Ezekiela 40 - Cook Islands Maori Bible(CIMB)

PENE XL - 40Te orama ra i te iero ou.

1 I TE mataiti okotai takau ma rima i to matou tuikaa anga, i te akamata anga o taua mataiti ra, i te rā okotai ngauru o te marama ra, i te mataiti okotai ngauru ma a, i muringao ku nei, kia akakite atu au kia koe ra: e te au mea katoa taau e kite ra, Eze 43:10ko te akakite atu ïa ki te ngutuare o Iseraela.

5E i na, Eze 42:20e patu tei vao mai i te are e pini ua ake, e tei te rima o taua tangata ra, e kakao aite ïa e ono ïa kubiti, e tau i te kubiti e te rima okotai; kua aite akera aia i te atea i taua patu ra, okotai ïa kakao; e te teitei oki, okotai kakao.

6Kua aere maira aia ki te ngutupa i anga tika ki te itinga o te rā ra, e kua kake akera na runga i to reira ara akanukanuka ra, e kua aite atura i te turuki ngutupa ra, okotai ïa kakao i te pararauare, e tetai turuki oki, okotai rai kakao i te pararauare.

7E te au pia rikiriki katoa ra, okotai ïa kakao i te roa, e okotai oki kakao i te pararauare; e te va i rotopu i te au pia rikiriki ra, e rima ïa kubiti; e te turuki ngutupa i te pae i te tomoanga o te ngutupa i roto ra, okotai ïa kakao.

8Kua aite katoa aia i te tomoanga o te ngutupa i roto ra, okotai ïa kakao.

9Kua aite atura aia i te tomoanga o te ngutupa ra, e varu ïa kubiti; e nga pou ra, e rua ïa kubiti; e te tomoanga o taua ngutupa ra, tei te pae ki roto ra ïa.

10E nga pia rikiriki no te ngutupa i te pae i te itinga o te rā ra, e toru i teia pae, e toru oki i tera pae; okotai rai aite te reira e toru katoa ra: e nga pou oki, okotai rai aite i teia pae, e i tera pae.

11Kua aite iora aia i te pararauare i te tomoanga i te ngutupa ra, okotai ïa ngauru i te kubiti; e te roa o te ngutupa ra, okotai ngauru ma toru ïa te kubiti.

12Te ngai i muao i taua pia rikiriki ra, okotai ïa kubiti i teia pae okotai oki kubiti i taua ngai ra i tera pae: e te au pia rikiriki ra, e ono ïa kubiti i teia pae, e ono oki kubiti i tera pae.

13Kua aite atura aia i te ngutupa, mei te tapoki i tetai pia rikiriki, ki te tapoki o tetai: okotai takau ma rima i te kubiti i te pararauare; kua aiteite tetai pa ki tetai pa.

14Kua anga iora oki aia i nga pou, e ono ngauru i te kubiti, e tae rava atu ki te pou o te paepae e pini ua ake te ngutupa ra.

15E mei te aro o te ngutupa i te tomoanga ra, ki te aro o te tomoanga o te ngutupa i roto ra, e rima ïa ngauru i te kubiti.

16E aronga 1 Ari 6:4māramārama kokota ua to te au pia rikiriki, e to te au pou i reira i te pae ki roto i te ngutupa e pini ua ake; e māramārama katoa to te au poretiko i te pae ki roto ra e pini ua ake: e e nu tamara anake ki runga i te au pou ra.

17Kua arataki atura aia iaku i reira ki roto Apo 11:2i te paepae ki vao ra; e i na, e 1 Ari 6:5aronga pia, e te taua toka kua oti i te tukiia no taua paepae ra e pini ua ake: Eze 45:5e toru ngauru i te pia i te taua toka ra.

18E te taua toka, i te pae o te au ngutupa, i na te tiroa i taua ngutupa ra, ko te taua toka ïa ki raro.

