1 Paraleipomeno 11 - Cook Islands Maori Bible(CIMB)

PENE XI - 11Ko Davida i te ariki anga i Heberona ra: i te maroiroi o Ioaba i rauka iaia Iebusi: to Davida au toa nunui.

1 KUA tei reira te ngati Iebusi, te aronga uenua ra, i te noo anga.

5Kua tuatua maira to Iebusi kia Davida. Kare koe e aere mai i ko nei. Rauka iora ra te punanga o Ziona ia Davida, koia oki te oire no Davida.

6Kua karanga aturā Davida, Ko tei pou ana iaia te ngati Iebusi ra, ka riro ïa ei maata e te rangatira. E ko Ioaba te tamaiti a Zeruia tei riro ana ki runga, e koia tei maata.

7Kua noo iorā Davida ki roto i taua punanga ra; tapaia iora e ratou ko te oire o Davida.

8Kua patu akera aia i taua oire ra e pini ua ake, mei Milo mai e pini ua ake: ko te toenga ra o taua oire ra, kua patu akaouia ïa e Ioaba.

9Te tupu ra oki to Davida mana e maata ua atura: no te mea tei iaiā Iehova Sabaota.

10 I vaitata aia ia Davida i Pasa-damima, ka putuputu ei te Philiseti ki reira i te tamaki ra, i reira tetai kotinga kainga i ki te kerite; oro atura te tangata i mua i te aroaro o te Philiseti.

14Tu iora ratou i roto i taua kainga ra, e kua akaora atura, ta iora i te Philiseti; ora rava atura ratou ia Iehova, e ora maata rava atura.

15 2 Samu 23:13 Aere atura e toko toru no taua aronga mamaata ra e toru ngauru ra, e tae atura ki raro kia Davida ra ki te mato ra, ki te ana a Adulama; te puakapaia ra te nuku Philiseti i te 1 Para 14:9o ra i Rephaima.

16Tei roto a Davida i taua punanga ra, e tei Betelehema te Philiseti i te tiaki anga.

17Kua kaki akerā Davida i te vai, e kua tuatua akera. Naringa tetai e oronga mai i tetai manga vai i te ruavai i Betelehema, i te pae ngutupa ra e!

18Kua tiki ua atura aua nga tangata toko toru ra na roto ua atura i te nuku Philiseti ra, e kua uti iora i te vai i taua ruavai i te pae ngutupa i Betelehema ra, kua rave maira, e kua apai maira kia Davida ra; kare akerā Davida i inu, kua riringi ra ki mua ia Iehova.

19E kua tuatua akera aia, Auraka rava au, e taku Atua, kia akapera; ka inu ainei oki au i te toto o eianei puke tangata, ko tei akaruru ua i to ratou mate? Kua akaruru oki ratou i to ratou mate, i te apai anga mai i teianei vai. Kare akera aia i inu. I pera aua nga tangata toa toko toru ra.

20E ko 2 Samu 23:18Abisai te taeake o Ioaba, ko tei maata ïa i nga tangata toko toru ra: kua tāki akera aia i tana korare ki runga, ta atura i te au tangata e toru anere; rauka iora iaia te ingoa i nga tangata toko toru ra.

21 2 Samu 23:19 Ko te tangata ïa i maata i aua nga tangata toko toru ra, riro atura aia ei rangatira i rungao; kare rai i taea iaia nga tangata toko toru i muatangana ra,

22Ko Benaia te tamaiti a Iehoiada, e tamaiti aia na tetai tangata toa i Kabazeela, kua maata katoa tana au ravenga; e 2 Samu 23:20rua katoa ana puke liona tuputupua i ta i Moabi: e kua eke aia ki raro e kua ta rai i tetai liona i roto i te vaarua i te tuatau kiona.

23Kua ta oki aia i tetai tangata Aiphiti, e tangata roa, e rima kubiti te roa; e korare rai oki tei te rima o taua tangata Aiphiti ra, mei te kautā maata a te raranga kakau ra; aere atura aia kiaia ra, ma te rakau tokotoko, kua aō iora taua korare ra i te rima o te Aiphiti ra, kua ta atura iaia ki te korare nana uaorai.

24I akapera aturā Benaia te tamaiti a Iehoiada, i raukaʼi tona ingoa i nga tangata toa toko toru nei.

25I na, kua maata rai aia i te au tangata e toru ngauru ra; kare ra i taea iaia nga tangata toko toru i muatangana ra. Tukuia akera aia e Davida no runga i tona ra pupu vaeau.

26 2 Samu 23:24 Ko Asahela oki tetai i taua aronga toa no te nuku ra, e taeake no Ioaba; ko Elihanana te tamaiti a Dodo i Betelehema ra,

27Ko Samota i Harori, e ko Heleza i Peloni,

28Ko Ira te tamaiti a Ikesa i Tekoa ra, ko Abiezera i Anatota,

29Ko Sibekai i Husai ko Ilai i Ahohi,

30Ko Maharai i Netopha, ko Heleda te tamaiti a Baana i Netopha,

31Ko Itai te tamaiti a Ribai no ko i Gibea ra, no te au tamariki a Beniamina, ko Benaia i Piratoni,

32Ko Hurai no ko i nga kauvai i Gaasa ra, ko Abiela i Araba,

33Ko Azamaveta i Baraumi, ko Eliaba i Saalaboni,

34Ko nga tamariki a Hasema i Gizoni, ko Ionatana te tamaiti a Sage i Harari ra,

35Ko Ahiama te tamaiti a Sakara i Harari ra, ko Eliphala te tamaiti a Ura,

36Ko Hephera i Mekera, ko Ahiia i Peloni,

37Ko Hezero i Karamela, e ko Naarai te tamaiti a Ezibai ra,

38Ko Ioela te taeake o Natana ra, ko Mibara te tamaiti a Hageri,

39Ko Zeleka ngati Amona, ko Naharai i Beroti, e apai taoonga tamaki na Ioaba te tamaiti e Zeruia ra,

40Ko Ira i Ituri, ko Gareba i Ituri,

41Ko Uria ngati Heta, ko Zabada te tamaiti a Ahalai,

42Ko Adina te tamaiti a Siza e ngati Reubena, tetai ïa rangatira o te ngati Reubena, e te au tangata katoa oki e toru ngauru,

43Ko Hanana te tamaiti a Maaka, e ko Iosaphata i Mitini,

44Ko Uzia i Asetera, ko Sama e ko Iehiela nga tamariki a Hotama i Aroera,

45Ko Iediaela te tamaiti a Simeri, e tona taeake ko Ioa i Tizi,

46Ko Eliela i Mahavi, e ko Ieribai, e ko Iosavia, nga tamariki a Elanaama, e ko Itema ngati Moabi,

47Ko Eliela, e ko Obeda, e ko Iasiela i Mesoba.