Deuteronomi 24 - Cook Islands Maori Bible(CIMB)

PENE XXIV - 24No te tuatua kopae i te vaine ra: auraka tei akaipoipo ouia e tae vave ki te tamaki: no te tutaki; no te lepera; no te tuatua-tau; e te takinga-meitaki.

1Kia Mata 5:31; 19:7; Mare 10:4akaipoipo te tangata i te vaine e moe atura kiaia, kare akera taua vaine ra i kitea aroaia i mua i tona aroaro, no te mea kua kitea iora e ia tetai kino i rungao iaia ra: e tata aia i tetai tuatua kopae, ka tuku atu ei ki tona rima, ka tuku ua atu ei aia iaia ki vao i tona are.

2E riro atura aia ki vao i tona are, aere atura, riro atura ei vaine na tetai tangata ke.

3E kia kore katoa taua tane ou ra e anoano iaia, e kua tata iora i te tuatua kopae, tuku atura ki tona rima, e kua tuku atura oki iaia ki vao i tona are; e kare ra, kia mate ra taua tane ou ra, i rave iaia ei vaine nana;

4Iere 3:1Kare e tika i taua tane takere nana ra tei tuku ua atu iaia ra, kia rave akaou iaia ei vaine nana, tei akaviiviiia ra; e riro oki te reira ei mea viivii na Iehova: auraka oki te enua ta to Atua ra ta Iehova e oronga mai noou ei nooanga ra kia araia ia koe.

5 Deu 20:7 Ko te tangata i akaipoipo iora i te vaine ou, auraka aia e aere ki te tamaki, auraka oki ei angaanga e tukuia ki runga iaia; e noo ua ra aia i te ngutuare e kia okotai ake mataiti, Mase 5:18kia akarekareka aia i taua vaine i akaipoipoia e ia ra.

6Auraka rava e rave i te toka tavirianga to raro ake e to rungao ei tutaki; kua rave oki aia i te mea e oraʼi ei tutaki i reira.

7 Exo 21:16 Kia kitea atu tetai tangata i te keia anga i tetai o tona ai taeake i te tamariki a Iseraela ra, e kua akariro iaia ei tavini, e kua oko oki iaia; ka mate rava ïa taua keia ra; Deu 19:19pou atura ia koe i reira te kino i roto ia kotou.

8Kia matakite i te maki ra Levi 13:3; 14:2i te lepera, kia akono meitaki koe, e kia rave marie i te au mea ravarai ta te kau taunga ra, ta te ngati Levi, e apii mai ia kotou ra: ko taku e akaue atu ia ratou ra, ko ta kotou ïa e akamaroiroi e rave.

9Luka 17:33; 1 Kori 10:6E akamaara ana koe i ta to Atua i ta Iehova i rave ia Nume 12:10Miriama i te arataa ra, mei Aiphiti mai koe ra.

10Kia apai koe i te apinga pati i to taeake ra, auraka koe e tomo ki roto i tona are e rave i te tutaki nana ra.

11Ka tapapa ra koe ki vao, e na taua tangata taau i apai i te apinga pati ra, e apai mai i te tutaki ki vao kia koe ra.

12E e putaua taua tangata ra, auraka kia varea koe e te moe ma te tutaki nana i to rima na:

13Exo 22:26Ka akaoki ra koe i tana tutaki kia parepare te rā ra, kia moe aia i tona uaorai kakau, Iobu 29:11,13; 31:20; 2 Kori 9:13; 2 Timo 1:18e kia akameitaki aia ia koe: e kia akonoia te reira Deu 6:25; Sala 106:31; 112:9; Dani 4:27ei tuatua-tika naau ki mua i te aroaro o to Atua ra o Iehova.

14 Mala 3:5 Auraka koe e takinga-kino i te tavini apinga kore e te ao, i ouia ra, to roto i to ai taeake ra, e to te au tangata ke i to enua na, i roto i to au oire ra:

15Levi 19:13; Iere 22:13; Iako 5:4E tuku atu koe i tana tutaki i te au rā katoa ra, auraka kia topa te rā, ka apai atu ei; no te mea e ao aia, e te rapurapu maira tona ngakau i te reira; Iako 5:4ko te kapiki aea aia kia Iehova ia koe, e ko te riro aea ei ara naau.

16 2 Ari 14:6; 2 Para 25:4; Iere 31:29,30; Eze 18:20 Auraka te ai metua kia mate ei tutaki i te tamariki; auraka katoa te tamariki kia mate ei tutaki i te ai metua; ka mate ra te tangata ravarai i tana uaorai ara.

17 Exo 22:21,22; Mase 22:22; Isa 1:23; Iere 5:28; 22:3; Eze 22:29; Zeka 7:10; Mala 3:5 Auraka koe e ruri ke i te tuatua-tau a te tangata ke, e te matiroeroe, Exo 22:26auraka oki e rave i te kakau o te vaine takaua ei tutaki;

18Deu 24:22; 16:12E akamaara ana koe e e tavini katoa koe i Aiphiti, e na to Atua na Iehova i akaora ia koe i reira: i akaue atu ei au ia koe e, e akono i teianei tuatua.

19 Levi 19:9,10; 23:22 Kia kokoti koe i te kai akaū naau i te enua noou ra, e ngaropoina iora tetai ruru sitona ia koe i te kainga, auraka koe e oki e tiki i te reira ra; e vaoo ïa na te tangata ke, e na te matiroeroe, e na te vaine takaua ra: Deu 15:10; Sala 41:1; Mase 19:17kia akameitaki mai oki to Atua ra ko Iehova ia koe i te au angaanga ravarai a to rima ra.

20Kia pāpā koe i to au olive ra, auraka koe e na runga akaou i taua au rara ra: na te tangata ke tei toe ra, e na te matiroeroe, e na te vaine takaua ra.

21Kia akiaki koe i te vine i te kainga vine naau ra, auraka koe e na runga akaou i tei toe ra: na te tangata ke te reira ra, e na te matiroeroe, e na te vaine takaua ra.

22Deu 24:18E akamaara oki koe e e tavini koe i te enua ra i Aiphiti: e akaue atu ei au ia koe e, e akono i teianei tuatua.