Mareko 9 - Cook Islands Maori Bible(CIMB)

PENE IX - 9To Iesu akatu ke angaia: te tuatua ia Elia: te tangata demoni i te akaora angaia: ta Iesu tuatua i tona matenga: to te au pipi akateitei, e te tamaiti varevare: te kino o te au mea e apaʼi.

1KUA karanga atura oki aia kia ratou, koiriria maata oki to ratou.

7E tetai tiao maira i te tapoki anga mai ia ratou, e tetai reo maira oki, no roto i taua tiao ra, na ko maira, Taku Tamaiti akaperepere teia, ka akarongo iaia.

8Akara iora ratou e pini ua ake, e kare rava e tangata i kitea, mari ra ko Iesu, e ko ratou katoa io.

9 Mata 17:9 E tei to ratou eke anga mai mei runga i taua maunga ra, kua ako atura aia kia ratou e, auraka rava e akakite atu ki tetai tangata i ta ratou i kite ra, e kia tu mai te Tamaiti a te tangata mei te mate maira.

10Kua tamou marie iora ratou i taua tuatua ra, e kua akaeatu iora ratou uaorai i te akatau anga o taua tuakaouanga mei te mate maira.

11Kua ui maira ratou kiaia, na ko maira, Eaa i tuatua mai ei te au tata tuatua ra e, Mala 4:5; Mata 17:10ko Elia na te ka aere mai?

12Kua karanga atura aia kia ratou, na ko atura, E na mua tikai oki a Elia i te aere anga mai, e akatika i te au mea katoa; (e Sala 22:6; Isa 53:2&c; Dani 9:26mei tei tataia oki i te Tamaiti a te tangata nei,) e manganui tona mate, Luka 23:11; Phili 2:7e e takinga-kinoia.

13E karanga atura au kia kotou e, Mata 11:14; 17:12; Luka 1:17Kua riro mai ana oki a Elia, e mei tei tataia iaia ra, kua rave ratou i ta ratou i anoano iaia.

14 Mata 17:14; Luka 9:37 E kia oki mai aia ki tetai aronga pipi ana ra, kite maira aia i te urupu maata i te takako anga ia ratou, e te au tata tuatua i te ui anga kia ratou.

15E kite akera te au tangata iaia, poitirere atura ratou, oro atura, e aroa atu iaia.

16Kua ui atura aia ki taua au tata tuatua ra, Eaa ta kotou i ui kia ratou nei?

17Mata 17:14; Luka 9:38Kua tuatua maira tetai i taua urupu maata ra, na ko atura, E te Orometua e, i arataki mai nei au i taku tamaiti ia koe nei, e vaerua murare tona.

18E te ngai e opukia mai ei aia iaia, e aaeia iora aia i reira ra, ukaia iora te vaa, e pakati oki te nio, e ikoke roa akera: i tuatua na oki au i to au pipi e tuaru i te demoni, kare ra i tika ia ratou.

19Kua karanga atura aia kiaia, na ko atura, Aue ïa uki akarongo kore e! mei te aa te roa o toku noo anga ki o kotou nei? mei te aa te roa o toku akakoromaki anga atu ia kotou? e arataki mai iaia kiaku nei.

20Kua arataki maira ratou iaia: Mare 1:26; Luka 9:42e tei te kite anga aia iaia ra, aeaia maira aia e taua vaerua ra, topa iora aia ki raro i te one, takaviri ua atura, ukaia iora te vaa.

21Kua ui atura aia ki tona metua tane, Mei naea mai tona rokoia anga i teianei maki? Kua na ko maira aia, Mei tona meangiti anga mai:

22Kua manganui akenei te uri angaia ki roto i te ai, e ki raro oki i te vai, kia mate atu aia; e kia tika ia koe kia rave, e aroa mai koe ia matou, e e tauturu mai.

23Kua karanga aturā Iesu kiaia, Mata 17:20; Mare 11:23; Luka 17:6; Ioa 11:40Kia tika ia koe kia akarongo ra, e tika te au mea katoa nei i te tangata akarongo ra.

24Kua kapiki ua maira te metua tane o taua tamaiti ra i reira ra, na ko maira, ma te roimata katoa ra, E te Atu, kua akarongo au; ka tauturu mai koe i toku nei akarongo mea ngiti.

25E kia akara aturā Iesu i te tangata i te oro ua anga mai, kua kauvae atura aia i taua vaerua viivii ra, na ko atura, E tera ra vaerua murare e te turi, e aere koe ki vao, te akaue atu nei au ia koe, auraka e tomo akaou ki roto iaia.

26Kua kapiki ua maira taua demoni ra, kua aae nui maira iaia, e kua aere maira ki vao: tu tangata mate atura to taua tamaiti ra; e manganui te karanga e, Kua mate rava.

