase 14:3e ora ra ratou i te vaa o te aronga tiratiratu ra.

7Sala 37:36,37; Mase 11:21; Mata 7:24-27E tairipotiia te aronga kino, e kare ua ra: ka mou ra te are o te aronga tuatua-tika.

8E akameitakiia te tangata e kia tau ki tona ra pakari: 1 Samu 25:17ko te ngakau ketaketa ra, e akavaavaaia ïa.

9Mase 13:7E meitaki to tei akaaka, e ei tavini tona; i tei akateitei ra, e kare ana e kai.

10Deu 25:4E akono rai te tangata tuatua-tika ra i tana ra puaka kia ora: ko te aroa ra o te aronga kino ra, ko te takinga-kino ïa.

11Gene 3:19; 28:10Ko tei tanu i tona kainga, e maata tana kai: ko tei aru aere ra i te mea puapinga kore, Mase 6:32e neneva ïa.

12Te morimori nei te tangata kino i te kupenga a te akono kore: e tupu ra te kai i te aka a te aronga tuatua-tika ra.

13Te Mase 18:7ii nei te tangata kino i te ara a tona vaa: 2 Pete 2:9e ora maira te tangata tuatua-tika i te tumatetenga.

14Mase 13:2; 18:20E rauka to te tangata nei meitaki i te ua o tona vaa: Isa 3:10,11e tutakiia mai te angaanga a te rima tangata nei kiaia.

15Mase 3:7; Luka 18:11E mea tika te aerenga o te neneva i tona uaorai mata; ko tei akarongo ra i te ako ra, e pakari tona.

16Mase 29:11E akakite ua mai te neneva i tona riri i reira ra: ko te tangata akono ra, e tapoki ïa i te akama.

17Mase 14:5Ko tei tuatua i te tuatua-mou ra, e akakite mai ïa i te tuatua-tika; kareka te kite pikikaa ra, ko te pikikaa tana e tuatua.

18Sala 57:4; 59:7; 64:3Te tangata vaa karea ua ra, e tau ïa ki te koputaputa koke ra: ko te arero ra o te aronga pakari ra, mei te vairakau ïa.

19Te vaa tuatua-mou ra, ka akatinamouia ïa e tuatau ua atu; Sala 52:5; Mase 19:9kareka te arero pikikaa ra, mei te kamoanga mata ua ïa.

20E pikikaa tei te ngakau o te aronga e kimi i te kino: te aronga ra i akatau i te tuatua au ra, e rekareka ïa,

21Kare e rokoia e te tumatetenga te tangata tuatua-tika ra; ka ki ra te tangata kino i te kino.

22Mase 6:17; 11:20; Apo 22:15E mea viivii na Iehova te vaa pikikaa; ko tei rave ra i te tuatua-mou ra, e mea mataora ïa ratou nana.

23Mase 13:16; 15:2Ko te tangata karape ra, e vaio marie aia i tona kite: ko te ngakau ra o te neneva ra, e akakite ua mai ïa i te neneva.

24Mase 10:4Te rima o te maroiroi ra, e mana ïa: ko te akatau ra, ka tautaūnga ïa.

25Mase 15:13E aue tei te ngakau o te tangata ra, e piko ïa ki raro: Isa 50:4okotai rava ra tuatua meitaki ra, rekareka akera ïa.

26E meitaki maata to te tangata tuatua-tika i to tona ra tangata tupu: te vare nei ra te aronga kino i to ratou aerenga.

27Kare te tangata akatau e tao i tei rauka iaia i tana arumaki anga: ko te apinga ra o te tangata maroiroi ra, e mea meitaki ïa.

28Tei te arataa tuatua-tika ra te ora: kare oki e mate i te reira arataa.