Deuteronomi 16 - Cook Islands Maori Bible(CIMB)

PENE XVI - 16Nga oroa mataiti e toru ra, e ta te tangata e apai kia tae ki nga oroa ra.

1E AKONO i te marama ra ia Abiba oki te marama i arataki mai ei to Atua ko Iehova ia koe mei Aiphiti Exo 12:29,42mai i te po.

2E teia nei e apai koe i te pasa na to Atua ra na Iehova, Nume 28:19te mamoe e te puakatoro, Deu 12:5,26ki te ngai ta Iehova e akono ei vairanga no tona ra ingoa.

3Exo 12:15,19,39; 13:3,6,7Auraka koe e kai ma te areto akaopueia ra; kia po itu ra koe i te keinga ma te areto akaopue kore, te areto no te mate ra; i aere rapurapu ua mai oki koe mei te enua maira mei Aiphiti, no reira koe ka manako ei i te rā i aere mai ei koe mei te enua maira mei Aiphiti, i toou katoa ra au rā i te ora anga nei.

4Exo 13:7Auraka rava ei areto akaopueia kia kitea i o ou ra, i roto i toou katoa au kotinga, e ope ua ake nga rā e itu ra; Exo 12:10; 34:25auraka rava oki ei manga kiko, i taau i akaatinga i te rā mua i te aiai ra, e vaooia no te popongi ake.

5Kare e tika ia koe e ko i te pasa i roto i te au oire katoa noou, ta to Atua ta Iehova e oronga mai noou ra:

6Ei te ngai ra ta to Atua ra ta Iehova e akono ei vairanga no tona ra ingoa, ei reira koe e ko ei i te pasa, Exo 12:6ei te aiai ra, i te topa anga o te rā ra, i te tuatau taau i aere mai mei Aiphiti maira.

7Exo 12:8,9; 2 Para 35:13Ka tunu oki koe, e e kai oki 2 Ari 23:23; Ioa 2:13,23; 11:55i te ngai ta to Atua ra ta Iehova e akono ra; e tika ra ia koe kia oki ki te ngutuare kia popongi ake.

8Ka kai koe i te areto akaopue koreia i nga rā e ono, Exo 12:16; 13:6; Levi 23:8e kia tae ki te itu o te rā ei uruoaanga tapu ïa na toou Atua na Iehova; auraka rava koe e rave i te angaanga i reira.

9 Exo 23:16; 34:22; Levi 23:15; Nume 28:26; Anga 2:1 E tatau koe i nga ebedoma e itu ra; kia akamata koe i te kokoti i te sitona ra, e mei reira mai i te tatau i nga ebedoma e itu ra.

10E akono oki koe i te oroa ebetoma a to Atua ra a Iehova, ma te apinga oronga ua a to rima ra; naau e oronga Deu 17:17; 1 Kori 16:2i tei tau ki ta to Atua ra ta Iehova i akameitaki mai ia koe ra:

11Deu 12:7,12,18; 16:14E rekareka koe ki mua i te aroaro o to Atua ra o Iehova, ko koe, e taau tamaiti, e taau tamaine, e to tavini tane, e to tavini vaine, e te ngati Levi i o ou ra, e te tangata ke, e te matiroeroe, e te vaine takaua i o ou na, i te ngai i akonoia e to Atua ra e Iehova ei vairanga no tona ra ingoa.

12Deu 15:15E akamaara oki koe e e tavini koe i Aiphiti ra; e akamako oki koe i teianei au akonoanga e e rave.

13 Exo 23:16; Levi 23:34; Nume 29:12 E akono oki koe i te oroa patia anga puakapa e kia po itu, kia oti taau sitona e taau wina i te akaputuputuia e koe ki roto ra;

14Nehe 8:9&c E rekareka oki koe i taua oroa naau ra, ko koe, e to tamaiti, e to tamaine, e to tavini tane, e to tavini vaine, e te ngati Levi, e te tangata ke, e te matiroeroe, e te vaine takaua i o ou ra.

15Levi 23:39,40Kia po itu koe i te akono anga i te oroa a toou Atua ra a Iehova, i te ngai i akonoia e Iehova; e akameitaki mai oki to Atua ra ko Iehova ia koe i taau katoa ra apinga tini, e te au angaanga katoa a to rima na, e ka rekareka tika rai oki koe.

16 Exo 23:14,17; 34:23 Kia taki toru to te au tane katoa i o ou ra aere akakite anga atu ki mua i te aroaro o to Atua ra o Iehova i te mataiti okotai, i te ngai tana e akono ra; ei te oroa areto akaopue kore ra, e te oroa ebetoma ra, e te oroa patia anga puakapa: Exo 23:15; 34:29e auraka oki ratou e aere puapinga kore ua ki mua i te aroaro o Iehova:

17E oronga ra te tangata ravarai i tei tika iaia ra, Deu 16:10i te tau i te meitaki ta to Atua ra ta Iehova i oronga atu kia koe ra.

18 Deu 1:16; 1 Para 23:4; 26:29; 2 Para 19:5,8 Ei aronga akava e te aronga taoonga taau e akono i to au oire ravarai ra, ta to Atua ra ta Iehova e oronga mai noou ra, e pini ua ake to au kopu katoa ra; e na ratou e akava i te tangata ma te tuatua-tau tikai ra.

19Exo 23:2,6; Levi 19:15Auraka koe e ruri ke i te tuatua-tau ra; Deu 16:17; Mase 24:23auraka koe e akono i te tu o te tangata, Exo 23:8; Mase 17:23; Kohe 7:7auraka oki e rave i te tutaki; ka po oki te mata o te aronga pakari i te tutaki, e piko ke oki te tuatua a te aronga tuatua-tika ra.

20Ko te mea tika tikai ra taau e akono, Eze 18:5,9kia ora koe, e kia noo i te enua ta to Atua ra ta Iehova e oronga mai noou ra.

21 Exo 34:13; 1 Ari 14:15; 16:33; 2 Ari 17:16; 21:3; 2 Para 33:3 Auraka koe e tanu i tetai rakau i maaniia ei Asetoreta i vaitata i te atarau, taau e akatu noou na to Atua ra na Iehova.

22Levi 26:1Auraka oki koe e akatu i te tiki naau; e mea riri ïa na to Atua ra na Iehova.