Numero 16 - Cook Islands Maori Bible(CIMB)

PENE XVI - 16Te kaitamaki a Kora e tei piri mai kiaia ra, e to ratou mate.

1 KUA Exo 6:21; Nume 26:9; 27:3; Iuda 11rave iorā Kora, te tamaiti a Izehara, te tamaiti a Kohata, te tamaiti a Levi ra, e ko Datana e ko Abirama, nga tamariki a Eliaba, e ko Ona te tamaiti a Peleta, nga tamariki a Reubena;

2Kua tu iora ratou ki runga ki mua i te aroaro o Mose, ratou e tetai pae i te tamariki a Iseraela, e rua katoa anere e rima ngauru ui mataiapo anake no taua uipaanga ra, Nume 26:9e aronga mamaata i taua uipaanga ra, e aronga tangata rongonui anake:

3Sala 106:16Kua kapiti maira ratou tei runga maira ia Mose raua ko Aarona, e kua tuatua maira kia raua, Te akamaata rava na korua, Exo 19:6no te mea te tapu katoa nei te uipaanga katoa e pini ua ake, Exo 29:45; Nume 14:14; 35:34e tei roto a Iehova ia ratou ra; e tenana, eaa korua i akateitei ei ia korua uaorai, e akaaka io nei te uipaanga o Iehova nei?

4Kite akerā Mose i te reira tuatua, Nume 14:5; 20:6tipapa iora aia ki raro i tona mata:

5Kua karanga atura aia kia Kora e taua pouou katoa nona ra, na ko atura, Apopo rai a Iehova ka akakite mai ei i tona ra, Nume 16:3; Levi 21:6,7,8,12,15e te tangata tapu tikai; Nume 3:10; Levi 10:3; 21:17,18; Eze 40:46; 44:15,16e koia tana e akavaitata mai kiaia ra; nana uaorai oki e akavaitata kiaia Exo 28:1; Nume 17:5; 1 Samu 2:28; Sala 105:26i tana i iki ra.

6Teia ta kotou e rave: E rave kotou i te āriki ai, ko Kora, e tona pouou katoa;

7Ka tuku ei i te ai ki roto, ka tuku ei oki i te atinga kakara ki rungao apopo ki mua i te aroaro o Iehova; e te tangata ta Iehova e akataka ra, ko te tangata tapu ïa: ko kotou tei akamaata roa, e tenana au tamariki a Levi ra.

8Kua karanga aturā Mose kia Kora, Ka akarongo mai ana kotou, e te au tamariki a Levi ra:

91 Samu 18:23; Isa 7:13E mea ngiti aina ia kotou, Nume 3:41,45; 8:14; Deu 10:8kotou i akatakaia e te Atua no Iseraela no rotopu i te uipaanga Iseraela nei, kia apai aia ia kotou i vaitata iaia uaorai ra, ei rave i te angaanga no te puakapa a Iehova ra, e kia tu kotou ki mua i te aroaro o te uipaanga katoa ei rave i te taoonga no ratou ra?

10Kua akavaitata oki aia ia koe, e toou ai taeake ngati Levi katoa kiaia uaorai: e te umuumu katoa nei ainei kotou i te taoonga taunga nei?

11I putuputu mai ei kotou, ko koe, e toou katoa pouou ra, e māro ia Iehova; Exo 16:8; 1 Kori 3:5eaa oki a Aarona i urutoe ei kotou iaia?

12Kua tono aturā Mose i te tangata e tiki ia Datana raua ko Abirama, nga tamariki a Eliaba ra; kua tuatua maira raua, Kare maua e tae:

13Nume 16:9E mea ngiti aina koe i arataki mai ei ia matou, mei to enua e taʼe a vai ua te u e te meli, kia mate matou ia koe i te medebara nei, Exo 2:14; Anga 7:27,35e akariro katoa ainei koe ia koe uaorai ei ariki maata ki runga ia matou nei?

14E kare rai oki koe i kave ia matou ki te enua Exo 3:8; Levi 20:24e taʼe a vai ua te u e te meli, e kare oki i oronga mai i te enua ei nooanga, e te kainga vine, no matou; e akamatapo mai oki koe i teianei au tangata? Kare matou e tae atu.

15Riri rava akerā Mose, e kua karanga atura kia Iehova, Gene 4:4,5Auraka koe e kite mai i ta ratou atinga kai: 1 Samu 12:3; Anga 20:33; 2 Kori 7:2kare rava a ratou asini i raveia e au, kare rava tetai o ratou i takinga-kinoia e au.

