1AERE aturā Iesu ki runga i te maunga i Oliveta.
2E i te popongi roa ra, kua oki akaou maira aia ki roto i te iero ra, e kua aere katoatoa maira te tangata kiaia ra; noo iora aia ki raro, apii atura ia ratou.
3Kua arataki maira te au tata tuatua e te au Pharisea kiaia i tetai vaine, i rokoia atu te raveia ra: kua tuku maira ratou iaia i rotopu;
4Kua tuatua maira ratou kiaia, E te Orometua, rokoia atu teianei vaine te rave mouia ra.
5Levi 20:10; Deu 22:22I tuatua maira oki a Mose ki roto i te ture e, ka peî i te reira i te toka; eaa taau tuatua?
6I pera mai ratou i te tapikipiki anga mai iaia, kia rauka ta ratou tapepe anga mai iaia. Kua piko iorā Iesu ki raro, kua tata iora tona rima ki runga i te one.
7Kua tamou nui maira ratou i te ui anga mai kiaia; tu akera aia ki runga, kua karanga atura kia ratou, Deu 17:7; Roma 2:1Na te tangata ara kore i roto ia kotou na, e peî atu i te toka mua kiaia.
8Kua piko akaou iora aia ki raro, tata iora aia ki runga i te one.
9E kite akera ratou i taua tuatua ra, Roma 2:22akaapa iora ia e to ratou uaorai akava-ngakau, kua unui taki tai ua atura ratou, ko te tangata pakari tei na mua na, e tae ua atura ki te tangata openga; toe iora ko Iesu anake ma taua vaine ra, i te tu ua anga i rotopu.
10Kua tu akerā a Iesu ki runga, e kite atura, kare ua e tangata, mari ra ko taua vaine anake ra, kua tuatua aia kiaia, E maine, teiea te aronga i tapepe mai ia koe na? kare ua e tangata i akautunga mai ia koe nei?
11Kua tuatua maira aia, Kare ua, e te Atu. Luka 9:56; 12:14; Ioa 3:17Kua karanga aturā Iesu kiaia, Kare katoa au e akautunga ia koe: ka aere, Ioa 5:14auraka ra e ara akaou.
12Kua karanga akaou aturā Iesu ki te tangata, na ko atura, Ioa 1:4,5,9; 3:19; 9:5; 12:35,36,46Ko au te mārama o teia nei ao: ko te aru mai kiaku nei, kare aia e aere ua i te poiri, e mārama ora tona.
13Kua patoi maira te au Pharisea kiaia, Ioa 5:31Te tuatua nei koe ia koe uaorai; kare taau tuatua e akatikaia.
14Kua karanga aturā Iesu, na ko atura kia ratou, Tuatua ua rai au iaku uaorai, ka tika rai taku tuatua: kua kite oki au i te ngai no reira au nei, e te ngai taku e aere nei; Ioa 7:28; 9:29kare kotou i kite i te ngai no reira mai au nei, e te ngai taku e aere nei.
15Ioa 7:24No te kopapa ta kotou akaapa anga, Ioa 3:17; 12:47; 18:36kare au e akaapa ua atu i tetai.
16E kia akaapa oki au ra, ka tika taku akaapa anga: Ioa 8:29; 16:32kare oki e ko au anake teia, ko au ra ma te Metua katoa, ko tei tono mai iaku nei.
17Deu 17:6; 19:15; Mata 18:16; 2 Kori 13:1; Ebe 10:28Kua tata katoaia ki roto i ta kotou ture ra e, kia akatika mai nga tangata toko rua ra, e tuatua-mou ïa.
18Ko au oki tetai i akatika iaku uaorai, Ioa 5:37e te Metua oki, ko tei tono mai iaku mei, tetai i akatika katoa mai iaku nei.
19Kua ui maira ratou kiaia, Teiea ua toou Metua? Kua karanga aturā Iesu, Ioa 8:55; 16:3Kare kotou i kite iaku, e toku Metua katoa; Ioa 14:7naringa kotou i kite iaku ra, kua kite katoa ïa kotou i toku Metua.
20I te vairanga apinga Mare 12:41te tuatua anga a Iesu i teianei au tuatua, i tana apii anga i roto i te iero ra: Ioa 7:30e kare rava e tangata i rave atu iaia, Ioa 7:8kare akerai i tae ki tona ora mou.
