Isaia 40 - Cook Islands Maori Bible(CIMB)

PENE XL - 40Te evangelia i tutuia: te karere o te Atu, e tona aerenga mai: te tapunui o Iehova.

1 E AKAPUMAANA kotou, e akapumaana kotou i toku ra au tangata, te tuatua maira to kotou Atua.

2E tuatua maru atu kotou kia Ierusalema, e karanga atu kiaia, Kua ope tona tamaki anga e kua akakoreia tana ara: ngaangaere, te maeaea nei te tiare, Sala 103:16te arara maira oki te aʼo o Iehova ki rungao ra: e ngangaere tika rai te tangata nei.

8Te mae nei te ngangaere, te maeaea nei te tiare: Ioa 12:34; 1 Pete 1:25kareka te tuatua a to tatou Atua, e tu ïa e rimua.

9E kake koe ki runga i te maunga teitei, e tei apai mai i te tuatua meitaki ki Ziona nei; ka akateitei na i toou reo ma te ririnui, e tei apai mai i te tuatua meitaki ki Ierusalema nei: ka akateitei na, auraka e mataku; ka karanga atu ki te au oire o Iuda, Ka akara na i to kotou Atua!

10I na, e aere mai te Atu ra ko Iehova ma te mana, Isa 59:16e na tona uaorai rima e akatupu i tana: Isa 62:11; Apo 22:12i na, tei iaia uaorai tana tutaki, e tana angaanga ra tei mua ïa i tona aroaro.

11Isa 49:10; Eze 34:23; 37:24; Ioa 10:11; Ebe 13:20; 1 Pete 2:25; 5:4; Apo 7:17E angai aia i tana anana mei te tiaki mamoe ra: e akaputu aia i te au punua i tona rima, e ei runga ratou i tona umauma kia apai, e e arataki marie aia i te au tinana akangote punua ra.

12 Mase 30:4 Koai tei aite i te moana i tona kapu-rima; e kua anga oki i te rangi i te angaonu; e kua akao oki i te one-pueu o te enua nei ki roto i te aite; e kua aite i te au maunga ra i te aite akateiaa ra, e te au tuaivi ra i te aite tautau?

13Iobu 21:22; 36:22,23; Roma 11:34; 1 Kori 2:16Koai tei aite i te Vaerua o Iehova; mei te mea koia tona tumu korero i apii atu ei kiaia?

14Koia koai ka akaaiteite ei i te tuatua, e naai aia i apii mai, e i akakite mai i te arataa tuatua-tau ra; e i akakite mai iaia i te pakari, e i akakite mai iaia i te arataa o te karape?

15I na, e tau te pa enua nei mei te topata okotai no roto i te bakete, e kua manakoia mei te ungaungā one ki runga i te aite tautau ra: i na, te pa enua nei, mei te ungaungā one okotai kia rave aia ra.

16Kare oki Lebanona e rava ei vaie; e to reira au puaka, kare e rava ei atinga karakaratio.

17E tau te pa enua katoa Dani 4:35mei te mea kare ra ki mua iaia; Sala 62:9e iti ïa i tona manako i to te kore ua, e te puapinga kore.

18 Isa 40:25; 46:5; Anga 17:29 Koai ta kotou e akaaite ki te Atua? eaa ta kotou tu kia akatau kiaia?

19Isa 41:6,7; 44:12&c; Iere 10:1&cTe akato nei te rave angaanga i te tiki, te vaî nei te taunga ki te auro, e te anga nei i te pirianganaoa ario.

20Ko tei ngere i te atinga no te putaua, te iki ra ïa i te rakau pe kore; kua kimi iora i te taunga karape, Isa 41:7; Iere 10:4e anga i tetai tiki akatikitikiia e kore e ngaueue.

21 Sala 19:1; Anga 14:17; Roma 1:19,20 Kare kotou i kite? kare rai kotou i akarongo? kare kotou i akakiteia mai mei te akamata anga mai? kare kotou i kite mei te akatumu anga mai o te enua nei?

22Nana na tei noo ki rungao i te tua o te enua nei, e mei te kereteki ua te aronga e noo i reira ra iaia; ko tei Iobu 9:8; Sala 104:2; 42:3; 44:24; 51:13; Iere 10:12totoa i te rangi mei te kakau paruru ra, e kua oora oki i te reira mei te puakapa ei nooanga;

23Ko tei akariro i Iobu 12:21; Sala 107:40te ui ariki ei mea puapinga kore: ei mea tarevakaua te au akava o te enua nei iaia.

24Kare oki ratou i tanu tikaia, kare i ruru tikaia, kare to ratou aka i toro tika ki raro i te one ra: e kare rai aia i pupui tika ki runga ia ratou ra, kua mae takere ratou: e kua riro ke atura ratou i te puaioio, mei te ota ra.

25 Isa 40:18; Deu 4:15&c Koai ta kotou e akaaite mai kiaku nei? e aite au nei iaai? te tuatua maira Tei Tapu ra.

26Ka nānā na i to kotou mata ki runga, ka akara: naai te reira i anga? te arataki ra aia i taua au nuku ra ki vao ma te tatauia: Sala 147:4kua tapa anakeia to ratou au ingoa e ia; no tona ra ririnui, e te mana maata, i kore ei tetai i ngaro.

27Eaa iora oki koe i tuatuaʼi, e Iakoba, e i na ko mai ei, e Iseraela e, Kua ngaro toku nei aerenga ia Iehova, e kua kopaeia taku nei tuatua e taku Atua?

28Kare koe i kite? kare koe i akarongo? e mutu kore to te Atua ra, ko Iehova, ko tei anga i te enua e tae ua atu ki te openga ra; kare aia e paruparu, e kare oki e roiroi; Sala 147:5; Roma 11:33kare oki tona kite e kitea me kimi.

29Te oronga nei aia i te maroiroi no tei paruparu; e te akamaata nei aia i te maroiroi no tei apikepike.

30E potopoto te aʼo o te aronga mapu, e mate oki i te roiroi, e te au tangata ou, e inga takiri roa ïa ki raro:

31Ko te aronga ra e tapapa ia Iehova, Sala 103:5e rauka ïa te maroiroi ou; e rere ratou ki runga i te peau mei to te au aeto ra; e oro ratou e kare e roiroi; e aere atu rai oki ratou, e kare ïa e potopoto te aʼo.