Daniela 3 - Cook Islands Maori Bible(CIMB)

PENE III - 3To Nebukanesa akatu anga i te tiki auro i Dura ra: to Sadaraka ma tiria angaia ki roto i te umu ai, e to ratou akaora angaia e te Atua.

1 ANGA iora te ariki ra ko Nebukanesa i tetai tiki auro, e ono ngauru te kubiti i te teitei, e ono oki kubiti i te pararauare: kua akatu akera aia i te reira ki te ngai mataataa ra i Dura, i te matakeinanga ra i Babulonia.

2Kua tono akera te ariki ra ko Nebukanesa e akaputuputu mai i te au ariki, te au tutara, e te au rangatira, te au akava, te aronga mou apinga, te au tumu korero, te aronga akaaere, e te aronga tutara katoa i te au matakeinanga ra, e aere mai ki te akatapu anga i te tiki i akatuia e te ariki ra e Nebukanesa.

3Kua akaputuputu maira i reira te au ariki, te au tutara, e te au rangatira, te au akava, te aronga mou apinga, te au tumu korero, te aronga akaaere, e te aronga tutara katoa i te au matakeinanga ra, i te akatapu anga i te tiki i akatuia e te ariki ra e Nebukanesa; e kua tu iora ratou ki mua i taua tiki i akatuia e Nebukanesa ra.

4Kua kapiki nui maira i reira te orooro, Te akaueia atu ana kotou, ku nei. Kua aere mairā Sadaraka, Meseka, e Abede-nego, ki vao mei rotopu mai i te ai ra.

27E putuputu maira te au ariki, te au tutara, e te au rangatira, e te au tumu korero o te ariki ra, kua akara iora i aua nga tangata ra, Ebe 11:34e kare o te ai e mana ki runga i o ratou kopapa, kare rava oki tetai io rauru o to ratou mimiti i ka, kare oki to ratou au kakau i tu ke, kare oki te aunga ai i piri mai ki runga ia ratou.

28Kua tuatua iorā Nebukanesa, na ko akera, Kia akameitakiia te Atua no Sadaraka, no Meseka, e no Abede-nego, ko tei tono mai i taua angela, e kua akaora i ona puke tavini Sala 34:7,8; Iere 17:7; Dani 6:22,23i irinaki iaia ra, e kua akatu ke akenei i ta te ariki ra tuatua, e kua oronga ua mai i to ratou kopapa kia kore ratou e araara, kia kore oki e akamori i tetai atua ke, mari ra ko to ratou uaorai Atua.

29Dani 6:26E teianei, te akatu nei au i tetai ture, E te au tangata, te enua, e te au reo ke ke ra, kia tuatua akakino mai i e Atua no Sadaraka, no Meseka, e no Abede-nego, Dani 2:5e tipupuia ïa, e akariroia ïa to ratou au are ei tiringa teita: Dani 6:27no te mea kare atu atua e tikaʼi kia akaora mei teianei te tu.

30Kua akateitei iora te ariki ia Sadaraka, Meseka, e Abede-nego, i taua matakeinanga ra i Babulonia.