21Kua karanga akaou aturā Iesu kia ratou, Te aere ke nei au, Ioa 7:34; 12:33e kimi kotou iaku, Ioa 8:24e ka mate kotou ma ta kotou ara katoa: kare kotou e tae ki te ngai taku e aere nei.
22Kua na ko akera te ngati Iuda, Ka ta ainei aia iaia uaorai, i karanga mai ei e, Kare kotou e tae ki te ngai taku e aere nei?
23Kua karanga atura aia kia ratou, Ioa 3:31No raro nei kotou; no runga au: Ioa 15:19; 17:16; 1 Ioa 4:5no teianei ao kotou; kare au no teianei ao.
24Ioa 8:21I karanga atu ei au kia kotou e, Ka mate kotou ma ta kotou ara katoa: Mare 16:16kia kore kotou e akarongo e, ko au ra, ka mate rai kotou ma ta kotou ara katoa.
25Kua ui maira ratou kiaia, Koai oki koe na? Kua karanga aturā Iesu, Ko taku oki i karanga atu kia kotou i muatangana.
26Te vai nei taku tuatua e taku akatau anga ia kotou e manganui: Ioa 7:28ko tei tono mai iaku nei ra, e tuatua-mou tana; Ioa 8:32; 15:15e te tuatua nei au ki to te ao nei i te au tuatua taku i akarongo iaia ra.
27Kare ratou i kite e, ko te Metua tana i tuatua ra.
28Kua karanga aturā Iesu kia ratou, Ioa 3:14; 12:32Kia akateiteiia e kotou te Tamaiti a te tangata nei, Roma 1:4ei reira kotou e kite ei e, ko au ïa, Ioa 5:19,30e kare aku peu rave ua; Ioa 3:11ko ta taku Metua ra i apii mai iaku ra, ko taku ïa e tuatua nei.
29Ioa 14:10,11Ko tei tono mai iaku nei, tei vaitata uaorai ïa iaku nei; Ioa 8:16kare te Metua i akaruke ua iaku nei ko au anake ra; Ioa 4:34; 5:30; 6:38kare oki au i tukumoe i te rave i te mea e mareka mai ei aia.
30Kia akapera atura aia i te tuatua anga i teianei au tuatua, Ioa 7:31; 10:42; 11:45maata ua maira te tangata i akarongo iaia.
31Kua karanga aturā Iesu ki te ngati Iuda i akarongo mai iaia ra, I tāpu tika kotou i taku tuatua, e pipi tikai kotou naku i reira:
32Ka kite ïa kotou i te tuatua-mou, e Roma 6:14,16,22; 8:2; Iako 1:25; 2:12na te tuatua-mou kotou e akarangatira.
33Kua tuatua maira ratou kiaia, Levi 25:42; Mata 3:9; Ioa 8:39E tamariki matou na Aberahama, kare ua matou i riro ei tuikaa na etai ke: eaa koe i tuatua mai ei e, Ka akarangatiraia kotou?
34Kua karanga aturā Iesu kia ratou, Tika, tika tikai taku e karanga atu kia kotou, Roma 6:16,20; 2 Pete 2:19Ko te rave i te kino ra, e tuikaa ïa no te kino.
35Gala 4:30Kare oki te tuikaa e noo tamou i te ngutuare; kareka ra te Tamaiti, ka noo tamou ïa i reira.
36Roma 8:2; Gala 5:1Na te Tamaiti kotou e akarangatira ra, kua rangatira tika ïa kotou.
37Kua kite au e, e tamariki kotou na Aberahama: Ioa 7:19; 8:40te umuumu mai nei ra kotou iaku e ta, no te mea kare o taku tuatua e vairanga i roto ia kotou na.
38Ioa 3:32; 5:19,30; 14:10,24Te tuatua nei au i te tuatua taku i kite i toku Metua; e te akono na oki kotou i ta kotou i kite i to kotou metua.
39Kua tuatua maira ratou kiaia, na ko maira, Mata 3:9; Ioa 8:33Ko Aberahama to matou metua. Kua karanga aturā Iesu kia ratou, Roma 3:28; 9:7; Gala 3:7Naringa kotou ei tamariki na Aberahama ra, e akono ïa kotou i ta Aberahama ra tuatua.
40Ioa 8:37I tenana ra, te umuumu mai nei kotou iaku e ta, i te tangata i akakite atu kia kotou i te tuatua-mou, Ioa 8:37i taku i kite i te Atua ra: kare uā Aberahama i akapera.