16Kua karanga aturā Mose kia Kora, Nume 16:6,7Ei mua koe e toou ra pouou katoa 1 Samu 12:3,7i te aroaro o Iehova, ko koe, e ko ratou, e ko Aarona, apopo:

17E rave oki te tangata ravarai i tana āriki ai, ka tuku ei i te atinga kakara ki rungao, e e rua anere e rima ngauru āriki ai ta kotou e apai mai ki mua i te aroaro o Iehova, ko te tangata ko tana uaorai āriki ai; ko koe oki, e ko Aarona, ta korua ravarai āriki ai.

18Kua rave iora ratou ravarai, ko te tangata ko tana āriki ai, kua tuku iora i te ai ki roto, e kua tuku i te atinga kakara ki rungao; e kua tu iora ratou ma Mose raua ko Aarona, i te ngutupa o te Are uipaanga ra.

19Kua akaputuputu mairā Kora i te uipaanga katoa ra i reira ia raua ra i te ngutupa o te Are uipaanga ra.

Nume 16:42; Exo 16:7,10; Levi 9:6,23; Nume 14:10 E kua mama maira te kakā o Iehova ki taua uipaanga katoa ra.

20Kua tuatua mairā Iehova kia Mose raua ko Aarona, na ko maira,

21Nume 16:45; Gene 19:17,22; Iere 51:6; Anga 2:40; Apo 18:4Ka akataka ke ana korua ki vao i teianei uipaanga, Nume 16:45; Exo 32:10; 33:5kia akapou takiri au ia ratou mei te kamoanga mata nei.

22Nume 16:45; 14:5Kua tipapa iora raua ki raro to raua mata, e karanga atura, E te Atua e, Nume 27:16; Iobu 12:10; Kohe 12:7; Isa 57:16; Zeka 12:1; Ebe 12:9te Atua no te au vaerua o te tangata ravarai, okotai ainei tangata e rave i te ara, e ka riri koe ki te uipaanga katoa ra?

23E kua tuatua mairā Iehova kia Mose, na ko maira,

24E karanga atu koe ki te uipaanga nei, e na ko atu, E aere ke kotou ki te mamao ke i te puakapa o Kora, to Datana, e to Abirama.

25Kua tu akerā Mose, aere atura kia Datana e Abirama ra, kua aru maira te aronga pakari o Iseraela iaia.

26Kua karanga atura aia ki taua uipaanga ra, na ko atura, Teia taku tuatua kia kotou, Gene 19:12,14; Isa 52:11; 2 Kori 6:17; Apo 18:4e aere ke kotou i te au puakapa o eianei puke tangata kino, auraka e arapaki ua atu i tetai mea ngiti a ratou ra, ka mate aea kotou i ta ratou katoa ra, au ara.

27Kua aere ke anake iora ratou, to tetai pae e tetai pae i te puakapa o Kora, to Datana, e to Abirama ra. Kua aere mairā Datana raua ko Abirama ki vao, tu ua iora i te ngutupa o to raua au puakapa, e nga vaine, e nga tamariki tamaroa, e te au tamariki mea riki ra.

28Kua karanga aturā Mose, Exo 3:12; Deu 18:22; Zeka 2:9,11; 4:9; Ioa 5:36Teia te mea e kite ei kotou e, na Iehova au i tono mai ei rave i teia katoa nei au angaanga; Nume 24:13; Iere 23:16; Eze 13:17; Ioa 5:30; 6:38e kare i to roto i toku uaorai ngakau i rave ei au:

29Kia mate ua teianei au tangata mei te mate o te tangata katoa nei, e kia rokoia ratou e te mate maki, Exo 20:5; 32:34; Iobu 35:15; Isa 10:3; Iere 5:9e mei te tangata ravarai e rokoia e te mate nei, kare ïa au i tonokia mai e Iehova:

30Iobu 31:3; Isa 28:21E mea ou ra ta Iehova e rave i teianei, kia amama te enua nei i tona vaa, e kia apuku ia ratou, e te apinga tini ravarai na ratou ra, e Nume 16:33; Sala 55:15topa ora uaorai ratou ki raro i te vaarua ra; ka kite ïa kotou i reira e, kua akakōkō teianei aronga tangata ia Iehova.

31 Nume 26:10; 27:3; Deu 11:6; Sala 106:17 E tei te akaoti anga aia i teia katoa nei au tuatua, kua ngaa iora te one i raro ake ia ratou ra;

32Amama iora te enua i tona vaa, apuku iora ia ratou, e to ratou au are, Nume 16:17; 26:11; 1 Para 6:22,37e te au tangata ravarai i kapiti mai kia Kora ra, e te apinga tini ravarai.

