Isaia 58 - Cook Islands Maori Bible(CIMB)

PENE LVIII - 58Te akono anga pikikaa i te au ravenga: e meitaki to tei tataraara e tei akono i te sabati.

1E KAPIKI nui, auraka e taporoporo: e akateitei i to reo mei te pu ra, ka akakite ki toku ra iti-tangata i ta ratou tuatua kino, e te ngutuare o Iakoba i ta ratou au ara.

2Ko au nei ra, te kimi maira ïa ratou, i tera rā, i tera rā; e kia kite oki ratou i toku ra au aerenga, ko to ratou ïa inangaro; mei te enua i rave i te tuatua-tika ra, e kare i akaruke i te akonoanga a tona ra Atua: te ui maira oki ratou iaku i te akonoanga o te tuatua-tika ra; e mea inangaro na ratou i te akavaitata atu ki te Atua.

3 Mala 3:14 Eaa matou i akakore ei i te kai, e kare koe i akara mai? Levi 16:29,31; 23:27i akamamae ei i to matou vaerua, e kare koe i akono mai? I na, i te rā e akakore ei kotou i te kai, te rekareka ra kotou: e ta kotou angaanga i akaue kia raveia ra, kua umuumu kotou e kia ope rava.

41 Ari 21:9,12,13I na, te akakore na kotou i te kai ei māro anga, e ei tauetono anga, e kia moto kotou i te rima kukumu takinga-kino; auraka kotou e akapera i te akakore anga kai mei tei teianei rā, i te akateitei anga i to kotou reo ki runga roa ra.

5Zeka 7:5Mei te reira ainei te akakore anga kai inangaroia e au ra; Levi 16:29e rā taakaakaʼi te tangata i tona vaerua? kia tupou tona upoko ki raro mei te kakao, Esete 4:3; Iobu 2:8; Dani 9:3; Iona 3:6e kia toatoa i te kakau paoa ma te reu umu ei roi nona? E karanga ainei koe e, ko te reira te akakore anga kai, e e rā tau na Iehova?

6Kare ainei teia te akakore anga kai taku i inangaro ra? kia tatara i te au ruru o te kino; Nehe 5:10,11,12kia akakore i te apainga teiaa ra, kia Iere 34:9akaoraia tei takinga-kinoia, e kia aatiia e kotou te au zugo ravarai?

7Kare ainei kia Eze 18:7,16; Mata 25:35tuaia taau kai na te aronga i pongi ra, e kia arataki i te ao i takinga-kinoia ra ki te ngutuare, Iobu 31:19kia kite koe i te putaua, kia akakakau koe iaia, e auraka koe Gene 29:14; Nehe 5:5e uuna ia koe uaorai i toou uaorai taeake?

8Iobu 11:17Ei reira toou mārama e puroro mai ei mei te popongi ra; e e tupu viviki mai ei toou ora: e na mua oki taau tuatua-tika ia koe te aere; Exo 14:19; Isa 52:12

e te kakā o Iehova te ka na muri mai ia koe ra.

9E kapiki koe i reira, e ka iō mai a Iehova; e kaku koe, e ka tuatua mai aia, I na, teia Au.

Kia akakore koe i te zugo i rotopu ia koe ra, i te tounga i te rima, Sala 12:2e te tuatua kino ra;

10Kia riro ua atu toou vaerua ki tei pongi ra, e pangia akera te kaki o tei rokoia e te tumatetenga ra; ei reira toou mārama e iti mai ei i roto i te poiri, e ka tu a avatea toou poiri.

11E arataki a Iehova ia koe i reira kare e tukumoe, e nana e akamerengo i to vaerua i te onge kino maata, e nana e akamatutu i toou au ivi: e riro oki koe mei te kainga i tamauu meitakiia ki te vai ra; e mei te punavai, tei kore rava tona vai e mate ra.

12E na toou ra uanga Isa 61:4e patu akaou i te au ngai ngaoro taito ra: e patu akaou koe i te au tango o te au uki e manganui; e e tapaia koe e, ko te Akairiiri patu ngaoro ra, te Rave akaou i te arataa e nooia ra.

13 Isa 56:2 Kia tāpu koe i to vaevae i te sabati i te rave anga i toou uaorai inangaro i toku rā tapu; e kia karanga koe i te sabati e, ei rā inangaroia, te mea tapu no Iehova, e mea meitaki; e kia akameitaki koe i te reira, i te rave kore i taau ra au peu, kare e kimi i toou ra anoano, e kare e tuatua i taau uaorai tuatua:

14Iobu 22:26E rekareka koe ia Iehova i reira: e naku koe Deu 32:13; 33:29e akanoo ki runga i te au ngai teitei o te enua nei, e e angai ia koe ki te tuanga a toou metua ra a Iakoba: Isa 1:20; 40:5; Mika 4:4ko te vaa oki o Iehova tei tuatua mai.