41Te akono na kotou i te tuatua a to kotou metua. Kua tuatua maira ratou kiaia, Kare matou i ta te akaturi i anau: Isa 63:16; 64:8; Mala 1:6okotai rai o matou metua, ko te Atua.
42Kua karanga aturā Iesu kia ratou, 1 Ioa 5:1Naringa ko te Atua to kotou metua ra, kua anoano mai kotou iaku: Ioa 16:27; 17:8,25no reira oki au nei, mei reira mai au i te Atua ra; Ioa 5:43; 7:28,29kare oki au i aere ua mai, nana oki au i tono mai.
43Ioa 7:17Eaa kotou i kore ei i kite i taku tuatua? no te mea, kare e tika ia kotou i te akarongo i taku tuatua.
44Mata 13:38; 1 Ioa 3:8Ko te diabolo to kotou metua, i akatikaʼi kotou i te anoano o to kotou metua ra. E ta tangata aia mei ito mairai, Iuda 6kare aia i mou i te tuatua-mou, no te mea kare e tuatua-mou o roto iaia. Kia tuatua aia i te pikikaa ra, kua tuatua aia i tei tau iaia uaorai: e pikikaa aia, e e metua oki no te pikikaa.
45No te mea e tuatua-mou taku i karanga atu nei, i kore ei kotou i akarongo mai iaku.
46Koai to kotou e akakite i taku pikikaa? E e tuatua-mou taku ra, eaa kotou i kore ei i akarongo mai iaku nei?
47Ioa 10:26,27; 1 Ioa 4:6No te Atua aia ra, ka akono ïa i ta te Atua tuatua: kare kotou i akono, no te mea kare kotou i to te Atua.
48Kua tuatua maira te ngati Iuda kiaia, na ko maira, Kare ainei te tuatua-tika ta matou i karanga nei e, no Samaria koe, e Ioa 7:20; 10:20; 8:52e demoni toou?
49Kua karanga aturā Iesu, Kare oku e demoni; te akangateitei nei ra au i taku Metua, e te akakino nei oki kotou iaku.
50Ioa 5:41; 7:18Kare oki au i kimi i toku uaorai kakā: te taka atura tei kimi i te reira, nana rai e akono.
51Tika, tika tikai taku e karanga atu kia kotou, Ioa 5:24; 11:26Ko te akono i taku ra tuatua, kare rava aia e kite i te mate.
52Kua tuatua maira te ngati Iuda kiaia, Kua kite atura matou e, e demoni tikai toou. Zeka 1:5; Ebe 11:18Kua mate oki a Aberahama, e te au peroveta katoa; e te tuatua mai na koe e, Ko te akono i taku ra tuatua, kare rava aia e kite i te mate.
53E maata ua aina koe ia Aberahama i to matou metua i mate ra? e te au peroveta katoa oki kua mate: koai koe na i toou maara anga?
54Kua karanga aturā Iesu, Ioa 5:31Kia akameitaki au iaku uaorai, e akameitaki anga marikonga kore taku: Ioa 5:41; 16:14; 17:1; Anga 3:13ko toku Metua tei akameitaki mai iaku; ko ta kotou i tuatua ana e, e Atua no kotou:
55Ioa 7:28,29Kare kotou i kite iaia; kua kite ra au iaia: naringa au i na ko ana e, Kare au i kite iaia, kua riro au ei pikikaa mei ia kotou katoa na: kua kite ra au iaia, e te akono nei au i tana tuatua.
56Luka 10:24I rekareka ana oki to kotou metua ko Aberahama i toku nei tuatau kia kite aia: Ebe 11:13e kite atura, e mareka atura oki.
57Kua tuatua maira te ngati Iuda, Kare akera i tae i te rima o te ngauru anga i toou mataiti, e kua kite oki koe ia Aberahama?
58Kua karanga aturā Iesu kia ratou, Tika, tika tikai taku e karanga atu kia kotou, Kare a Aberahama i anau ra, Exo 3:14; Isa 43:13; Ioa 17:5,24; Kolo 1:17; Apo 1:8TE NOO NEI AU.
59Ioa 10:31,39; 11:8Kua rave iora ratou i te toka e peî iaia: akangaro ua iorā Iesu, na rotopu atura ia ratou te aere, Luka 4:30aere atura ki vao mai i te iero ra, aere atura.
Who We AreWhat We EelieveWhat We Do
2025 by iamachristian.org,Inc All rights reserved.
