1 KUA kapiki aturā Mose kia Iseraela katoatoa, e kua karanga atura kia ratou, E akarongo mai, e Iseraela i te au akonoanga, e te au tuatua-tau, taku e karanga atu ki to kotou au taringa i teianei rā; kia kite oki kotou, e kia mou piri tikai, e kia rave i taua au tuatua nei.
2Exo 19:5; Deu 4:23Kua papau mai to tatou Atua ra ko Iehova i te koreromotu kia tatou i Horeba.
3Mata 13:17; Ebe 8:9Kare a Iehova i papau mai i taua koreromotu nei ki to tatou ai metua, kia tatou ra, ko tatou ravarai e ora ua nei i teianei rā.
4Exo 19:9,19; 20:22; Deu 4:33,36; 34:10I rotopu tikai i te ai ki runga i te maunga ra ta Iehova tuatua anga mai kia kotou, i te mata e te mata,
5Exo 20:21; Gala 3:19(Tu ua iora au i rotopu ia kotou e Iehova i reira, ei akakite ia kotou i te tuatua a Iehova; Exo 19:16; 20:18; 24:2mataku iora oki kotou i te ai, kare akera oki i tae ki taua maunga ra;) na ko maira,
6Exo 20:2&c; Levi 26:1; Deu 6:4; Sala 81:10Ko au ko toou Atua ra ko Iehova, ko tei arataki mai ia koe mei te enua maira mei Aiphiti, mei te ngutuare i tavini ei ra.
7 Exo 20:3 Auraka rava toou ei atua ke atu iaku nei.
8 Exo 20:4 Auraka rava koe e rapa i te idolo akatikitikiia noou, e te tu no tetai mea i runga i te rangi ra, e no tetai mea i raro i te enua nei, e no tetai mea o te moana i raro ake i te enua ra:
9Auraka rava koe e tupou ki raro ia ratou, auraka oki e akamori atu ia ratou: e Atua vareae oki au ko te Atua noou nei ko Iehova, Exo 34:7i te tutaki anga i te ara a te aronga metua ki runga i te tamariki, e tae ua atu ki te toru e te a o te uki, kia kore ratou e inangaro mai iaku ra;
10Iere 32:18; Dani 9:4E te aroa anga atu i te aronga i inangaro mai iaku, e kua akono i taku au akaueanga, e tausani ua atu.
11 Exo 20:7; Levi 19:12; Mata 5:33 Auraka koe e akaiki puapinga kore ua i te ingoa o to Atua ra ko Iehova: kare oki a Iehova e akatika iaia i tei akaiki puapinga kore ua i tona ra ingoa.
12 Exo 20:8 E akono i te rā sabati kia akatapuia, ta to Atua oki ta Iehova i akaue mai ia koe ra.
13Exo 23:12; 35:2; Eze 20:12E tika ia koe kia angaanga, e kia rave i taau au angaanga katoa, i nga rā e ono ra,
14Kareka te rā itu ra Gene 2:2; Exo 16:29,30; Ebe 4:4ko te sabati ïa no to Atua ra no Iehova; auraka rava koe e rave i te angaanga i te reira rā; ko koe, e taau tamaiti, e taau tamaine, e toou tavini tane, e toou tavini vaine, e taau puakatoro, e taau asini, e taau au puaka katoa ra, e to tangata ke katoa i o ou ra; kia akaangaroi katoa oki toou tavini tane e to tavini vaine, mei ia koe katoa uaorai.
15Deu 15:15; 16:12; 24:18,22E akamaara io na oki koe e, e tavini katoa koe i te enua ra ko Aiphiti, e na to Atua ra na Iehova koe i arataki mai mei reira maira, Deu 4:34,37i te rima marōrō, e te rima i akatikaia ra; i akaue ei to Atua ra ko Iehova ia koe e, e akono i te rā sabati.
16 Exo 20:12; Levi 19:3; Deu 27:16; Ephe 6:2,3; Kolo 3:20 E akangateitei atu i to metua tane, e to metua vaine, (ta to Atua ra ta Iehova i akaue mai kia koe ra,) Deu 4:40kia akaroaia toou puke rā, e kia meitaki koe, i te enua ta toou Atua ta Iehova e oronga noou na.
