1 Paraleipomeno 17 - Cook Islands Maori Bible(CIMB)

PENE XVII - 17Te akakoro rā Davida i te akatu i te are o te Atua ra: kua akatikaia te manako, kare ra e tika e nana e akatu: te meitaki i akakiteia mai no tona uanga: tana pure.

1TE arezi, kareka te aruna koreromotu a Iehova te vai nei i roto i te paruru.

2Kua karanga aturā Natana kia Davida, Ko ta to ngakau e manako ra, e rave ïa; tei ia koe oki te Atua.

3Kia tae ra ki te reira po, kua tae maira te tuatua a te Atua kia Natana, na ko maira,

4E aere, e karanga atu ki toku tavini kia Davida, Te na ko mairā Iehova, Auraka koe e akatu i tetai are ei nooanga noku:

5Kare rai oki au i noo i te are mei iaku rai i arataki mai ia Iseraela, e tae rava akenei ki teianei rā; e tika ra au i te aere anga ki tera are kakau ki tera are kakau, ki tera puakapa ki tera puakapa.

6I te au ngai katoa ra taku i aaere ua e Iseraela katoa ra, i tuatua ainei au ki tetai i te aronga kavana i Iseraela, i taku i akaue e tiaki i toku ra au tangata, i karanga atu ainei oki au e, Eaa i kore ei kotou i akatu mai i tetai are arezi noku?

7E teianei, e na ko atu koe ki toku tavini kia Davida, Te na ko mairā Iehova Sabaota, No ko koe i te koro mamoe ra i te rave angaia mai e au, i te aru aere anga i te au mamoe, ei tutara no rungao i toku ra au tangata ia Iseraela:

8E i vaitata katoao au ia koe i toou au aerenga katoa, e kua tipu keia e au to au enemi katoa i mua ia koe; e kua akariro oki au i toou ra ingoa kia aite ki te ingoa o te aronga mamaata i te enua nei.

9Ka akono oki au i tetai ngai no toku ra au tangata no Iseraela, e naku ratou e tanu, e ka noo ratou i to ratou ngai tikai, kare oki e akaumu keia, kare oki te tamariki kikino e taeko akaou mai mei tei muatangana ra,

10Mei te tuatau mairai i akono ei au i te aronga akava no rungao i toku au tangata ia Iseraela; ka vi oki to au enemi katoa iaku. Te akakite nei rai oki au ia koe, e na Iehova e patu i toou na are.

11Kia ope oki toou ra au rā, kia riro koe ki o toou ra ai metua, ka akatu au i toou ra uanga i muri ake ia koe, tetai tamaiti naau na; e naku e akamou i tona au.

12Nana e akatu i tetai are noku, e naku e akatinamou i tona terono e tuatau ua atu.

132 Samu 7:14,15Ei metua au nona, e ei tamaiti aia naku: kare oki toku aroa e kiritiia mai iaia, mei iaku i kiriti i tei mua ia koe ra:

14Luka 1:33Ka akatinamou ra au iaia ki roto i toku are nei, e i roto i toku basileia, e tuatau ua atu: ka akatinamouia oki tona terono e tuatau ua atu.

15Ko teia katoa nei au tuatua, e teia katoa nei orama, ko ta Natana ïa i tuatua kia Davida.

16 2 Samu 7:18 Aere atura te ariki ra ko Davida ki roto, e kua noo ki mua ia Iehova, e kua tuatua akera, Koai au nei, e te Atua e Iehova e! eaa oki toku nei ngutuare i arataki mai ei koe iaku e teia noaʼi?

17E mei te mea oki, e iti rai te reira ia koe, e te Atua e, kua tuatua mairai koe i te are o to tavini e a muri roa atu, e kua akonoia au e koe mei te mea e tangata maata, e te Atua e Iehova e.

18Eaa atu rai ta Davida tuatua kia koe, i tenana akangateitei i o maiia mai ki to tavini nei? kua kite oki koe i to tavini nei.

19E Iehova e, no toou ra tavini, e no toou uaorai ngakau, i rave ei koe i teianei mea mamaata, i te akakite anga mai i taua au mea mamaata katoa nei.

20E Iehova e, kare oou e aite, kare atu oki e Atua ko koe anake ra, ta matou uaorai i rongo i to matou taringa.

21Koai oki ïa enua i te ao nei, e tau ki toou na au tangata kia Iseraela, tei tikiia e te Atua, ei akaora ei tangata nona uaorai, kia kiteia toou ingoa maata e te matakuia, i te tuaru anga atu i te pa enua ki mua i te aroaro o toou ra au tangata, i akaoraia e koe i Aiphiti ra?

22Kua akariro oki koe i toou ra au tangata ia Iseraela ei tangata noou uaorai e tuatau ua atu; e kua riro oki koe, e Iehova, ei Atua no ratou.

23E teianei, e Iehova, kia akatinamouia rai te tuatua taau i tuatua io nei ki to tavini nei, e tona ra ngutuare, e tuatau ua atu, e rave oki i taau i tuatua io nei.

24Kia akatinamouia, e kia akamaataia toou ingoa e tuatau ua atu, kia tuatuaia e, Ko Iehova Sabaota, ko te Atua ïa no Iseraela; te Atua ïa no Iseraela: e kia akatinamouia te ngutuare o to tavini o Davida ki mua ia koe na.

25Kua akakite mai oki koe, e taku Atua, ki to tavini nei, e naau e patu i te are nona; i maroiroi ei oki to tavini i te pure ki mua ia koe.

26E teianei, e Iehova, ko koe anake te Atua, e kua akakite mai koe i tana tuatua meitaki nei ki to tavini:

27E teianei, kia tika ia koe ra, e akameitaki mai i te are o to tavini nei, kia vai marie rai ki mua ia koe e tuatau ua atu; kua akameitaki oki koe, e Iehova, e ka meitaki rai e tuatau ua atu.