Malaki 2 - Cook Islands Maori Bible(CIMB)

PENE II - 2Te ako nei te peroveta i te kau taunga, ko ratou i akono kore i te koreromotu, e te au tangata i ta ratou akamori idolo, te akaturi e te akarongo kore.

1E TEIANEI, e te kau taunga e, na kotou teianei totou.

2Levi 26:14&cKia kore kotou e akarongo, e kare e vaoo marie ki roto i te ngakau, kia akakakā mai i toku nei ingoa, te tuatua mairā Iehova Sabaota ra; e tono atu au i te taumaa ki runga ia kotou, e e taumaa atu au i to kotou au meitaki, kua oti takere oki i te taumaaia e au, ko kotou kare i vaoo marie ki roto i te ngakau.

3I na, no kotou e akamuraʼi au i te ua rakau, e e peî au i to kotou mata ki te repo, te repo oki no ta kotou oroa tapu ra: 1 Ari 14:10e ka apai keia kotou ma te reira katoa ra.

4Ka kite oki kotou, e naku i tono i teianei tuatua kia kotou, kia vai rai taku nei koreromotu ia Levi ra, te tuatua mairā Iehova Sabaota ra.

5Nume 25:12; Eze 34:25; 37:26Taku koreromotu no te ora e no te au i vai ana iaia; i oronga atura oki au i te reira nona, Deu 33:8,9no te mataku tana i mataku mai iaku ra, e kua mataku akera i toku nei ingoa.

6Deu 33:10Te ture ra i te tuatua-mou, tei roto ïa i tona vaa; e kare oki e kino i kitea i roto i tona ngutu; i aaere ana aia ma au katoa ma te au e te tiratiratu, e manganui tana i Iere 23:22; Iako 5:20akaariu mai i te kino ra.

7Levi 10:11; Deu 17:9,10; 24:8; Ezera 7:10; Iere 18:18; Haga 2:11,12Kia tāpu oki to te taunga ra ngutu i te kite, e kia kimi oki ratou i te ture i tona vaa, Gala 4:14ko te karere oki aia na Iehova Sabaota ra.

8Kua akaruke ra kotou i te arataa nei; 1 Samu 2:17; Iere 18:15e manganui tei turori i te ture nei ia kotou; Nehe 13:29kua kino te koreromotu a Levi ia kotou, te tuatua mairā Iehova Sabaota ra.

9No reira katoa 1 Samu 2:30au i akariro ei ia kotou ei mea vaavaa e te kino, ki mua i te aroaro o te au tangata katoa nei; ko kotou kare i akono i toku nei au aerenga, e kua akatu ke ke kotou i te ture nei.

10 1 Kori 8:6; Ephe 4:6 Kare ainei okotai rai metua tane to tatou katoa nei? Iobu 31:15kare ainei na te Atua okotai tatou i anga? eaa ra oki tatou katoa nei i pikikaaʼi i tona uaorai taeake, i te akanoa anga i te koreromotu a to tatou ai metua ra?

11Kua pikikaa Iuda, e e mea viivii tei raveia i Iseraela e i Ierusalema: kua akanoa oki Iuda i te mea tapu na Iehova, tana i inangaro ra, Ezera 9:1; 10:2; Nehe 13:23e kua akaipoipo i te tamaine a tetai atua ke.

12Ko te tangata e akapera ra, e tipu keia ïa e Iehova ra, ko tei tiaki e tei îō maira, i te au puakapa o Iakoba, Nehe 13:28,29e tei apai i te atinga kia Iehova Sabaota ra.

13E kua oki rua kotou i te akapera nei, i te akangaro anga i te atarau a Iehova ki te roi-mata, i te aue anga e te ngunguru anga, e kare rava i akonoia mai ra i taua atinga ra, kare oki i āriki meitakiia mai i to kotou na rima.

14E te karanga nei kotou e, No te aa ra? no te mea, ko Iehova te kite ia koe Mase 5:18e te vaine a to ou anga ra, i tei pikikaaia e koe ra; Mase 2:17koia oki toou tokorua, e te vaine tikai naau i koreromotuia ra.

15Mata 19:4,5Kare ainei okotai rai tana i anga ra, ka vai katoaʼi te toenga vaerua iaia ra? eaa iora i okotai uaʼi? kia kimi aia Ezera 9:2; 1 Kori 7:14i te uanga paieti. E tenana, e akono i to kotou vaerua, e auraka tetai e pikikaa ua atu i te vaine a tona ou anga ra.

16E Deu 24:1; Mata 5:32; 19:8mea riri oki naku te kopae, te tuatua mairā Iehova, te Atua o Iseraela: e tei tapoki i te takinga-kino ki tona kakau, te tuatua mairā Iehova Sabaota ra: e tenana, e akono ki to kotou vaerua e auraka kotou e pikikaa.

17 Isa 43:24; Amo 2:13; Mala 3:13,14,15 Kua akaroiroi kotou ia Iehova ki ta kotou au tuatua. E te karanga na kotou e, I akaroiroi atu matou iaia i te aa? Ko kotou i karanga e, Te aronga ravarai i rave i te kino ra te meitaki ra ïa i ta Iehova akara anga, e tei ia ratou aia i te mareka anga; e, Teiea te Atua tuatua-tau ra?