Levitiku 23 - Cook Islands Maori Bible(CIMB)

PENE XXIII - 23Te au oroa ra, e te tu o te rave anga kia rave.

1KUA tuatua mairā Iehova kia Mose, na ko maira,

2E karanga atu koe ki te tamariki a Iseraela, e na ko atu kia ratou, Levi 23:4,37Te au oroa a Iehova, ta kotou e akono Exo 32:5; 2 Ari 10:20; Sala 81:3ei uruoaanga tapu ra, ko teia taku au oroa ra.

3 Exo 20:9; 23:12; 31:15; 34:21; Levi 19:3; Deu 5:13; Luka 13:14 Ka raveia te angaanga i nga rā e ono ra; kareka te rā itu, i te sabati akaangaroi anga ra, ei uruoaanga tapu ïa; kare rava e angaanga e raveia i reira: ei sabati ïa no Iehova i to kotou au nooanga katoa ra.

4 Levi 23:2,37; Exo 23:14 Teia ra te au oroa a Iehova, e au uruoaanga tapu ïa, ta kotou e akono i to ratou ra tuatau i akonoia ra.

5Exo 12:6,14,18; 13:3,10; 23:15; 34:18; Nume 9:2,3; 28:16,17; Deu 16:1-8; Iosu 5:10I te marama mua, i te po okotai ngauru ma a i taua marama ra, i te aiai, ko te pasa ïa na Iehova.

6E te po okotai ngauru ma rima i taua marama ra, ko te oroa areto akaopue koreia ïa na Iehova: kia po itu kotou i te kainga i te areto akaopue koreia ra.

7Exo 12:16; Nume 28:18,25I te rā mua ra, ei uruoaanga tapu ta kotou; auraka rava kotou e rave i te angaanga i reira.

8E apai ra kotou i te atinga ai na Iehova i taua au rā katoa e itu ra; ei te rā itu oki tetai uruoaanga tapu ra; auraka roa kotou e rave i te angaanga i reira.

9Kua tuatua mairā Iehova kia Mose, na ko maira, E karanga atu koe ki te tamariki a Iseraela, e tuatua koe kia ratou,

10Exo 23:16,19; 34:22,26; Nume 15:2,18; 28:26; Deu 16:9; Iosu 3:15Kia tae kotou ki te enua taku e oronga atu nei no kotou, e kua kokoti kotou i te kai mou ra, e apai mai kotou i tetai ruru i Roma 11:16; 1 Kori 15:20; Iako 1:18; Apo 14:4taua popo o ta kotou kai akaū ki te taunga ra:

11E nana Exo 29:24e ruru i taua ruru sitona ra ki mua i te aroaro o Iehova, kia marekaia mai na kotou; kia popongi ake kia oti te sabati ra, e ruruiaʼi e te taunga te reira.

12Ei te rā e ruruiaʼi te ruru sitona ra, e apai ei kotou i tetai punua mamoe toa mataiti okotai, e te kino kore, ei atinga karakaratio na Iehova:

13Levi 2:14,15,16E tona ra atinga kai, kia rua ïa omera faraoa pueu i irokia ki te inu ra, ei atinga ai aunga kakara na Iehova: e tona atinga inu wina ra, kia okotai ia kuata ina.

14Auraka kotou e kai i te areto, e te sitona tunu, e te ua ou, e tae ua atu ki te rā tikai e apai mai ei i te atinga na to kotou Atua: ei akonoanga vaoo tamou teia e ope ua ake to kotou au uki ra, i to kotou au nooanga katoa ra.

15 Exo 34:22; Levi 25:8; Deu 16:9 E tatau oki kotou i nga sabati mou e itu; e na taua rā i muri ake i te sabati ta kotou i apai i te ruru sitona e ruru ra, i te tatau:

16E tae ua atu ki te rā i muri ake i te sabati itu ra, Anga 2:1kia rima ngauru anga te rā ta kotou e tatau; Nume 28:26ka apai ei kotou i tetai atinga kai ou na Iehova.

17Ka apai mai kotou i nga areto ruru omera e rua no roto i to kotou au nooanga, ei areto faraoa pueu: e taonaia ma te akaopue katoa; Exo 23:16,19; 22:29; 34:22,26; Nume 15:17-21; 28:26; Deu 26:1ei popo na Iehova.

18Ka apai katoa kotou i nga punua mamoe mataiti okotai, e te kino kore, e itu ra, e nga areto, e te puakatoro ou okotai, e nga mamoe toa e rua: ei atinga karakaratio te reira na Iehova, e to reira atinga kai, e to reira au atinga inu, ei atinga ai aunga kakara ïa na Iehova.

19Ei reira kotou e ta ai i tetai Levi 4:23,28; Nume 28:30puakanio ei tarangaara e nga punua mamoe mataiti okotai e rua Levi 3:1ei atinga au.

20E na te taunga e ruru i te reira e te areto popo ra, ei atinga ruru ki mua i te aroaro o Iehova, e nga punua mamoe katoa e rua; Nume 18:12; Deu 18:4e mea tapu te reira na Iehova, na te taunga ïa.

21Ei uruoaanga tapu ta kotou e akono i te reira rā; auraka rava kotou e rave i te angaanga i te reira rā: ei akonoanga vaoo tamou te reira i to kotou au nooanga katoa, e ope ua ake to kotou au uki ra.

