Zekaria 2 - Cook Islands Maori Bible(CIMB)

PENE II - 2To Ierusalema akaaite-angaia i te tataura, e to Ziona akaoraangaia.

1 KUA nānā atura au i taku mata, e kua akara, e i na, Eze 40:3e tangata ma te taura aite i tona rima.

2Kua karanga atura au, E aere koe kiea? e kua tuatua maira aia kiaku, Te aere nei au Apo 11:1; 21:15-16e akaaite ia Ierusalema, kia kitea tona pararauare e tona roa.

3E i na, aere atura te angela i tuatua mai iaku ra, e kua aere iora tetai angela kia aravei atu iaia.

4E kua karanga atura kiaia, Ka oro, ka karanga atu ki tera ra tangata ou na, e na ko atu, Iere 31:27; Eze 36:10-11E nooia Ierusalema e tae ua atu ki te ngai atea ua, i te rai o te tangata e te puaka i roto iaia ra.

5Te tuatua maira oki a Iehova, E riro au ei Isa 26:1; Zeka 9:8koro ai nona e pini ua ake, e ko au oki Isa 60:19; Apo 21:23te kakā i rotopu iaia ra.

6E! e! ka rere mai ana Isa 48:20; 52:11; Iere 1:14; 50:8; 51:6,45i tenana enua i apatokerau, te tuatua mairā Iehova, no te mea, Deu 28:64; Eze 17:21kua rurungaoro oki au ia kotou i nga matangi e a o te rangi ra, te tuatua mairā Iehova.

7Apo 18:4E akaoraia koe uaorai, e Ziona e, e tei noo ki o te tamaine a Babulonia.

8Te na ko maira oki a Iehova Sabaota ra, Kua na mua i te akakite i te kakā no kotou i tono ei aia iaku ki te pa enua i pou ei kotou ra: ko tei Deu 32:10; Sala 17:8; 2 Tesa 1:6akatukia atu oki ia kotou ra, kua akatukia ïa i tona koringo mata nei.

9I na oki Isa 11:15; 19:16e ruru au i toku rima ki runga ia ratou, e e riro ratou ei apinga noni na to ratou uaorai au tavini: Zeka 4:9e kite oki kotou e, na Iehova Sabaota ra au i tono mai.

10 Isa 12:6; 54:1; Zepha 3:14 Ka imene, e kia rekareka, e te tamaine a Ziona: i na oki, e aere atu au, Levi 26:12; Eze 37:27; Zeka 8:3; Ioa 1:14e ei rotopu ia koe ra au e noo atu ei, te tuatua mairā Iehova.

11Isa 2:2-3; 49:22; 60:3&c; Zeka 8:22-23E e manganui te enua te ka topiriia kia Iehova i Exo 12:49taua rā ra, e riro oki Eze 33:33ei tangata noku: e e noo au i rotopu ia koe, e kite oki koe e, Gene 1:9na Iehova Sabaota ra au i tono mai kia koe ra.

12Zeka 1:17E noo oki a Iehova i Iuda, ko tana ïa tuanga i te enua tapu ra, e mareka akaou rai aia i Ierusalema.

13 Haba 2:20 Kia muteki ua te au tangata katoa ki mua ia Iehova, Sala 68:5; Isa 57:15kua tu oki aia ki runga i tona ra nooanga tapu ra.