17 Exo 20:13; Mata 5:21 Auraka rava koe e ta ua.
18 Exo 20:14; Luka 18:20; Iako 2:11 Auraka rava koe e akaturi.
19 Exo 20:15; Roma 13:9 Auraka rava koe e keia.
20 Exo 20:16 Auraka rava koe kia riro ei kite pikikaa i to tangata tupu na.
21 Exo 20:17; Mika 2:2; Haba 2:9; Luka 12:15; Roma 7:7; 13:9 Auraka rava koe e morimori i ta to tangata tupu ra vaine, auraka oki koe e morimori i te are o to tangata tupu ra, e tona kainga, e tona tavini tane, e tona tavini vaine, tana puakatoro, e tana asini, e te au mea ravarai a to tangata tupu ra.
22I tuatua mai a Iehova i taua au tuatua nei kia kotou ravarai, ma te reo maata, i runga i te maunga ra, i rotopu i te ai, e te tumurangi, e te poiri pangopango ra; e kua akapaki iora. Exo 24:12; 31:18; Deu 4:13Tata iora aia i taua tuatua ra ki runga i nga papa toka e rua ra, e kua tuku maira kiaku nei.
23 Exo 20:18,19 E kite akera kotou i taua reo ra no roto i taua poiri ra, ka ka uaʼi te maunga i te ai ra, kua aere maira kotou kiaku ra, te aronga ravarai no rungao i to kotou au kopu ra, e to kotou au tangata pakari ra;
24E kua tuatua maira kotou, I na, kua akakite mai to tatou Atua ra ko Iehova i tona kakā e tona mana kia tatou nei, Exo 19:19e kua akarongo tatou i tona reo no rotopu i te ai; kite pu akenei tatou i teianei rā e, e tuatua ua mai te Atua ki te tangata nei, Deu 4:33; Aka 13:22e ora rai.
25I teianei ra, eaa oki matou nei kia mate? Deu 18:16kia akarongo akaou oki matou nei i te reo o to matou Atua o Iehova, ka pou matou i teianei ai maata, e ka mate matou.
26Deu 4:33Koai oki to te tangata katoa nei i kite i te reo o te Atua ora i te tuatua anga mai i roto i te ai, mei ia matou nei, ka ora atu ei?
27Ko koe te akavaitata atu, ka akarongo atu ei i te au tuatua ravarai ta to tatou Atua ta Iehova e tuatua mai; e te au tuatua katoa, ta to tatou Atua ta Iehova e tuatua mai kia koe ra, Exo 20:19; Ebe 12:19ko taau ïa e tuatua mai kia matou; e na matou e akarongo atu, e na matou e rave.
28Kua akarongo mairā Iehova i taua au tuatua ta kotou i tuatua ra, ia kotou i tuatua mai kiaku ra; e kua tuatua mairā Iehova kiaku, Kua akarongo au i te tuatua i tuatuaia e te au tangata nei, ta ratou i tuatua mai kia koe na: Deu 18:17e tuatua tika anake ta ratou i tuatua maira.
29Deu 32:39; Sala 81:13; Isa 48:18; Mata 23:27; Luka 19:42Naringa e, ko te tu ïa o to ratou ngakau i roto ia ratou, kia mataku mai ratou iaku, Deu 11:1e kia akono tikai i taku au akauenga katoa, auraka e tukumoe, kia Deu 4:40meitaki ratou, e ta ratou au tamariki e tuatau ua atu!
30E aere ka karanga atu kia ratou, Ka oki ki to kotou na au puakapa.
31Kareka koe na, Gala 3:19tu ua mai ana koe i ko nei kiaku nei, e e karanga atu au kia koe i te au akauenga katoa, e te au akonoanga, e te au tuatua-tau, taau e apii atu ia ratou, kia akono ratou i te reira i te enua taku e oronga atu no ratou ei nooanga.
32E tenana, e akono kotou, e e rave i ta to kotou Atua ra ta Iehova i akaue mai ia kotou na; Deu 17:20; 28:14; Iosu 1:7; 23:6; Mase 4:27auraka kotou e anga ke na te pae katau e na te pae kaui.
33E aere rai kotou Deu 10:12; Sala 119:6; Iere 7:23; Luka 1:6na te au arataa katoa ta to kotou Atua ta Iehova i akaue mai ia kotou na, kia ora kotou, Deu 4:40e kia meitaki oki kotou, e kia akaroaia to kotou au rā ki runga i te enua te ka nooia e kotou na.
Who We AreWhat We EelieveWhat We Do
2025 by iamachristian.org,Inc All rights reserved.
