1 2 Kori 6:17,18; 1 Ioa 3:3 E TEIANEI, e aku au akaperepere e, tei ia tatou taua au meitaki i tuatuaia maira, e tamā ua tatou ia tatou uaorai i te au viivii katoa o te kopapa e te vaerua, ma te akaope marie i te akonoanga tapu i te mataku anga atu i te Atua.
2E āriki mai ia matou; kare rava a matou tangata i takinga-kino, kare rava a matou tangata i akakino, Anga 20:33; 2 Kori 12:17kare rava a matou tangata i pikikaa.
3Kare ra e ei akaapa i karanga atu ei au ia kotou i teianei tuatua; 2 Kori 6:11,12kua karanga atu oki au i muatangana, e tei roto kotou i to matou ngakau i te mate katoa anga e te ora katoa anga atu.
42 Kori 3:12Te mataku kore ua nei taku tuatua ia kotou, 1 Kori 1:4e paapaa maata taku ia kotou: 2 Kori 1:14; Phili 2:17; Kolo 1:24kua maata toku pumaana, kua maata rava toku rekareka i to matou au mate katoa nei.
5Ia 2 Kori 2:13matou oki i tae ki Makedonia ra, kare rava e akaangaroi anga o to matou kopapa, 2 Kori 4:8kua kako matou i te mate; Deu 32:25e tamaki anga to vao, e mataku oki to roto.
62 Kori 1:4Na te Atua ra, ko te akapumaana i te aronga akaaka ra, ia akapumaana i te aronga akaaka ra, i akapumaana mai ia matou i te 2 Kori 2:13aere anga mai o Tito ra;
7Kare oki no tona aere anga mai anake ra, i te pumaana ra i pumaanaʼi aia ia kotou, ka akakite mai ei aia ia matou i te rai o to kotou anoano, to kotou aue, e te inangaro maata o to kotou ngakau iaku nei; i maataʼi toku rekareka.
8I akaaue ana au ia kotou i taku leta na, kare au i tataraara i teianei, 2 Kori 2:4i tataraara ana ra au i muatangana; te kite nei oki au e, e tuatau poto ua to kotou aue anga i taua leta ra.
9Te mareka nei au, kare ra no te mea i akatupu au i to kotou aue, no te mea ra i aue kotou ma te tataraara: i tau oki to kotou aue i te Atua, kia kore rava kotou e kino ia matou.
102 Samu 12:13; Mata 26:75Ko te aue oki e tau i te Atua ra, e akatupu ïa i te tataraara e tae ua atu ki te ora, kare ïa e tataraaraia; Mase 27:22kareka te aue o teianei ao, e akatupu ïa i te mate.
11Ka akara na oki i taua mea nei rai, i te mea i tau to kotou aue i te Atua ra ko te akono meitaki oki ta te reira i akatupu i roto ia kotou na, e te akatika ia kotou uaorai, e te kinokino, e te mataku, e te anoano maata tikai, e te maroiroi, e te tutaki! Kua akakite ua mai kotou e kare o kotou viivii i taua mea nei.
12E teianei i tata ua au i te tuatua ia kotou, kare ua to taua tangata i rave i te kino ra i peraʼi au, kare katoa to tei takinga-kinoia ra, 2 Kori 2:4ei akakite anga atura ia kotou i to matou akono meitaki anga atu ia kotou i mua i te aroaro o te Atua ra.
13I pumaanaʼi oki matou i to kotou na pumaana: e maata rava atura oki to matou rekareka i te rekareka o Tito ra, no te mea Roma 15:32kua mareka tona ngakau ia kotou katoa.
14Kua akapaatu oki au ia kotou iaia ra, kare au i akama; mei ia matou rai oki i karanga atu kia kotou i te au tuatua katoa ma te tuatua-mou, koia katoa ta matou akapaatu anga i te aroaro o Tito ra, kua riro ïa ei tuatua-mou.
15E te maata rava nei tona tangi ngakau ia kotou, i te manako anga aia 2 Kori 2:9; Phili 2:12i to kotou katoa na akarongo, e to kotou oki kite anga mai iaia ma te mataku e te rutetetete.
16E teianei te mareka nei au, i te mea 2 Tesa 3:4; Phile 8,21e tika kia manako meitaki atu au ia kotou i te au mea katoa nei.
Who We AreWhat We EelieveWhat We Do
2025 by iamachristian.org,Inc All rights reserved.
