Ieremia 38 - Cook Islands Maori Bible(CIMB)

PENE XXXVIII - 38I tapepe pikikaaiā Ieremia i tapekaiaʼi ki roto i te vaarua vari: i te tuatua a Ebede-meleka i tukuiaʼi aia ki vao: tana tuatua ki te ariki.

1KUA akarongo a Sephatia, te tamaiti a Matana, e Gedalia, te tamaiti a Pasahura, e ngati Kusa ra, tetai o te au eunuka i roto i te are o taua ariki ra, e kua uri ratou ia Ieremia ki raro i te vaarua; te noo ua ra te ariki i te ngutupa ki o Beniamina ra;

8Kua aere iorā Ebede-meleka ki vao i te are o te ariki ra, e kua karanga atura ki te ariki, na ko atura,

9E taku atu, e te ariki, e takinga-kino to teianei au tangata i te au mea katoa ta ratou i rave i te peroveta nei ia Ieremia, tei uriia e ratou ki roto i te vaarua; e mate takiri oki aia i reira i te pongi, kare atura o te oire nei e manga.

10Kua akaue atura te ariki ia Ebede-meleka ngati Kusa ra, na ko atura, E rave katoa koe i te tangata kia toru ake ngauru, ka uuti mai ei i te peroveta ra ia Ieremia ki runga, mei roto mai i te vaarua ra, ka mate aea aia.

11Kua rave aturā Ebede-meleka i taua au tangata ra, aere atura ki roto i te are o te ariki ra, i raro ake i te pia apinga ra; kua rave iora i te kakau motumotu, e te ngaengae, e kua tataura iora i te tuku anga ki raro kia Ieremia ki roto i te vaarua ra.

12Kua karanga atura Ebede-meleka ngati Kusa kia Ieremia, Ka tuku ana i tenana aeaenga kakau e te motumotu ra ki raro ake i to keke ra, ki raro ake i te taura ra: kua pera aturā Ieremia.

13Iere 38:6Kua uuti iora ratou ia Ieremia ki runga i taua taura ra, rave akera iaia mei roto mai i taua vaarua ra: noo ua iorā Ieremia Iere 37:21ki roto i te paepae i taua are tapeka anga ra.

14Kua tono akera te ariki ra ko Zedekia, e kua arataki maira i te peroveta ra ia Ieremia kiaia uaorai, ki roto i te toru o te tomoanga, ki roto i te are o Iehova. Kua tuatua maira te ariki kia Ieremia ra, Ka ui au kia koe i tetai mea; auraka koe e uuna iaku.

15Kua karanga aturā Ieremia kia Zedekia, Kia akakite atu au kia koe ra, kare ainei koe e tamate rava mai iaku? e kia ako atu au ia koe ra, kare koe e akarongo mai iaku.

16Kua taputou poiri ua ra te ariki ra ko Zedekia kia Ieremia, na ko atura, Te ora rā Iehova, Isa 57:16tei anga i to taua nei vaerua, kare au e ta ia koe, kare oki au e tuku atu ia koe ki te rima o teianei au tangata, tei kimi mai ia koe kia mate.

17Kua karanga aturā Ieremia kia Zedekia, Te na ko maira te Atua Sabaota ra, ko Iehova, te Atua o Iseraela; 2 Ari 24:12Kia tika ia koe kia aere atu Iere 39:3ki te ui ariki ki o te ariki o Babulonia, e ora to vaerua i reira, e kare teianei oire e ka i te ai i reira; ka ora oki koe, e to kopu-tangata katoa ra:

18Kia kore ra e tika ia koe kia aere atu ki te ui ariki ki o te ariki o Babulonia, e tukuia teianei oire i reira ki te rima o te Kaledea, e na ratou e tutungi ki te ai, Iere 32:4; 34:3; 38:23e kare rai oki koe e ora i to ratou rima.

19Kua tuatua maira te ariki ra ko Zedekia kia Ieremia, Te mataku nei au i te au ngati Iuda i uri ki o te Kaledea, ko te tukuia aea au e ratou ki to ratou ra rima, e ko te 1 Samu 31:4akainainaia aea au e ratou.

20Kua karanga aturā Ieremia, Kare ratou e tuku ia koe. E akarongo mai ana koe i tenana i te reo o Iehova, taku e karanga atu kia koe nei: e meitaki ïa toou i reira ra, e ka ora oki toou vaerua.

21Kia kore ra e tika ia koe kia aere, teia ta Iehova tuatua i akakite mai iaku nei:

22I na oki, te au vaine katoa i toe ki roto i te are o te ariki o Iuda, e aratakiia mai ïa ki te ui ariki ki o te ariki o Babulonia, e na ko mai oki taua au vaine ra, Na to au oa akaperepere koe i akakoko, e kua tupu ta ratou ia koe: kua piritia to vaevae ki roto i te vari ra, e kua kotoe akenei ratou ki muri.

23E arataki mai oki ratou i taau au vaine katoa, Iere 39:6; 41:10e taau au tamariki, ki te Kaledea: Iere 38:18kare katoa koe e ora i to ratou rima, e rauka ra koe i te rima o te ariki o Babulonia: e noou e ka ai teianei oire ki te ai.

24Kua tuatua mairā Zedekia kia Ieremia i reira ra, Auraka rava teianei au tuatua e akakiteia ki tetai tangata nei, e kare oki koe e mate.

25Kia kite ra te ui ariki nei e, i tuatua ua ana taua, e kia aere mai ratou kia koe ra, e kia tuatua mai e, E akakite mai kia matou i taau i tuatua ki te ariki ra, auraka e uuna ia matou nei, kare oki koe e mate ia matou; e ta te ariki oki i tuatua mai kia koe ra:

26Ei reira koe ka karanga atu ei kia ratou, Iere 37:20I tuku akaaka ua atura au i taku pati anga ki mua i te aroaro o te ariki ra, e auraka aia e akaoki iaku Iere 37:15ki te are o Ionatana, kia mate i reira.

27Kua aere anake maira te ui ariki kia Ieremia ra, e kua ui maira kiaia: e kua akakite atura aia kia ratou i taua au tuatua katoa nei, mei ta te ariki i akaue mai kiaia ra. Akaruke muteki ua maira ratou iaia: kare atu taua mea ra i kitea.

28Iere 37:21; 39:14Noo ua aturā Ieremia ki roto i te paepae o te are tapeka anga ra, e tae ua atura ki te rā i raveiaʼi Ierusalema: ei reira oki aia i te rave anga ia Ierusalema ra.