Genese 48 - Cook Islands Maori Bible(CIMB)

PENE XLVIII - 48Ko Iosepha, e ana puke tamariki, i te aere anga atu ki tona metua tane maki ra, e tona akameitaki anga i aua nga tamariki ra.

1 E MURI akera i te reira, kua akakiteia mairā Iosepha e, I na, kua maki toou metua tane: kua rave akera aia i nga tamariki toko rua ana ra, ko Manase raua ko Epheraima.

2Kua akakiteia aturā Iakoba, e karangaia atura, Tera ake to tamaiti ra ko Iosepha, kua aere kia koe: kua akatoatoa iorā Iseraela, noo ua iora ki runga i te roi.

3Kua tuatua mairā Iakoba kia Iosepha, Kua mama mai te Atua Mana katoatoa kiaku i Gene 28:13,19; 35:6,9&cLuza, i te enua ra i Kanaana, e kua akameitaki maira iaku,

4Kua tuatua maira kiaku, I na, e uua koe iaku, e e akamaata au ia koe, e e akariro au ia koe ei au iti-tangata e manganui ua atu; e e oronga au i teianei enua no toou ra uanga a muri ake ia koe, Gene 17:8ei nooanga e tuatau ua atu.

5E teianei, ko Gene 41:50; 46:20; Iosu 13:7; 14:4aau nga puke tamariki tamaroa, ko Epheraima raua ko Manase ra, taau i anau i te enua nei i Aiphiti, kare au i tae mai ki Aiphiti kia koe nei, naku ïa; mei ia Reubena raua ko Simeona, naku katoa raua.

6E taau ra tamariki, e anau i muri ake ia raua ra, naau ïa; e e tapaia ratou i te ingoa o to ratou puke tuakana i to ratou ra tuanga.

7Ko au, iaku oki i aere mai mei Padana maira, Gene 35:9,16,19mate iorā Rahela i toku pae i te arataa, i te enua ra i Kanaana, e ngai iti oki te reira e tae ei ki Epherata: e kua tanu au iaia i reira i te arataa i Epherata ra; koia oki Betelehema ra.

8Kua akara mairā Iseraela i nga tamariki a Iosepha ra, e kua tuatua maira, Koai raua nei?

9Kua karanga aturā Iosepha ki tona metua, Gene 33:5Ko aku ïa puke tamariki, i orongaia mai e te Atua kiaku nei. Kua karanga atura aia, Ka arataki mai ana ki ko nei kiaku nei, Gene 27:4kia akameitaki atu au ia raua.

10Gene 27:1; Isa 6:10; 59:1Kua avarevare to Iseraela mata i te ruaine, kare akerai aia i kite meitaki kia akara. Kua tuku atura aia ia raua i vaitata kiaia; kua Gene 27:27ongi maira aia ia raua, e takave maira ia raua.

11Kua tuatua mairā Iseraela kia Iosepha, Gene 45:26I manako oki au e, kare rava au e kite akaou i toou na mata; e i na, kua akakite katoa mai te Atua i toou na uanga kiaku nei.

12Kua rave aturā Iosepha ia raua i roto i te kauanga vaevae nona ra, kua tipapa roa iora aia i tona mata ki te one.

13E kua rave akerā Iosepha ia raua ravarai, ko Epheraima i tona rima katau ki to Iseraela rima kaui, e ko Manase i tona rima kaui ki to Iseraela rima katau, i te akavaitata anga atu kiaia.

14Kua akatika mairā Iseraela i tona rima katau, kua tuku maira ki runga i te mimiti o Epheraima, te teina ra aia, e tona rima kaui ki runga i te mimiti o Manase, Gene 48:19ko tona ïa anoano e akapera ona rima; ko Manase ra te tama mua.

15 Ebe 11:21 Kua akameitaki maira aia i nga tamariki a Iosepha ra, e kua tuatua maira, Gene 17:1; 24:40Ko te Atua, ko ta oku ra metua, ta Aberahama, e ta Isaaka, i na mua i tona aroaro ra i te aaere; ko te Atua i angai mai iaku nei i toku nei ora anga e tae roa akenei ki teianei rā;

16Ko te Angela Gene 28:15; 31:11,13,24; Sala 34:22; 121:7i akaora iaku i te au kikino katoa nei, kia akameitaki mai aia i nga tamariki nei; Amo 9:12; Anga 15:17e kia tapaia raua i toku nei ingoa, e te ingoa o oku puke metua ra ko Aberahama, e ko Isaaka; e kia tupu roa raua i te maata anga i te ao nei.

17E kite akera Iosepha e, kua tuku tona metua i te rima Gene 48:14; 28:8katau ki runga i te mimiti o Epheraima, mainaina akera aia; kua rave akera aia i te rima o tona metua i runga i te mimiti o Epheraima, e tuku ki runga i te mimiti o Manase ra;

18Kua karanga aturā Iosepha ki tona metua, Auraka e akapera, e taku metua; teia oki te tama mua: e tuku koe i to rima katau ki runga i tona mimiti.

19Kare akerai i tika i tona metua, e kua tuatua maira, Gene 48:14Kua kite au, e taku tamaiti, kua kite au: ka riro katoa oki aia ei iti-tangata, e ka maata katoa oki aia: Nume 1:33,35; 2:19,21; Deu 33:17; Apo 7:6,8e maata ra tona teina iaia, e ka riro tona uanga ei au iti-tangata e manganui.

20Kua akameitaki maira aia ia raua i taua rā ra, na ko maira, Ruta 4:11,12Ko koe te ka akaikiia e to Iseraela ra kia akameitaki ra, e na koia ïa, Kia akariro te Atua ia koe mei ia Epheraima, e mei ia Manase ra: kua tuku atura aia ia Epheraima i mua ia Manase ra.

21Kua tuatua mairā Iseraela kia Iosepha, I na, teia au ka mate: Gene 46:4; 50:24e riro ra te Atua ei vaitata ia kotou, e ka akaoki akaou aia ia kotou ki te enua o to kotou ai metua ra.

22Gene 15:16; 34:28; Iosu 17:14&cE te oronga atu nei au i tetai tuanga naau kare ki to ai tuakana ra, ko tei rauka mai iaku i taku koke, e i taku ana, i te rima o te ngati Amori ra.