19Kua aite iora aia i te pararauare na te pae ki mua i te ngutupa ki raro ra, te pae ki mua i te paepae ki roto i te pae ki vao, okotai ïa anere i te kubiti, i te pae ki te itinga o te rā e te pae ki apatokerau ra.

20E te ngutupa o te paepae ki vao, tei anga ki te pae ki apatokerau, kua aite iora aia i tona roa, e tona pararauare katoa.

21E nga pia rikiriki oki no reira ra, e toru ïa i teia pae, e toru oki i tera pae; e nga pou oki no reira ra, e nga poretiko no reira, okotai rai aite e tei muatangana ra ngutupa: e rima ngauru te kubiti i te roa, e te pararauare ra, okotai takau ma rima ïa kubiti.

22E to reira au māramārama, e to reira au poretiko, e to reira au nu tamara, okotai rai aite e te ngutupa i anga ki te itinga o te rā ra; e itu nuka e tae ei ratou ki runga kia aere; e to reira au poretiko, tei te pae ïa ki mua.

23E te ngutupa o te paepae ki roto ra, kua anga tika atu ki te ngutupa ki te pae ki apatokerau ra, e ki te itinga o te rā ra; kua aite iora aia mei tetai ngutupa ki tetai ngutupa, okotai anere i te kubiti.

24E oti akera, kua arataki atura aia iaku ki te pae ki apatonga, e i na, e ngutupa tei te pae ki apatonga: kua aite iora aia i to reira au pou, e to reira au poretiko, aua nga aite rai te aite.

25E au māramārama oki to te reira, e to reira au poretiko, e pini ua ake, mei te au māramārama katoa ra: e rima ngauru kubiti i te roa, e rua ngauru ma rima kubiti i te pararauare.

26E te au nuka e tae ki runga ra, e itu ïa, e nga poretiko no reira ra, tei te pae ïa ki mua: e nu tamara oki to reira, okotai i teia pae, okotai oki i tera pae, ki runga i nga pou i reira ra.

27E ngutupa oki to te paepae i roto ra i te pae ki apatonga ra: kua aite iora aia mei tetai ngutupa ki tetai ngutupa i apatonga ra okotai anere i te kubiti.

28Kua arataki atura aia iaku ki te paepae ki roto ra, ki te ngutupa i te pae ki apatonga ra: kua aite iora aia i te ngutupa i te pae ki apatonga ra, taua aite rai te aite;

29E to reira au pia rikiriki ra, e to reira au pou ra, e to reira au poretiko ra, taua aite rai te aite: e au māramārama oki to roto, e i roto katoa i te au poretiko, e pini ua ake: e rima ngauru ïa kubiti i te roa, e e rua ngauru ma rima kubiti i te pararauare.

30E nga poretiko e pini ua ake, e Eze 40:21,25; 33; 36rua ngauru ma rima ïa kubiti i te roa, e e rima kubiti i te pararauare.

31E to reira au poretiko ra, tei te paepae ki vao ïa; e tei to reira ra au pou etai au nu tamara: e to reira kake anga ki runga ra, e varu ïa nuka.

32Kua arataki atura aia iaku ki te paepae ki roto i te pae ki te itinga o te rā ra: e kua aite iora aia i te ngutupa, aua nga aite rai te aite.

33E to reira au pia rikiriki, e to reira au pou, e to reira au poretiko, aua nga aite rai te aite: e au māramārama to roto, e i roto i to reira au poretiko, e pini ua ake: e rima ngauru kubiti i te roa, e rua ngauru ma rima kubiti i te pararauare.

34E to reira au poretiko ra, tei te pae ki te paepae ki vao ïa; e puke nu tamara tei runga i to te reira au pou i teia pae e tera pae: e to reira kake anga ki runga ra, e varu ïa nuka.

