1 Paraleipomeno 19 - Cook Islands Maori Bible(CIMB)

PENE XIX - 19Te au karere a Davida i tonokia e akapapa i te manava o Hanuna ra: takinga-kinoia ratou; tupu atura te tamaki.

1 E MURI akera ku mua ia Medeba. Kua akaputuputu katoa te tamariki a Amona mei roto mai i te au oire, e aere mai ki te tamaki.

8E kite akerā Davida i te reira, kua tono atura aia ia Ioaba e te nuku tangata toa ravarai ra.

9Kua aere maira te tamariki a Amona ki vao, kua akamou iora i te tamaki ki mua i te ngutupa i te oire; kareka te au ariki ra ko tei aere katoa mai, tei roto ïa i te kainga ko ratou anake ra.

10Kia akara akerā Ioaba e kua mou te tamaki ki mua e ki muri, kua iki iora aia i te aronga memeitaki i Iseraela ra, e kua akamou i te tamaki i to Arama.

11E te toenga o te tangata ra, kua tuku akera ïa ki raro ake i tona taeake ia Abisai: e na ratou i akamou ei tamaki i te tamariki a Amona.

12E kua tuatua akera aia, I maroiroi to Arama iaku, e tupae mai koe iaku; i maroiroi ra te tamariki a Amona ia koe, naku koe e tupae atu.

13E akamaroiroi, e akaketaketa tatou no to tatou nei au tangata, e te au oire o to tatou Atua; e na Iehova e rave i tei meitaki iaia ra.

14Kua akavaitata iorā Ioaba e te au tangata i ona e tamaki i to Arama ra; ati atura ratou na mua iaia.

15Te akara maira te tamariki a Amona e te ati ra to Arama, kua ati katoa oki ratou i mua i te aroaro o tona taeake o Abisai, e kua tomo ki roto i te oire. Kua oki mairā Ioaba ki Ierusalema.

16 E kite akera to Arama e kua taia ratou i mua ia Iseraela, kua tono akera i te au karere e kua arataki maira i to Arama i tetai pae vai ra: e ko Sopaka te rangatira no te nuku o Hadadezera, tei na mua ia ratou.

17E kia akakiteia akerā Davida, kua akaputuputu maira aia ia Iseraela ravarai ra, e kua aere iora aia ki tetai pae Ioridana, e tae atura ki runga ia ratou, e kua akamou iora i te tamaki ia ratou. E akamou akerā Davida i taua tamaki ra i to Arama ra, kua tamaki maira ratou iaia.

18Ati atura ra to Arama i mua ia Iseraela, pou iora te au kariota o Arama e itu anere ia Davida, e a oki ngauru i te tausani i te tangata aere ua; ta rava atura oki ia Sopaka rangatira o te nuku ra.

19Kite akera te au tavini o Hadadezera e, kua taia ratou i mua ia Iseraela, kua akamoeau akera ratou ia Davida, e kua riro atura ei tavini nona; kare akera i tika i to Arama i te tauturu akaou i te tamariki a Amona.