1 I TAUA Aka 17:6; 18:1; 21:25tuatau ariki kore no Iseraela ra, te noo ra tetai ngati Levi i tetai pae i te maunga ra ko Epheraima, e kua rave iora aia i tetai vaine tavini nana no Aka 17:7Betelehema-Iuda ra.
2Akaturi atura taua vaine nana ra, e akaruke maira oki iaia e aere atura ki te ngutuare o tona metua i Betelehema-Iuda ra, e i reira te noo anga e a akera marama tikai.
3Kua tu akera tana tane e aru atura iaia, e tuatua rekareka atu kiaia, e arataki akaou mai iaia, tona tavini katoa oki i te aere katoa anga, e nga asini oki e rua. Kua arataki atura taua vaine ra iaia ki roto i te are o tona metua tane: e kia akara maira taua metua tane o taua vaine ra iaia, mareka akera aia i te mea i aravei akaou.
4Kua pupuru iora te metua o te vaine ra, te metua ongoai nona ra, iaia, noo iora aia ki ona ra, e po toru akera; kaikai iora ratou, inu iora oki, e kua moe iora oki i reira.
5E tae akera ki te po a, kua tu akera ratou i te popongi metua, kia tu aia ki runga e aere; kua tuatua maira te metua tane o taua vaine ra ki taua unonga nana ra, Ka kai ana i te kai, Gene 18:5e kia maroiroi koe, ka aere ei kotou.
6Kua noo iora raua katoa ki raro, e kua kaikai iora, e kua inu oki: kua tuatua maira te metua tane o taua vaine ra ki taua tangata ra, Teia taku tuatua kia koe, e noo kia ao teianei po, e kia rekareka marie koe.
7E kia tu taua tangata ra ki runga e aere, kua pupuru tona metua ongoai iaia, e kua moe akaou iora aia i reira.
8Kua tu akera aia ki runga i te popongi roa i te rā rima ra e aere: kua tuatua maira te metua tane o taua vaine ra, Teia taku tuatua kia koe, ka akamaroiroi ia koe kia rekareka ake to ngakau na. Kua noo iora raua e parepare atura te rā, e kua kaikai oki raua.
9Kua tu akera taua tangata ra ki runga e aere, koia e tana vaine, e te tavini katoa nona; kua tuatua maira tona metua ongoai, te metua tane o te vaine ra, kiaia, I na, teia taku tuatua ki koe, kua parepare te rā, ka noo rai kotou i teianei po: i na, kua poto roa oki te rā, ka moe i ko nei, e akarekareka ake oki i to ngakau, e apopo i te akirata ra, ka aere ei i to kotou aerenga, ki to puakapa roa.
10Kare akera i tika i taua tangata ra kia noo i te reira po, tu maira ki runga e kua aere maira, e tae maira ki vaitatao Iosu 18:28ki Iebusi, koia oki Ierusalema ra: koia e te vaine nana, e nga asini e rua ma te nooanga ki rungao, i taua tere nona ra.
11E vaitata maira ratou ia Iebusi ra, kua poto roa te rā; kua tuatua akera te tavini ki tona pu ra, Teia taku tuatua kia koe, e aere mai, Iosu 15:8,63; Aka 1:21; 2 Samu 5:6tatou e tapae ki teianei oire o te ngati Iebusi nei, e moe i reira.
12Kua karanga atura tona pu ra kiaia, Auraka tatou e tapae ki te oire tangata ke ke nei, kare e tamariki a Iseraela o reira; ka aere rai tatou Iosu 18:28ki Gibea.
13E kua karanga atura aia ki tona tavini, E aere, kia tae tatou ki tetai i tera ra puke oire, ei Gibea, e kare ra, ei Iosu 18:25Rama, ka moe ei tatou.
14Aere ua iora ratou, e tae maira ratou i vaitata i Gibea i o Beniamina ra, topa atura te rā ia ratou.
15Kua tapae akera ratou i reira, e aere atura ki roto i taua oire ra ia Gibea, e moe: e tae atura aia ki roto, noo ua iora aia ki raro i rotopu i te matara o taua oire ra: Mata 25:43; Ebe 13:2kare rava oki e tangata e arataki ua atu ia ratou ki roto i te are e moe.
16E i na, te aere maira tetai tangata ruaine Sala 104:23mei te kainga mai, mei tana rave anga angaanga, i te aiai ra, no taua maunga katoa ra no Epheraima, e noo ra aia i Gibea: kareka te tangata no taua ngai ra e ngati Beniamina ïa.