27Kua rave iora Iesu i tona rima, akatu akera iaia; e kua tu ua maira aia ki runga.

28Mata 17:19E tae maira aia ki roto i te are, kua ui poiri maira tana au pipi kiaia, Eaa i kore ei i tika ia matou nei kia tuaru atu iaia ki vao?

29Kua tuatua maira aia, Kare teianei tu demoni e tae ua ki vao, mari ra i te pure e te akakoreanga kai.

30Akaruke iora ratou i taua ngai ra, aere atura na Galilea: te inangaro ra oki aia e, auraka rava tetai tangata kia kite.

31Mata 17:22; Luka 9:44Te apii ra oki aia i tana au pipi, na ko atura kia ratou, E tukuia te Tamaiti a te tangata nei i te rima tangata, e e ta takiri ratou iaia, e kia oti i te ta, e tu akaou aia ki runga i te po toru.

32Kare ra ratou i kite i taua tuatua ra, e mataku oki kia ui atu iaia.

33Mata 28:1; Luka 9:46; 22:24E tae atura aia i Kaperenauma, kua ui atura aia kia ratou i roto i tetai are, I tauetono ana kotou i te aa i te arataa ra?

34Muteki ua iora ratou; i tauetono ana oki ratou ratou uaorai i te arataa, i te ka maata ia ratou.

35Noo iora aia ki raro, kua karanga atura ki te tino ngauru ma rua ra, na ko atura ia ratou, Mata 20:26,27; Mare 10:43Ko te tangata i anoano e, ei mua aia, ei akaopenga rava aia e tikaʼi, e ei tavini no ratou ravarai.

36Mata 18:2; Mare 10:16Kua rave atura aia i tetai tamaiti iti, kua tuku atura i rotopu ia ratou, kua ikiiki iora, na ko atura ia ratou.

37Ko te kite mai i tetai tamaiti iti mei teianei, no toku nei ingoa, kua kite mai aia iaku; Mata 10:40; Luka 9:48e ko te kite mai iaku ra, kare ïa ko au anake tana i kite maira, koia ra, ko tei tono mai iaku nei.

38 Nume 11:28; Luka 9:49 Kua tuatua mairā Ioane kiaia, na ko maira, E te Orometua, i akara atura matou i tetai tangata i te tuaru anga i te demoni i toou na ingoa, e kare i aru mai ia tatou nei: kua karanga atura matou kiaia, Auraka, no te mea, kare aia i aru mai ia tatou nei.

39Kua karanga aturā Iesu, Auraka te reira e akakoreia atu; 1 Kori 12:3kare rava e tangata e rave i te akairo i toku nei ingoa, e akakino vave mai iaku.

40Mata 12:30Ko tei kore oki e patoi maira, no tatou ia.

41Mata 10:42Ko tei oronga mai oki i tetai kapu vai e inu na kotou no toku nei ingoa, no te mea, no te Mesia kotou, koia mou taku e karanga atu kia kotou na, kare aia e ngere i tana tutaki.

42Mata 18:6; Luka 17:1Kareka tei akatarevake i tetai o teianei au tangata rikiriki e akarongo mai iaku nei, e ngari ake aia, kia riia tetai toka tavirianga ki runga i tona kaki, e kia titiriia ki raro i te tai.

43Deu 13:6; Mata 5:29; 18:8E te apa ra koe i to rima ra, ka tipu ke atu: e meitaki koe i te rima okotai kia tae ki te ao ra, i te rima rua kia tae ki te po, ki roto i te ai mate kore:

44Isa 66:24I te ngai e kore e mate to ratou tunga, e to ratou ai oki kare e tamateia.

45E te apa ra koe i to vaevae ra, e tipu ke atu: e meitaki koe kia tae pirikoki ki te ao, i te vaevae rua, kia titiriia ki te po, ki roto i te ai mate kore.

46I te ngai e kore e mate to ratou tunga, e to ratou ai oki kare e tamateia.

47E te apa ra koe i to mata, koiti ke atu: e meitaki koe kia tae ma te mata okotai ki te basileia o te Atua, i te mata rua kia titiriia ki te ai i te po ra.

48I te ngai e kore e mate to ratou tunga, e to ratou ai oki kare e tamateia.

49E ope rava oki i te rapakauia i te ai; Levi 2:13; Eze 43:24mei te au atinga ravarai i rapakauia i te tai.

50Mata 5:13; Luka 14:34E mea meitaki te tai; kia mangaro ra te tai, eaa ta kotou kia akataitai? Ephe 4:29; Kolo 4:6Kia vai mairai te tai i roto ia kotou, Roma 12:18; 14:19; 2 Kori 13:11; Ebe 12:14e tamou oki i te au kotou kotou uaorai.