22Levi 19:9Kia kokoti kotou i te kai mou i to kotou na enua, auraka koe e kokoti akapou takiri i te au poo i to koro, Deu 24:19auraka oki koe e koi aere i te totoenga kai mou naau na: ka vaoo koe i te reira na te putaua, e na te tangata ke: ko au ko to kotou Atua ra ko Iehova.

23Kua tuatua mairā Iehova kia Mose, na ko maira,

24E karanga atu koe ki te tamariki a Iseraela, e na ko atu, Nume 29:1Kia tae ki te marama itu ra, i te rā mua o taua marama ra, ei sabati ïa te reira na kotou, Levi 25:9ei akonoanga akatangi pu, ei uruoaanga tapu.

25Auraka rava kotou e rave i te angaanga i te reira rā: e apai ra kotou i te atinga ai na Iehova.

26Kua tuatua mairā Iehova kia Mose, na ko maira,

27Levi 16:30; Nume 29:7Te ngauru o te ra o taua marama itu ra, ei rā tapokiangaara ïa; ei uruoaanga tapu na kotou; e e taakaaka kotou i to kotou au vaerua, e apai oki i te atinga ai na Iehova ra.

28Auraka roa ta kotou ei angaanga e rave i taua rā ra: e rā tapokiangaara oki te reira, ei apai anga i te tapokiangaara na kotou ki mua i te aroaro o to kotou Atua ra ko Iehova.

29Ko te tangata kare e taakaaka iaia uaorai i te reira rā, Gene 17:14e tipu keia i tona iti-tangata ra.

30E tei rave i te angaanga i taua rā ra, Levi 20:3,5,6e mate te reira tangata iaku i roto i tona iti-tangata.

31Auraka roa kotou e rave i te angaanga i te reira rā: ei akonoanga vaoo tamou teia e ope ua ake to kotou au uki, i to kotou au nooanga katoa rā,

32Ei sabati akangaroi anga ïa te reira, e e taakaaka kotou i to kotou au vaerua; mei te aiai mai o te rā iva i taua marama ra, e tae ua atu ki tetai aiai, ko ta kotou ïa e akono ei sabati.

33Kua tuatua mairā Iehova kia Mose, na ko maira,

34E karanga atu koe ki te tamariki a Iseraela, e na ko atu, Exo 23:16; Nume 29:12; Deu 16:13; Ezera 3:4; Nehe 8:14; Zeka 14:16; Ioa 7:2Ko te ngauru ma rima o te rā i taua marama itu ra, ko te oroa patia anga puakapa ïa na Iehova, e kia po itu.

35Ei uruoaanga tapu tei te rā mua ra: auraka roa kotou e rave i te angaanga i reira.

36E apai kotou i te atinga ai na Iehova, e kia po itu; Nume 29:35; Nehe 8:18; Ioa 7:37

e ei uruoaanga tapu ta kotou i te rā varu, e ka apai ra i te atinga ai na Iehova: Deu 16:8; 2 Para 7:9; Nehe 8:18; Ioela 1:14; 2:15e rā akatapu anga ïa; auraka roa kotou e rave i te angaanga i reira.

37 Levi 23:2,4 Ko nga oroa eia a Iehova, ta kotou e akono ei au uruoaanga tapu ra, kia apai i te atinga ai na Iehova; te atinga karakaratio, e te atinga kai, i te atinga, e te au atinga inu; i to ratou ra rā tikaʼi:

38Nume 29:39E te au sabati katoa o Iehova, e te au mea oronga ua na kotou, e ta kotou au tia katoa, e ta kotou apinga apai ua katoa, ta kotou e oronga na Iehova.

39E kia tae ki te ngauru ma rima o te rā i te marama itu ra, Exo 23:16; Deu 16:13kia akaputuputu mai kotou i te kai o te enua, ei oroa ta kotou e akono na Iehova, e kia po itu: ko te rā mua ra ei sabati ïa, e ei sabati katoa te rā varu ra.

40Ei te rā muatangana Nehe 8:15e rave ei kotou i te kopura rakau meitaki ra, te kikau nu tamara, e te au rara rakau ruperupe, e te rakau akaevaeva i raro i te kauvai; Deu 16:14,15e rekareka kotou ki mua i te aroaro o to kotou Atua ra ko Iehova, e kia po itu.

41Nume 29:12; Nehe 8:18Ei oroa ta kotou e akono na Iehova, e kia po itu i te mataiti okotai. Ei akonoanga vaoo tamouia e ope ua ake to kotou au uki ra; ei te marama itu ra kotou e akono ei i te reira.

42Nehe 8:14,15,16Ei roto kotou i te au are piritanga noo ei e kia po itu; ko to Iseraela tikai ra ei roto ïa ei te are piritanga noo ei;

43Deu 31:13; Sala 78:5,6Kia kite to kotou au uki a muri atu e, kua akanoo au i te tamariki a Iseraela ki roto i te are piritanga, iaku i arataki mai ia ratou mei te enua maira mei Aiphiti: ko au to kotou Atua ra ko Iehova.

44E kua Levi 23:2akakite aturā Mose ki te tamariki a Iseraela i te au oroa a Iehova.