Iobu 20 - Cook Islands Maori Bible(CIMB)

PENE XX - 20Te akakite nei a Zophara i te tu o te tangata rave ara, e tona openga.

1KUA karanga aturā Zophara i Naama, na ko atura,

2No toku manako ka karanga atu ei au, e no toku rapurapu i roto iaku nei.

3Kua rongo au i te ako akakino iaku, e no te ngakau kite noku ra ka tuatuaʼi au.

4Kare ainei koe i kite i teia mei taito mai, ka akanooiaʼi te tangata ki runga i te enua nei,

5Sala 37:35,36E e poto rai te autu anga o te aronga kino, e to te pikikaa ra rekareka mei te kamo anga mata nei ïa?

6Isa 14:13,14; Oba 3,4Tae ua atu tona nengonengo ki runga i te rangi, e te tumurangi kia taea ravaia e tona mimiti;

7E mate rava aia Sala 83:10mei te apinga viivii ra e tuatau ua atu: na te aronga i kite iaia e tuatua e, Teiea aia nei?

8E peke ke atu aia Sala 73:20; 90:5mei te moe, e kare e kitea kia kimi: e ngaro rava atura aia mei te orama i te po ra.

9Iobu 7:8,10; 8:18; Sala 37:36; 103:16Te mata i akara iaia, kare e akara akaou atu; kare oki tona ngai e kite akaou atu iaia.

10E taparu aere tana au tamariki i te ao, e na tona uaorai rima Iobu 20:18e akaoki i ta ratou apinga.

11Kua ki tona au ivi i Iobu 13:26; Sala 25:7te ara o tona ou anga, Iobu 21:26ka takoto rai ma ia katoa ki raro i te one-pueu.

12Vene ua rai te tuatua kino i tona vaa, e kua uuna aia i te reira i raro ake i tona arero;

13Akaperepere oti aia i te reira, e kare i akaruke; kua vaoo marie ra i roto i tona vaa:

14Kua akatu keia te kai i roto i tona kopu, e kua riro ei au asepi i roto iaia.

15Ko te apinga i apukuia e ia, ka ope ïa i te ruaki ki vao: na te Atua ïa e akaruaki i te reira mei roto i tona kopu.

16Ko te kavangu asepi tana ka ngote: e mate aia i te arero o te vipera.

17Sala 36:9; Iere 17:6Kare aia e kite i te au matavai, te au kauvai, e te taʼe a vai ua anga o te meli, e te bata.

18Iobu 20:10,15Ka akaoki aia i tana i rauka i te angaanga, e kare aia e kai: e aite tana e akaoki ra ki tana apinga i te maata, e kare ona e rekareka anga.

19No te mea kua takinga-kino aia, kua akaruke i te ao; kua rave ua aia i te are kare i akatuia e ia;

20Kohe 5:13,14Kare rava oki aia e kite i te ki anga o tona kopu, e tana kai inangaro kare e akatoeia.

21No tana kai kare e toe; i kore ei tana apinga e kimiiaʼi.

22I te vai maata anga o tona apinga nui, e pini tona i reira: e rokoia aia e te au rima akapekapeka ravarai.

23Te akaki ra aia i tona kopu, te uri maira te Atua i te otooto anga o tona riri ki runga iaia, Nume 11:33; Sala 78:30,31e te kai ra aia, te akatopa ua maira i taua riri ra ki runga iaia.

24Isa 24:18; Iere 48:43; Amo 5:19Ka oro aia i te mouranga auri, e ka puta mama aia i te ana veo.

25Kua kiritiia te reira, e kua riro mai mei roto i te kopapa; e te Iobu 16:18koke kanapanapa no roto i tona au; Iobu 18:11kua rokoia aia e te rikarika.

26Kua uunaia nga mea poiri ravarai ei apinga nana: Sala 2:9e pou aia i te ai pupui koreia; e tei vaooia i roto i tona ra puakapa, ka kino ïa.

27Na te rangi e akakite i tona kino; e ka tu mai te enua e patoi iaia.

28E riro ke ïa te apinga o tona are, e e kore ua ïa i te rā e riri ei te Atua ra.

29Iobu 27:13; 31:2,3Ko te tuanga ïa o te tangata kino i te Atua ra, e te kelero i akonoia e te Atua nana.