1Kua tarai iorā Bezaleela i te Exo 25:10aruna e sitima te rakau; e rua kubiti e afa kubiti te roa, okotai oki kubiti e afa kubiti te pararauare, okotai oki kubiti e afa kubiti te teitei:
2E vaî iora aia i roto e i vao ki te auro meitaki, e anga iora oki i tetai ei auro e pini ua ake.
3Kua akato iora aia i te tātai auro e a no nga poo e a ra; e rua tātai pae, e rua oki tātai i tetai pae.
4Kua anga iora oki aia i te amo sitima, e kua vaî iora ki auro.
5Kua momono iora aia i nga amo na roto i te au tātai i nga pae o te aruna ra, ei apai anga i taua aruna ra.
6Anga iora aia i te Exo 25:17tapoki, e auro meitaki ïa; e rua kubiti e afa kubiti te roa, okotai oki kubiti e afa kubiti te pararauare.
7Anga iora oki aia i nga kerubi auro e rua, i nga poo e rua o te tapoki ra, e mea tupaki i te angaia e ia:
8Okotai kerubi i tetai poo, okotai oki kerubi i tetai poo; ki rungao i nga poo tapoki e rua nga kerubi tana i anga ra.
9Te totoa ra nga kerubi i to raua peau na runga, i te tapoki ua anga i te tapoki i to raua peau, anga atu anga mai o raua aro; i anga tika nga mata o aua nga kerubi ra ki te tapoki.
10E tarai iora aia i te Exo 25:23kaingakai e sitima te rakau: e rua kubiti te roa, okotai oki kubiti te pararauare, okotai oki kubiti e afa kubiti te teitei:
11E vaî iora oki aia i te reira ki te auro meitaki, e kua anga oki i te ei auro e pini ua ake.
12E kua akaurupae oki aia i taua kaingakai e pini ua ake okotai rima i te pararauare; e kua anga iora oki i te ei auro no taua urupae ra e kako roa ake.
13Akato iora aia i te tātai auro e a, e akamou iora aia i aua nga tātai ra ki nga pou e a, ki runga i nga vaevae e a ra.
14I vaitatao i te urupae aua nga tātai ra, ei momonoanga amo ei apai anga i taua kaingakai ra.
15Tarai iora oki aia i nga amo sitima, e vaî iora ki te auro, ei apai anga i taua kaingakai ra.
16Anga iora oki aia i te au kapu no te kaingakai, tona au Exo 25:29mereki, e tona au kapu, e tona au āriki, e te au kapu mamaata, ei riringi anga ra, e auro meitaki anake ïa.
17Kua anga iora aia i te au Exo 25:31vairanga lamepa auro meitaki ra, e mea tupaki taua vairanga lamepa ra tana i anga ra; tona pu, e te au mangamanga, te au āriki, te au ponapona, e te au tiare, okotai rai ïa manga auro:
18E ono oki mangamanga i te mangamanga anga no roto i nga pae i taua vairanga lamepa ra; e toru mangamanga i te tai pae vairanga lamepa, e toru mangamanga i te tai pae vairanga lamepa:
19E toru āriki o te tai mangamanga mei te sekadi te tu, ma nga ponapona, e nga tiare; e toru oki āriki mei te sekadi te tu i tetai mangamanga, ma nga ponapona e nga tiare; mei te reira oki te au mangamanga e ono no taua vairanga lamepa ra.
20E to runga i te pu o taua vairanga lamepa ra e a ïa āriki mei te sekadi te tu, to ratou au ponapona, e to ratou au tiare:
21Ko e rua mangamanga ra, okotai ponapona i raro ake, ko e rua mangamanga, okotai ponapona i raro ake, ko e rua mangamanga, okotai ponapona i raro ake, ko nga mangamanga ïa e ono i te mangamanga anga no roto i taua vairanga lamepa ra.
22Te au ponapona, e te au mangamanga ra, okotai rai ïa manga auro: e taua vairanga lamepa katoa ra okotai rai ïa angaanga auro meitaki tupakiia ra.
23Anga iora oki aia i nga lamepa e itu ra, e tona au tapoki, e tona au āriki pakoti, e auro meitaki anake ïa.
24I te taleni auro meitaki okotai i anga ai aia i te reira, e te au mea ravarai no te reira ra.
25 Exo 30:1 Anga iora oki aia i te atarau atinga kakara, e sitima te rakau: okotai kubiti te roa, okotai oki kubiti te pararauare; e mea aiteite nga aro e a ra; e rua ra kubiti te teitei: nga tara katoa ra okotai rai ïa rakau.
26Kua vaî iora oki aia ki te auro meitaki, ko rungao, e te pae katoa e pini ua ake, e nga tara katoa oki: e kua akaei oki i te ei auro e pini ua ake.
27Anga iora aia nga tātai auro ki raro ake i te ei ra, i tetai poo e te tai poo, i tetai pae e tetai pae, ei momono anga i nga amo ei apai.
28Tarai iora aia i nga amo sitima, e kua vaî iora oki i te reira ki te auro.
29Anga katoa iora oki aia i te Exo 30:23,24manongi tapu akatainu ra, e te atinga meitaki kakara ra, mei ta te iro-manongi e rave ra.
Who We AreWhat We EelieveWhat We Do
2025 by iamachristian.org,Inc All rights reserved.
