1NO Ziona nei i kore ei au e muteki uaʼi, e no Ierusalema nei i kore ei au e noo uaʼi, e kia puroro atu tana tuatua-tika mei te mea kakā; e te ora nona mei te turama e mura ra.
2Isa 16:3E kite te pa enua i te tuatua-tika naau ra, e te au ariki katoa i toou ra kakā: Isa 62:4,12; 65:15e e tapaia koe i tetai ingoa ou, na te vaa o Iehova e tapa.
3E riro oki koe Zeka 9:16ei korona manea i te rima o Iehova, ei pare ariki i te rima o toou Atua ra.
4Hose 1:10; 1 Pete 2:10Kare koe e tapa akaouia atu, Isa 49:14; 54:6,7E tei akarukeia e; kare oki toou enua e tuatua akaouia, Isa 54:1E tei tanea e: e tapaia ra koe, E te mea mataora naku: e toou enua, Tei akaipoipoia ra; ka mataora oki a Iehova ia koe, e e akaipoipoia toou enua.
5Mei te tangata ou oki e akaipoipo i te paretenia nei, e akaipoipo katoa to au tamariki tamaroa ra ia koe: e mei te tane akaipoipo ou e rekareka i tana vaine, Isa 65:19e rekarekaʼi to Atua ra ia koe.
6 Eze 3:17; 33:7 Kua tukuia e au te tiaki ki runga i to au patu, e Ierusalema, e po ua atu te rā, e ao ua ake te po, kare ratou e muteki ua: e kotou oki tei akapaapaa i te ingoa o Iehova, auraka kotou e muteki ua:
7E auraka e vaoo iaia kia noo ua ana, e kia akatinamou aia, e kia akariro aia ia Ierusalema Isa 61:11; Zepha 3:20ei akameitaki anga i te ao nei.
8I taputou anā Iehova i tona rima katau, e i tona rima mana, Kare rava au Deu 28:31&c; Iere 5:17e oronga akaou i taau sitona ei kai na toou au enemi; e kare oki te au tamariki a te tangata ke ra e inu akaou i taau wina, tei roiia e koe ra.
9Ko te aronga ra e kokoti i te reira, ko te ka kai ïa, ka akameitaki ei ia Iehova; e te aronga e koi aere i te vine ra, ko te ka inu rai ïa Deu 12:12; 14:23,26; 16:11,14i roto i toku au paepae tapu ra.
10Ka aere kotou, ka aere kotou na roto i te au ngutupa; Isa 40:2; 57:14e akateateamamao ana i te ara no te au tangata ra; e akāū ki runga, e akāū i te arataa ki runga; auraka ei tokatoka; Isa 11:12e akatu i tetai reva ki runga no te au tangata ra.
11I na, kua akakiteia e Iehova, kua tae ki te openga mai o te enua nei: Zeka 9:9; Mata 21:5; Ioa 12:15E karanga atu kotou ki te tamaine a Ziona, I na, te aere maira toou Ora; i na, Isa 40:10; Apo 22:12tei iaia uaorai tana tutaki, e tana angaanga ra, tei mua ïa i tona aroaro.
12E tapaia oki ratou, I te aronga tapu, tei okoia e Iehova ra: e e tapaia oki koe, I tei kimiia ra, Te oire Isa 62:4kare i akarukeia ra.
Who We AreWhat We EelieveWhat We Do
2025 by iamachristian.org,Inc All rights reserved.