17E kia nānā akera aia i tona mata ki runga, kite maira aia i taua tuitarere ra i te matara o taua oire ra; kua tuatua maira taua tangata ruaine ra, Noea roa koe? e e aere oki koe ki ea?
18Kua karanga atura aia kiaia, mei Betelehema-Iuda mai matou, e te aere nei matou ki tetai pae i te maunga ra ko Epheraima, no reira oki au nei. I Betelehema-Iuda oki au, e te aere nei au Iosu 18:1; Aka 18:31; 20:18; 1 Samu 1:3,7ki te are o Iehova; e kare rava oki e tangata e arataki iaku ki roto i te are.
19E mauku ra teia na ta matou puke asini e te kai; e kai oki teia e te wina naku, e na to tavini vaine nei, e na teianei tangata ou no to au tavini nei; kare ua e ape toe nei.
20Kua tuatua maira taua tangata ruaine ra, Gene 43:23; Aka 6:3Kia ora koe, ei iaku nei te au mea katoa naau ra, Gene 19:2auraka ra koe e moe ua i te matara nei.
21Gene 24:32; 43:24Kua arataki atura aia ia ratou ki roto i tona are, e kua apai atura i te kai na nga asini ra; Gene 18:4; Ioa 13:5kua orei iora oki ratou i to ratou au vaevae, e kua kaikai, e kua inu oki.
22E ta akarekareka ua ra ratou i to ratou ngakau, i na, te akapiniia maira tana are ra Deu 13:13e te aronga tangata kanga Gene 19:4; Aka 20:5; Hose 9:9; 10:9no taua oire ra, e kua tutuki maira i te pa, e kua tuatua maira ki te pu o te are ra, ki taua tangata ruaine ra, na ko maira, Gene 19:5; Roma 1:26,27Ka arataki mai ana i te tangata i tomo atu ki roto i to are na, kia kite matou iaia.
23Gene 19:6,7E aere atura taua tangata nona te are ra ki vao kia ratou ra, e kua karanga atura kia ratou Teia taku tuatua kia kotou, auraka, e taku au taeake, auraka oki kotou e takinga-kino: kua tomo mai oki teianei tangata ki roto i toku nei are: 2 Samu 13:12auraka rava ïa mea akama e raveia.
24Gene 19:3I na, taku tamaine, e paretenia ïa, e te vaine nana ra; ko taku e arataki mai ki vao, ko ta kotou e Gene 34:2; Deu 21:14taakaakao, ka rave ei kotou i ta kotou e anoano ia raua ra; kareka i teianei tangata, auraka rava ïa mea akama e raveia.
25Kare rai taua aronga tangata ra i akarongo iaia; kua rave iora taua tangata ra i tana vaine, kua arataki atura kia ratou ra; e kua Gene 4:1rave iora ratou iaia, e kua takinga-kino ratou iaia e ao ua akera te reira po: e tei te akirata ra kua tuku iora ratou iaia.
26Kua aere maira taua vaine ra i te akirata anga ra, e topa iora ki raro i te ngutupa o te are o te tangata, tei reira tana tane ra; ko te vai ua anga ïa e ao rava akera.
27Tu akera tana tane ki runga i te popongi, e kua eeu akera i nga pa o taua are ra, e kua tomo atura ki vao e aere i tona tere; e i na, te tarava ua ra taua vaine tavini nana ra ki raro, i te ngutupa o taua are ra, e nga rima nona te vai ua anga ki rungao i te turuki i taua ngutupa ra.
28Kua karanga atura aia kiaia, Ka tu, e aere tatou; Aka 20:5kare ra i ki mai. Kua tuku iora taua tangata ra iaia ki runga i te asini: tu akera aia, e aere atura ki tona ra ngai tikai.
29E tae atura aia ki tona ngutuare tikai, kua rave iora aia i te matipi, kua opu iora i taua vaine nana ra, Aka 20:6; 1 Samu 11:7kotikoti atura ma te au ivi katoa, okotai ngauru kotinga e e rua ara, e kua akau atura ki te au tapere katoa i Iseraela ra.
30Kua tuatua akera te aronga ravarai i kite, Kare rai teia i kitea, kare rai i raveia, mei te rā mai i aere mai ei te tamariki a Iseraela mei te enua maira mei Aiphiti, e tae rava akenei ki teianei rā; ka akamaara, Aka 20:7; Mase 13:10ka kimi marie, ka akakite mai i to kotou manako.
Who We AreWhat We EelieveWhat We Do
2025 by iamachristian.org,Inc All rights reserved.
