Ioane 15 - Cook Islands Maori Bible(CIMB)

PENE XV - 15Te vine e te au rara ra: to Iesu aroa maata: tona au taunga; e ririia ratou e to te ao nei; te Akapumaana.

1KO au te vine mou, e ko taku Metua te tanu-kai.

2Mata 5:13E te au rara ua kore katoa i roto iaku nei, nana ïa e tipu ke atu; e te au rara ua katoa, nana ïa e tope, kia maata ua atu te ua.

3Ioa 13:10; 17:17; Ephe 5:26; 1 Pete 1:22Kua mā ra kotou i tenana, i te tuatua taku i apii atu ia kotou.

4Kolo 1:23; 1 Ioa 2:6Ka topiri mai kiaku, e naku e topiri atu kia kotou. Mei te rara kare e ua koia anake ra, kia kore e piri ki te vine ra; kare katoa kotou, kia kore e piri mai kiaku ra.

5Ko au te vine, kotou te au rara: ko te topiri kiaku ra, e ko te topiri atu au kiaia ra, Hose 14:8; Phili 1:11; 4:13; Anga 4:12koia te ua maata: i taka ke kotou iaku ra, kare rava e mea e tika ia kotou.

6Ko te tangata kare e topiri mai iaku ra, Mata 3:10; 7:19e akarukeia ïa mei te rara ra, marō atura ïa; ko te akaputuia ra, tiria atura ïa ki roto i te ai, pou atura ïa i te ka.

7I topiri mai kotou kiaku ra, e kia noo marie taku tuatua ki roto ia kotou na, Ioa 14:13,14; 16:23; 15:16e pati ua kotou i ta kotou e anoano ra, e e orongaia mai ïa kia kotou.

8Mata 5:16; Phili 1:11Ko te mea ïa e akakakāiaʼi taku Metua, kia maata to kotou ua anga; Ioa 8:31; 13:35e riro kotou ei pipi naku i reira.

9Mei taku Metua i akaperepere mai iaku nei, kua akaperepere katoa atu oki au ia kotou: kia noo kotou ma te akaperepereia atu e au.

10Ioa 14:15,21,23I akono kotou i taku au akauenga, e vai akaperepereia atu kotou e au; mei iaku i akono i te au akauenga a taku Metua ra, e e vai akaperepereia mai au e ia.

11I karanga atu au kia kotou i teianei au tuatua, kia vai rai toku mareka ia kotou, Ioa 16:24; 17:13; 1 Ioa 1:4e kia ki tikai oki kotou na i te rekareka.

12Ioa 13:34; 1 Tesa 4:9; 1 Pete 4:8; 1 Ioa 3:11; 4:21Teia taku akauenga, kia aroa kotou ia kotou uaorai, mei iaku i aroa ia kotou.

13Ioa 10:11,15; Roma 5:7,8; Ephe 5:2; 1 Ioa 3:16Kia oronga te tangata i tona uaorai ora no tona au taunga, kare rava e tangata aroa maata atu i te reira.

14Mata 12:50; Ioa 14:15,23Ko kotou toku oa, kia akono kotou i te au tuatua katoa taku i akaue atu ia kotou na.

15Kare atura au e karanga kia kotou e, e tavini; kare oki te tavini i kite i ta tona pu e rave ra: kua karanga ra au kia kotou e, e oa; Gene 18:17; Ioa 17:26; Anga 20:27kua akakite oki au kia kotou i te au tuatua ravarai taku i kite i taku Metua ra.

16Ioa 6:70; 13:18; 1 Ioa 4:10,19Kare oki kotou tei iki mai iaku; ko au ra tei iki ia kotou, Mata 28:19; Mare 16:15; Kolo 1:6e kua akono ia kotou, kia aere kotou e kia uua te ua, ei ua kai roa: Ioa 14:13; 15:7kia oronga mai te Metua kia kotou i ta kotou e pati atu ma toku nei ingoa.

17Ioa 15:12Teia taku akaue kia kotou, kia aroa kotou ia kotou uaorai.

18 1 Ioa 3:1,13 Kia riri mai to te ao ia kotou ra, kua kite kotou e, ko au ta ratou i mainaina mai ana, ou to ratou riri ia kotou.

191 Ioa 4:5Naringa kotou no teianei ao, e inangaro mai to teianei ao i tona tikai: Ioa 17:14no te mea ra, kare kotou i to teianei ao, ko au i iki ia kotou no roto i teianei ao, i riri mai ei teianei ao ia kotou.

20Ka akamanako i taku i karanga atu kia kotou na, Mata 10:24; Luka 6:40; Ioa 13:16Kare te tavini i maata i tona pu. I takinga-kino ana ratou iaku ra, e takinga-kino katoa ratou ia kotou; Eze 3:7i akono ana ratou i taku tuatua, e akono katoa ratou i ta kotou.

21Mata 10:22; 24:9; Ioa 16:3No toku nei ingoa ra e pera mai ei ratou kia kotou, no te mea kare ratou i kite iaia i tei tono mai iaku nei.

22Ioa 9:41Naringa au kare i aere mai e karanga atu ia ratou, kare ïa a ratou ara: Roma 1:20; Iako 4:17i teianei kare o ratou kotoeanga i ta ratou ara.

231 Ioa 2:23Ko te riri mai iaku ra, kua riri katoa ïa i taku Metua ra.

24Naringa au kare i rave i rotopu ia ratou, Ioa 3:2; 7:31; 9:32i te angaanga rave koreia e te tangata katoa, kare ïa a ratou ara: i teianei ra, kua kite ïa ratou, e kua riri mairai iaku e taku Metua katoa oki.

25Tika atura te tuatua i tataia ki roto i ta ratou ture ra Sala 35:19; 69:4e, “I riri ua mai ratou iaku kare e ara”.

26Luka 24:49; Ioa 14:17,26; 16:7,13; Anga 2:33Kia tae maira te Akapumaana, no ko mai i te Metua ra, naku e tono mai, ko te Vaerua tuatua-mou, no ko aia i te Metua ra, 1 Ioa 5:6nana au e akakite:

27Luka 24:48; Anga 1:8,21,22; 2:32; 3:15; 4:20,33; 5:32; 10:39; 13:31; 1 Pete 5:1; 2 Pete 1:16E e akakite katoa oki kotou, Luka 1:2; 1 Ioa 1:1,2no te mea tei toku ra pae kotou mei muatangana maira.