33Ko ratou, e to ratou katoa ra, tei topa ora ua ki raro i te vaarua ra, kapi akaou akera te enua ki runga ia ratou: pou rava akera ratou i taua uipaanga ra.

34Ati anake iora to Iseraela katoa e pini ua ake ratou ra, i to ratou aue; tuatua akera oki ratou, Ka apuku katoaia aea tatou e te enua nei.

35Kua puroro maira te ai mei ko mai ia Levi 10:2; Nume 11:1; Sala 106:18Iehova ra, pou iora te au tangata, Nume 16:17e rua anere e rima ngauru tei apai i te atinga kakara ra.

36Kua tuatua mairā Iehova kia Mose, na ko maira,

37E karanga atu koe kia Eleazara te tamaiti a Aarona taunga ra, e rave aia i te au āriki ai i roto i te ai kakā akera, e akapueurikiriki ke atu i te ai; Levi 27:28kua tapu oki taua au āriki ai ra.

38E te au āriki ai o teianei Mase 20:2; Haba 2:10aronga rave ara i mate ei ratou uaorai, e tupaki ratou i te reira kia pararauare, e te angiangi, ei vaî atarau ra; kua tapu oki te reira, no te mea kua apaiia e ratou ki mua i te aroaro o Iehova; Nume 17:10; 26:10; Eze 14:8ei akairo oki te reira ra na te tamariki a Iseraela nei.

39Kua rave iorā Eleazara taunga i taua au āriki ai veo ra, tei apaiia e te aronga i ka i te ai ra; e i akapararauareia te reira ei vaî i te atarau ra:

40Ei manakoanga na te tamariki a Iseraela e, Nume 3:10; 2 Para 26:18auraka roa tetai tangata ke, kare to te uanga o Aarona, e akavaitata e apai i te atinga kakara ki mua i te aroaro o Iehova ra, ko te riro aea aia mei ia Kora, e tona pouou ra; ta Iehova oki i karanga atu kiaia ia Mose.

41 Nume 14:2; Sala 106:25 Popongi akera ra, kua urutoe anake iora te uipaanga tamariki a Iseraela ia Mose, raua ko Aarona, tuatua akera, Kua ta korua i te tangata no Iehova.

42E te akaputuputu maira taua uipaanga ra ia Mose ra, raua, ko Aarona, kua akara tika atura ratou ki te Are uipaanga ra; Exo 40:34e i na, te tapokiia ra e taua tumurangi ra; Nume 16:19; 20:6e kua kitea maira te kakā o Iehova ra.

43E tae mairā Mose raua ko Aarona ki mua i te Are uipaanga ra.

44Kua tuatua mairā Iehova kia Mose, na ko maira,

45Nume 16:21,24E aere ke korua ki vao i teianei uipaanga, e akapou au ia ratou mei te kamoanga mata nei. Nume 16:22; 20:6E tipapa iora ra raua ki raro i to raua mata.

46Kua karanga aturā Mose kia Aarona, Ka rave i tetai āriki ai, ka tuku ei i te ai no runga i te atarau ra ki roto, ka tuku ei oki i te atinga kakara ki rungao, e aere viviki oki ki roto i te uipaanga ra, e apai i te tapokiangaara na ratou: Levi 10:6; Nume 1:53; 8:19; 11:33; 18:5; 1 Para 27:24; Sala 106:29kua riro ana te riri no ko mai ia, Iehova ra: kua tupu te maki-mate.

47Kua, rave iorā Aarona i ta Mose i akaue maira, oro atura ki rotopu i taua uipaanga ra, e i na, kua tupu te maki-mate i taua aronga tangata ra; kua tuku akera aia i te atinga kakara ki rungao, tapoki atura i te ara a taua aronga tangata ra.

48Tu iora ra aia i rotopu i tei mate, e tei ora ra, akakoreia iora taua maki-mate ra.

49E te aronga i mate takiri ra i taua maki-mate ra, okotai ïa ngauru ma a i te tausani, e itu oki anere, e aronga ke oki tei mate i te mea ia Kora ra.

50E kore akera taua maki-mate ra; kua oki mairā Aarona kia Mose ra, ki te ngutupa o te Are uipaanga ra.

Blog
About Us
Message
Site Map

Who We AreWhat We EelieveWhat We Do

Terms of UsePrivacy Notice

2025 by iamachristian.org,Inc All rights reserved.

Home
Gospel
Question
Blog
Help