Deuteronomi 2 - Cook Islands Maori Bible(CIMB)

PENE II - 2Ko te tuatua o to ratou aerenga na te medebara, e tae ua atura ki o te ngati Edoma ra, e te ngati Moabi: to ratou tamaki anga ma Sihona.

1KUA ariu atura tatou, aere atura tatou ki te medebara e tae atu ei ki te Tai Muramura ra, Nume 14:25; Deu 1:40i ta Iehova i tuatua mai kiaku ra. E roa akera to tatou akapini anga i te maunga ra ko Seira,

2Kua tuatua mairā Iehova kiaku, na ko maira,

3Deu 2:7,14Kua roa to kotou akapini anga i teianei maunga, ka ariu ana ki te pae i apatokerau ra.

4E akaue atu koe i te au tangata na, e na ko atu, Nume 20:14Teia kotou ka aere na te pae o to kotou ra ai taeake ko te tamariki a Esau ra, e noo i Seira nei; e ka riro ratou i te mataku mai ia kotou: e tenana e akono meitaki ana kotou:

5Auraka e taeko ua atu ia ratou, kare oki au e oronga ua atu i to ratou enua no kotou, e mei te ngai i takaiia e te vaevae te maata; Gene 36:8; Iosu 24:4no te mea kua oronga au i te maunga ra ko Seira no Esau ei nooanga.

6Ko te manga ta kotou e kai ra ka oko ïa kotou ki te moni; e te vai ta kotou e inu ra, ka oko katoa kotou ia ratou ki te moni.

7Kua akameitaki mai oki to Atua ra ko Iehova ia koe i te au mea katoa i raveia e to rima; kua kite oki aia i toou aerenga na roto i teianei medebara maata: Deu 8:2,3,4i vaitata rai to Atua ra ko Iehova ia koe, e a akenei ngauru anga i te mataiti; kare akenei koe i ngere ua ake i tetai mea ngiti.

8Aka 11:18Kua aere ke maira tatou, vaoo atura to tatou au taeake i te tamariki a Esau, i noo i Seira ra; e kua na te Araba mai tatou 1 Ari 9:26mei Elata, e mei Eziona-gebera mai, kua anga iora tatou na roto i te medebara ra i Moabi.

9Kua tuatua mairā Iehova kiaku, Auraka e taeko ua atu i to Moabi, auraka e tamaki ua atu ia ratou; kare oki au e oronga ua atu i tetai ngai o to ratou enua noou ei nooanga; no te mea kua oronga oki au Nume 21:28ia Ara Gene 19:36,37no te tamariki a Lota ei nooanga.

10(Te Emi Gene 14:5tei noo i reira i muatangana ra, e aronga mamaata e te manganui kia tatau, e te teitei, Nume 13:22,33; Deu 9:2mei te ngati Anaka ra;

11Ko tei tuatua katoaia e tangata roangarere mei te ngati Anaka ra, kareka te ngati Moabi ra, e Emi ta ratou ingoa i tapa.

12Gene 14:6; 36:20; Deu 2:22Te ngati Hori katoa tei noo i Seira i muatangana ra; tupauia iora ratou e te au tamariki a Esau, kia pou ratou ia ratou i mua i to ratou aroaro, e kua noo iora i o ratou ra, mei ia Iseraela katoa i rave i te enua nona, ta Iehova i oronga mai kia ratou ra.)

13E tenana, ka tu, ka aere ki tetai pae Nume 21:12i teianei kauvai i Zereda nei. Aere maira oki tatou ki tetai pae i taua kauvai ra i Zereda.

14E te manga tuatau i topa i taua aerenga mai o tatou Nume 13:26mei Kadesa-barenea mai, e tae rava maira tatou ki teia pae i te kauvai ra ko Zereda, e toru ïa ngauru e varu ara i te mataiti; e Nume 14:33; 26:64ope roa akera taua uki tangata tamaki katoa i roto i te nuku nei i te mate, Nume 14:35; Deu 1:34,35; Eze 20:15i ta Iehova i taputou ia ratou ra.

15Sala 78:33; 106:26Tei runga tikai oki te rima o Iehova ia ratou i te tamate takiri anga ia ratou, i roto i te nuku ra, e pou rava akera ratou.

16E pou takiri rava akera taua aronga tangata tamaki i rotopu i te tangata nei i te mate,

17Kua tuatua mairā Iehova kiaku, na ko maira,

18Akonei koe e aere ei na roto ia Ara ra, i te pae i o Moabi ra:

19E kia vaitata mai te tamariki a Amona ia koe, auraka e taeko ua atu ia ratou, auraka e rave atu; kare oki au e oronga atu i te enua o te tamariki a Amona ei nooanga noou; no te mea Gene 19:38kua oronga au i te reira ei nooanga no te tamariki a Lota ra.

