Te Imene A Solomona 5 - Cook Islands Maori Bible(CIMB)

1KUA Ime 4:16tae mai au ki roto i taku kainga nei, e taku tuaine, e taku vaine e; kua akaputuputu au i taku mura, e taku rakau kakara ra; Ime 4:11kua kai au i taku melikerio e te meli; kua inu au i taku wina ma te u katoa ra. E kai, e aku au oa e, Luka 15:7,10; Ioa 3:29; 15:14e inu oki; koia rai ïa, inu nui, e aku au akaperepere e!

2Te moe ra au, kareka toku ngakau, te ara ua ra ïa; Apo 3:20e reo no taku akaperepere! te topāpā ra, kua karanga maira, Ka kiriti ake ana iaku, e taku tuaine, e taku akaperepere; e taku kukupa, e taku manea: kua ki oki toku mimiti i te au, taku makave rauru ra i te topatapata au ra o te po ra.

3Kua kopae au i toku kakau, eaa e tikaʼi kia kakau akaou? kua orei au i toku vaevae, eaa kia tikaʼi kia tarepo akaou?

4Kua momono mai taku akaperepere i tona rima na te vaarua pa ra, tangi atura taku ngakau iaia.

5Kua tu akera au e kiriti i te pa ki taua akaperepere noku ra; te topata ua ra te mura no runga i toku rima, e te mura kakara maata no runga i toku maikao rima ra, ki runga i te mouranga o te loka ra.

6Kua kiriti akera au ki taua akaperepere noku ra; kare ra taku akaperepere, kua riro ïa; kare atura oku vaerua i te manako anga atu i tana tuatua: Ime 3:1kua kimi au iaia, kare atura aia i kitea atu e au: kua kapiki oki au iaia, kare ra aia i tuatua mai.

7Ime 3:3Kitea iora au e te au tiaki i to ratou akapini anga i te oire; kua pāpā mai ratou iaku, e kua paruparu iora au; kua aō mai te aronga tiaki patu i te arai mata noku.

8Teia taku ako ia kotou, e te au tamaine i Ierusalema nei, Peneiake ko te kitea atu e kotou taua akaperepere noku nei, eaa ta kotou e karanga atu kiaia? Te mate nei au i te inangaro.

9Eaa te ngai meitaki tu ke i taua akaperepere noou ra i to tetai ke ra akaperepere, Ime 1:8e tera ra vaine i tu ke i te meitaki i te au vaine katoa nei? eaa te ngai tu ke i taua akaperepere noou ra i to tetai ke ra akaperepere, i pera mai ei koe i te porokiroki ia matou nei?

10E teatea to taua akaperepere noku nei, e te muramura oki, koia tei tu ke i te tangata katoa e okotai ngauru i te tausani.

11Tona upoko ra, mei te auro meitaki roa ra ïa, tona au makave rauru i te mingimingi, mei te orebi i te kerekere ra;

12Ime 1:15; 4:1Ona mata ra, mei to te kukupa ïa kia oreiia ki te u ra, e te noo marie anga ki te nia o te kauvai ra:

13Ko nga paparinga nona ra, e tanumanga tiare kakara ra ïa, ko nga ngutu ona ra, mei te lili kutekute ïa, ma te manongi ra e mura i te topatapata anga.

14Ko nga rima nona ra, e tapeka auro ïa i akapiniia ki te berulo: tona kopapa ra, e nio elephana kakā ïa, i tarotoia ki te saphiro;

15Nga vaevae ra, e pou toka inuinu ïa, i akamouia ki runga i te turanga auro meitaki ra: tona mata e tau kia Lebanona, e mea akaieie mei te arezi ra.

16Tona vaa, e meitaki maata rava ïa, kua pini takiri rava aia i te meitaki. Ko te tu ïa o taua akaperepere noku ra; e ko te tu ïa o toku nei oa, e te au tamaine i Ierusalema e.