Nehemia 4 - Cook Islands Maori Bible(CIMB)

PENE IV - 4Te aviri ra te au enemi, te pure rā Nehemia ma te tapapa.

1KITE Nehe 2:10,19akerā Sanabalata e, te tuki ra matou i te patu, makitakita akera aia, e riri rava akera, e kua aviri maira i te ngati Iuda.

2Kua karanga atura aia ki mua i tona au taeake, e te nuku katoa i Samaria, na ko atura, Te aa ua ra tera ra au ngati Iuda riri-iti ra? ka vaooia ainei ratou? ka apai ainei ratou i te atinga? ka oti ainei ia ratou i te rā okotai? ka rave akaou ainei ratou i te au toka i ka i te ai no roto i te patu ngaangaa ra?

3Te tu ua ra te ngati Amona ra ko Nehe 2:10,19Tobia i vaitata iaia, e kua tuatua akera aia, Kia kake ua tetai suoli i te tera ra patu toka, ta ratou i tuki akera, ka ngaoro ïa ki raro.

4Sala 123:3,4E akarongo mai, e to matou Atua; kua akavaavaaia mai oki matou: Sala 79:12; Mase 3:4e akaoki i te akakino na ratou i runga i to ratou uaorai mimiti, e tuku atu koe ia ratou kia pou i te enua e tuikaaʼi:

5Sala 69:27,28; 109:14,15; Iere 18:23Auraka kia tapokiia to ratou kino, auraka kia taparaparaia ta ratou ara i mua ia koe: kua akakoko oki ratou ia koe i mua i te aronga tuki patu nei.

6Kua tuki ra matou i taua patu ra, te patu katoa ra kua topiriia mai ia tetai pae ra: kua tae oki te ngakau o te tangata ki taua angaanga ra.

7 Nehe 4:1 Kite akerā Sanabalata, e Tobia, e to Arabia, e te ngati Amona, e to Asadoda e, kua tukiia te patu i Ierusalema, e kua vaitata te au ngai i ngaangaa i te popaniia ra, riri rava akera ratou;

8Sala 83:3,4,5Kua kotikoti kupenga akera ratou ravarai, e aere mai e tamaki ratou ravarai, e aere mai e tamaki ia Ierusalema, e kia riro taua angaanga ra ei mea kino.

9Kua Sala 59:15pure iora ra matou i to matou Atua, kua akataka i te aronga e tapapa ia ratou i te po e te ao, i te mataku ia ratou.

10Kua tuatua maira Iuda, Kua atiau te maroiroi o te aronga apai i te apainga, e te maata nei te teita; kare teianei patu e oti ia tatou kia tuki ra.

11E te tuatua ra oki te au enemi, Kare ratou e kite, kare oki e akara mai, e tae ua atu ei tatou ki rotopu tikai ia ratou, ka ta ai ia ratou, e akakore i taua angaanga ra.

12Kua aere maira te au ngati Iuda i noo i vaitata ia ratou, e kua tuatua maira kia matou, kua ngauru oki te tuatua anga, Mei te au ngai katoa ta kotou e noo ra ka oki mai ei ia matou nei.

13Kua akanoo iora au te au tangata, i te au ngai i raro i muri mai i te patu, i te au ngai i runga ake, kua akanoo oki au ia ratou, i to ratou au kopu-tangata, ma to ratou au koke, to ratou au korare, e to ratou au ana.

14Kua akara atura au, e kua tu ki runga, e kua karanga atura ki te aronga mamaata, e te au tutara, e te toenga o te au tangata, Nume 14:9; Deu 1:29Auraka kotou e mataku ia ratou: e akamaara i te Atu, i te Deu 10:17maata e te matakuia ra, 2 Samu 10:12ka tamaki ei kotou kia ora to kotou au taeake, ta kotou au tamaroa, e ta kotou au tamaine, ta kotou au vaine, e to kotou au are.

15Kite akera to matou au enemi e kua kitea e matou, e kua riro ta ratou tuatua Iobu 5:12ei mea puapinga kore, i te Atua, kua oki anake atura matou ki te patu, ko te tangata ko taua angaanga e pini ua ake.

16Mei te reira rā mairai, tetai pae tavini oku ra i te rave anga i te angaanga, e tetai pae tei mou ua i te au korare, te au paruru, e te au ana, e te au tapoki-umauma; e te au tutara tei muri mai ïa i te ngutuare ra o Iuda.

17Te aronga i tuki i te patu ra, e te aronga i apai i te apainga, e te aronga i akauta i rungao, kua rave rima okotai ua i te angaanga, e tetai rima tei rave i te taoonga tamaki.

18Te aronga tuki patu ra, kua riia tana koke ki tona taukupu ra, ka tuki ei i te patu. E ko tei akatangi i te pu ra tei vaitatao ïa iaku.

19Kua karanga atura au ki te aronga mamaata, e te au tutara, e te toenga o te au tangata, E angaanga maata, e te tuputupua, e kua taka ke tatou i runga i te patu nei, tei te mamao ke rai tetai e tetai.

20I te ngai ra ka kite ei kotou i te tangi o te pu ra, e oro mai kotou i reira kia matou nei; Exo 14:14,25; Deu 1:30; 3:22; 20:4; Iosu 22:10na to tatou Atua e tamaki i ta tatou tamaki.

21Kua tauta iora matou i taua angaanga ra: e na tetai pae i mou i te au korare, mei te popongi mai e kia kitea mai te au etu ra.

22Kua karanga atura au ki te au tangata i reira, E moe te tangata katoa e tona tavini i roto i Ierusalema nei, ei tiaki ia tatou nei i te po, e kia ao ka rave ei i te angaanga.

23Kare akerai au, e taku au taeake, e te au tavini noku, e te au vaeau i aru mai iaku ra, kare akerai matou i kiriti i to matou kakau, aere iora te tangata katoa ma tana taoonga i te tiki vai.