20(E tangata-roangarere katoa teianei enua i te tuatua anga; e tangata-roangarere tei noo taito ra i reira, kareka te ngati Amona ra, Gene 14:5e Zamazumi ta ratou ingoa i tapa.

21E Deu 2:10aronga mamaata e te manganui oki kia tatau ra, e te teitei, mei te ngati Anaka ra; i pou iora ra ratou ia Iehova i mua i to ratou aroaro; tupauia akera ratou ia ratou, e kua noo i o ratou ra:

22Mei tana oki i rave i te tamariki a Esau ra, Gene 36:8i tei noo i Seira ra, iaia i ta Gene 14:6; 36:20-30; Deu 2:12i te ngati Hori i mua ia ratou ra; tupauia akera ratou ia ratou i te noo anga i o ratou ra e tae rava akenei ki teianei rā:

23E Iosu 13:3to Avi i noo i Hazerima, e tae ua atura ki Iere 25:20Gaza, to Gene 10:14; Amo 9:7Kaphatori mei Kaphatori mai, tei ta ia ratou, e kua noo i o ratou ra.)

24Ka tu, ka taki aere, Nume 21:13,14; Aka 11:18,21ka aere ki tetai pae i te kauvai ra ko Aranona; i na, kua oronga atu au ia Sihona ngati Amori ariki no Hesebona, e tona ra enua, ki toou rima; ka timata ana i te rave, e tamaki atu iaia i te tamaki.

25Exo 15:14,15; Deu 11:25; Iosu 2:9,10Akonei au e timata i te tuku i te mataku ia koe, e te ngarangara ia koe ki runga i te pa enua i raro ake i te rangi katoa nei, ko te kite i toou rongo, e ka rutetetete, e te mamae maata ia koe na.

26Kua tono atura au i te karere, mei te medebara atu mei Kedemota, kia Sihona ariki o Hesebona ra, Deu 20:10ma te au, i te tuatua anga atu e,

27Nume 21:21,22; Aka 11:19E aere ana au na toou nei enua; e na te ara tiroa ua au i te aere, kare au e anga ke ua atu ki te pae katau e te pae kaui.

28E taku kai e kai ra naau e oko mai i te moni, e te vai taku e inu ra, naau e oronga mai ei oko moni; Nume 20:19

e tuku ua atu koe iaku kia aere ua au na toou nei enua, mei te tuitarere ua;

29(Nume 20:18; Deu 23:3,4; Aka 11:17,18Mei ta te tamariki a Esau i noo i Seira ra, e te ngati Moabi i noo i Ara ra, i akapera mai iaku ra;) e tae ua atu au ki tetai pae Ioridana, ki te enua ta to matou Atua ta Iehova e oronga mai no matou nei.

30Nume 21:23Kare akera te ariki o Hesebona ra ko Sihona i tuku ia tatou kia aere na tona pae; Exo 4:21kua akaketaketa atura oki to Iosu 11:20Atua ra ko Iehova i tona ra vaerua, e kua akamārokiakia i tona ngakau, kia tuku mai aia iaia ki toou rima, mei tei teianei rā.

31Kua tuatua mairā Iehova kiaku, I na, kua akamata ana au i Deu 1:8te oronga atu ia Sihona, e tona enua, kia koe; ka timata ana i te rave e noo i taua enua nona ra.

32Nume 21:23Kua aere mairā Sihona e rave mai ia tatou; koia ma tona tangata katoatoa e tamaki mai ia tatou i Iahaza ra.

33Kua tuku maira to tatou Deu 7:2; 20:16Atua ra ko Iehova iaia kia tatou nei: Nume 21:24; Deu 29:7e kua ta iora tatou iaia, e tana au tamariki, e tona katoa ra au tangata.

34Riro maira te au oire ravarai nona ia tatou i reira, Levi 27:28; Deu 7:2,26e kua tairiiripoti rava atura tatou i te tangata, e te au vaine, e te au tamariki i te au oire katoa ra; kare e korakora toe:

35Kua rave ra tatou i te au puaka ei apinga na tatou, e te apinga tini o taua au oire i pou ia tatou ra.

36Deu 3:12; 4:48; Iosu 13:9Mei Aroera mai i te pae o te kauvai ra ko Aranona, e te au oire i te pae o taua kauvai ra, e tae ua atura ki Gileada, kare rava tetai oire i ketaketa ia tatou: Sala 44:3kua ope roa ake i te tukuia mai e to tatou Atua e Iehova kia tatou nei:

37Kareka i te enua o te tamariki a Amona ra kare koe i tae ua atu ki reira; e te au ngai katoa i te pae o te kauvai ra Gene 32:22; Nume 21:24; Deu 3:16ko Iaboka, e te au oire i runga i te maunga ra, Deu 2:5,9,19e te au ngai katoa oki ta to tatou Atua ta Iehova i tuatua mai e, auraka.