2 Paraleipomeno 10 - Cook Islands Maori Bible(CIMB)

PENE X - 10Te ngati Iseraela i te uipa anga i Sekema e akaariki ia Rehoboama: koia kare i akarongo i te tuatua a te au tangata metua, i akaruke ei nga kopu tino ngauru iaia.

1AERE 1 Ari 12:1&caturā Rehoboama ki Sekema: kua ope rava oki to Iseraela i te tae mai ki Sekema e akaariki iaia.

2E kite akerā Ieroboama te tamaiti a Nebata i Aiphiti, 1 Ari 11:40i oro oki aia i reira i mua i te aroaro o te ariki ra o Solomona, kua oki mairā Ieroboama mei Aiphiti mai.

3Kua tono akera ratou e tiki iaia. Kua aere mairā Ieroboama e to Iseraela katoa, e tuatua kia Rehoboama, na ko atura,

4E teiaa rava to te zugo a to metua i runga ia matou; e tenana, e akamāmā ake ana koe i te angaanga maata a to metua, e te zugo teiaa tana i tuku mai ki runga ia matou nei, ka tavini atu ei matou ia koe i reira.

5Kua tuatua maira aia kia ratou, E oki mairai kotou ki ko nei kiaku nei kia po toru ake. Aere atura taua aronga tangata ra.

6Kua ui akera te ariki ra ko Rehoboama ki te aronga tangata metua i tu ki mua i tona metua ia Solomona i te ora anga ra, na ko akera, Eaa ta kotou tuatua kia karanga atu au ki teianei aronga?

7Kua tuatua maira ratou kiaia, na ko maira, Kia takinga-meitaki koe i teianei aronga tangata, e te taurekareka ra taau tuatua kia ratou, e kia karanga atu koe kia ratou i te tuatua meitaki, ka riro ïa ratou ei tavini noou e tuatau ua atu.

8Akaruke akera aia i te tuatua a taua aronga tangata metua i tuku mai kiaia ra, e kua ui atura ki te au tangata ou, okotai rai pakari katoa anga ma ia katoa, e ko tei tu oki i mua iaia:

9Kua karanga atura aia kia ratou, Eaa ta kotou tuatua kia karanga atu tatou ki teianei aronga, ko tei tuatua mai kiaku nei, tei na ko mai e, E akamāmā ana koe i te zugo i tukuia mai e to metua ki runga ia matou nei?

10Kua tuatua maira taua aronga tangata ou ra, okotai rai pakari katoa anga ma ia katoa ra, na ko maira, E na ko atu koe ki te au tangata i tuatua mai kia koe ra, ko tei tuatua mai e, E teiaa maata to te zugo ta to metua i tuku mai ki runga ia matou nei, e tamāmā mai koe i taua zugo ra ia matou nei; e na ko atu koe kia ratou, Ka maata rava toku maikao-rima iti nei i te taukupu o toku metua:

11Kua tuku rai oki toku metua i te zugo teiaa ki runga ia kotou, ka maata rava ra ta kotou zugo iaku: i pāpā toku metua ia kotou ki te pāpā tikai, ka pāpā ra au ia kotou ki te sekopio.

12Kua aere mairā Ieroboama e te tangata katoa kia Rehoboama ra i te po toru, ta te ariki oki i tuatua maira, ka tuatua mai ei ra e, E oki akaou mai kotou kia tae ki te po toru.

13Kua tuatua taivaiva maira te ariki kia ratou; kua akaruke oki te ariki ra ko Rehoboama i te tuatua a te au tangata metua;

14E kua karanga atura aia kia ratou i te tuatua a te aronga ou ra, na ko atura, Kua akateimaa oki toku metua i te zugo ki runga ia kotou, e maata rava ra taku i te teiaa: i pāpā oki toku metua ia kotou ki te pāpā tikai, ka pāpā ra au ia kotou ki te sekopio.

15Kare atura te ariki i akarongo i taua au tangata ra: 1 Samu 2:25; 1 Ari 12:15,24no ko mai oki i te Atua ra taua mea nei, kia akatupu a Iehova i tana tuatua tana i karanga ia 1 Ari 11:29Ahia i Silo ra, kia Ieroboama te tamaiti a Nebata ra.

16E kite akera to Iseraela katoa e, kare te ariki i akarongo mai ia ratou, kua karanga atura te au tangata ki te ariki ra, na ko atura, Eaa ta matou puapinga ia Davida nei? kare a matou tuanga i te tamaiti a Iese: ei to kotou au puakapa, e Iseraela e: e tenana, e Davida, e roi i toou uaorai ngutuare. Aere anake atura to Iseraela ki to ratou au puakapa:

17Kareka te tamariki a Iseraela i noo i te au oire i Iuda ra, e au to Rehoboama ki runga ia ratou.

18Kua tono akera te ariki ra ko Rehoboama ia Adorama, no runga aia i te apinga uipa ra; peîia iora aia e te tamariki a Iseraela ki te toka, mate rava akera; kua akamaroiroi iora te ariki ra ko Rehoboama kia tae aia ki runga i te kariota, e oro ki Ierusalema.

191 Ari 12:19Kaitamaki iora Iseraela i te ngutuare o Davida, e tae rava akenei ki teianei rā.