35E kua arataki atura aia iaku ki te ngutupa ki te pae ki apatokerau, e kua aite iora, aua nga aite rai te aite;

36To reira au pia rikiriki ra, to reira au pou, e to reira au poretiko, e to reira au māramārama oki, e pini ua ake: e rima ngauru kubiti i te roa, e te pararauare, e rua ngauru ma rima ïa kubiti.

37E to reira au pou ra, tei te pae ïa i te paepae ki vao ra: e puke nu tamara oki tei runga i to reira au pou ra, i teia pae e tera pae: e to reira kake anga ki runga ra, e varu ïa nuka.

38Kareka te au pia, e to reira au tomoanga ra, na te au pou o te au ngutupa ra ïa, i reira te atinga karakaratio te orei angaia.

39E tei te tomoanga o te ngutupa ra, ko nga kaingakai ïa e rua i teia pae, e rua oki kaingakai i tera pae, ei ko anga i te atinga karakaratio, Levi 4:2,3e te tarangaara, e te Levi 5:6; 6:6,7; 7:1tutakingaara, ki rungao.

40E tei te pae ki vao mai, i te aerenga ki runga ki te tomoanga i te ngutupa ki te pae i apatokerau ra, e rua ïa puke kaingakai; e tei tetai pae ra, i te tomoanga i te ngutupa ra, e rua rai ïa puke kaingakai.

41E a oki puke kaingakai i teia pae e a oki kaingakai i tera pae, i te pae ngutupa ra; e varu ïa puke kaingakai, ei ko anga i ta ratou au atinga ki rungao.

42E nga kaingakai e a no te atinga karakaratio, e toka tarai ïa, okotai kubiti e te afa i te roa, okotai oki kubiti e te afa i te pararauare, okotai oki kubiti i te teitei: e kua vaooia e ratou ki rungao te au apinga i ko ei ratou i te au atinga karakaratio e te au atinga katoa ra.

43E aronga matau okotai rima i te pararauare i akamouia i te pae ki roto ra e pini ua ake: e tei runga i taua au kaingakai ra te kiko o te atinga.

44E tei vao mai i te ngutupa i roto ra, te au pia no te 1 Para 6:31aronga imene ki roto i te paepae ki roto ra, ki te pae i te ngutupa i apatokerau; e anga tika ïa ki te pae i apatonga: okotai oki ki te pae ngutupa i te itinga o te rā ra, e anga tika ïa ki te pae i apatokerau.

45E kua tuatua maira aia kiaku, Teianei pia, tei te pae ki apatonga te akara anga, no te kau taunga ïa, Levi 8:35; Nume 3:27,28,32,38; 18:5; 1 Para 9:23; 2 Para 13:11; Sala 134:1tei ia ratou te akono anga i te iero nei,

46E te pia, tei te pae i apatokerau te akara anga, no te kau taunga ïa, Nume 18:5; Eze 44:15teia ratou te akono anga i te atarau: koia nga tamariki a 1 Ari 2:35; Eze 43:19; 44:15,16Zadoka, no roto i te au tamariki a Levi ra, tei tae vaitata kia Iehova ra, ei raverave iaia ra.

47Kua aite akera aia i te paepae, okotai anere oki kubiti i te roa, okotai anere kubiti i te pararauare, kua aiteite te roa e te pararauare; e tei mua oki te atarau i te iero.

48E kua arataki maira aia iaku ki te tomoanga o te iero ra, e kua aite iora nga pou o te tomoanga, e rima kubiti i teia pae, e rima oki kubiti i tera pae: e te pararauare o te pa ra, e toru ïa kubiti i teia pae, e toru oki kubiti i tera pae.

49Te 1 Ari 6:3roa o te tomoanga, okotai takau ïa i te kubiti, e te pararauare, okotai ngauru ma tai ïa te kubiti: e kua arataki maira aia iaku na te ara nukanuka i kake ei ratou ki runga ra: e puke 1 Ari 7:21pou oki tei te pae i te au pou, okotai i teia pae, okotai oki i tera pae.