1 Paraleipomeno 26 - Cook Islands Maori Bible(CIMB)

PENE XXVI - 26Te aronga tiaki ngutupa i te akataka aere angaia ra. Tei te ngati Levi te tiaki i te au apinga o te are o te Atua, te au mea i akatapuia. Te au rangatira ma te au akava.

1I TE tuanga i te aronga tiaki ngutupa ra: To te ngati Kora ra; ko Meselemia ïa te tamaiti a Kora, na te au tamariki a Asapha.

2Nga tamariki oki a Meselemia; ko Zekaria ïa te tama mua, ko Iediaela te toko rua, ko Zebadia te toko toru, ko Iateniola te toko a,

3Ko Elama te toko rima, ko Iehohanana te toko ono, ko Elioenai te toko itu.

4Nga tamariki oki a Obeda-edoma; ko Semaia ïa te tama mua, ko Iehozabada te toko rua, ko Ioa te toko toru, e ko Sakara te toko a, e ko Netaneela te toko rima,

5Ko Amiela te toko ono, ko Isakara te toko itu, ko Peulatai te toko varu, kua akameitaki oki te Atua iaia.

6Ko ta te tamaiti oki ta Semaia, kua anau katoa te tamariki nana, ko tei mana ïa i te ngutuare o to ratou metua: e aronga tangata ririnui ratou.

7Nga tamariki a Semaia ra; ko Oteni ïa, e ko Rephaela, e ko Obeda, e ko Elizabada, e to ratou puke taeake ko Eliu e ko Semakia, ko nga tangata ririnui ïa.

8Ko nga tamariki anake ïa a Obeda-edoma: ko te reira ta Obeda-edoma e ta ratou tamariki, e to ratou ai taeake, e ono ngauru e rua ara, ma te ririnui, e te maroiroi, i te rava anga i te angaanga.

9E ko Meselemia ko tana au tamariki o ona puke taeake, okotai ïa ngauru ma varu, e puke tangata ririnui ïa.

10E ko Selemia; ku tuku iora ratou i te kelero no tana tamaiti no Zekaria, e tangata kite i te tuatua; riro maira tana kelero i te pae i apatokerau.

15I te pae i apatonga kia Obeda-edoma, o tei tana au tamariki te are o Asupima.

16I te pae i te opunga o te rā ra kia Supima e Hosa ra, e te ngutupa ko Saleketa, e i te pae ara akateiteiia ra; ko tei anga mai tetai pia ki tetai ra.

17Toko ono ngati Levi te pae i te itinga o te rā ra, toko a oki tei te pae i apatokerau ra i te au rā katoa; toko a oki tei te pae i apatonga ra i te au rā katoa; e tei Asupima toko rua e toko rua.

18Tei Parabara tei te pae i ti opunga o te rā ra, toko a i te arataa ra; toko rua i Parabara ra.

19Ko te au tuanga teia i te au tiaki ngutupa i te au tamariki a Kora, e te au tamariki a Merari.

20E to te ngati Levi ra, ko Ahia 1 Para 28:12; Mala 3:10ïa i runga i te au apinga o te are o te Atua ra, e i te au apinga akatapuia ra.

21To te au tamariki a Laadana; te au tamariki a Laadana ngati Geresona, mataiapo tutara; to Laadana ngati Geresona, ko Iehieli ïa.

22Ko nga tamariki a Iehieli; ko Zetama ïa, e tona taeake ko Ioela, tei runga ïa i te au apinga o te are o Iehova.

23To te ngati Amerama, te ngati Izahara, to Heberona, e te ngati Uziela:

24E ko 1 Para 23:16Sebuela te tamaiti a Geresoma, te tamaiti a Mose ra, tei runga ïa i te au apinga.

25E tona ra ai taeake ia Eliezera, ko Rehabia te tamaiti nana, ko tana tamaiti ra ko Iesaia ïa, ko tana tamaiti ra ko Iorama ïa, ko tana tamaiti ra ko Zikeri ïa, ko tana tamaiti ra 1 Para 23:16ko Selomiti ïa.

26Ko taua Selomiti ra, e tona ra ai taeake, tei runga ïa i te au apinga katoa i akatapuia ra, ta te ariki ra ta Davida, e te au mataiapo tutara, te au rangatira no runga i te au tausani, e to runga oki i te au anere, e to aronga mamaata o te nuku, i akatapu ra.

27No roto i te au apinga i rauka i te tamaki, tei akatapuia e ratou no te angaanga i te are o Iehova.

28E te au mea katoa ta te 1 Samu 9:9akara ra ko Samuela, e te Saula te tamaiti a Kisa, e ta Abenera te tamaiti a Nera, e ta Ioaba te tamaiti a Zeruia, i akatapu ra ko taua au apinga ravarai i akatapuia ra, tei te rima o Selomiti ïa, e tei tona ra ai taeake.

29To te ngati Izahara, ko Kenania e tana ra au tamariki, tei runga ïa ia Iseraela ei aronga 1 Para 23:4rangatira e ei akava, i te au tuatua a te tangata i vao ra.

30E to te Heberona, ko Hasabia, e tona ai taeake, e aronga maroiroi okotai tausani e itu anere, e aronga rangatira ïa i roto ia Iseraela, i te pae i te opunga o te ra i Ioridana, i te au angaanga katoa a Iehova, e te raverave i ta te ariki ra.

31I to Heberona ra; 1 Para 23:19ko Ieria tei maata i roto i to Heberona, i te au anauanga o tona ai metua: ka kimiiaʼi ratou i te mataiti e rua takau i te au ia Davida ra, kitea iora te au tangata maroiroi i roto ia ratou i Iosu 21:39Iazera i Gileada.

32Koia, e tona ra ai taeake, e aronga tangata maroiroi, e rua ïa tausani e itu anere, e aronga mataiapo tutara, ko tei akariroia e te ariki ra e Davida ei tutara i runga i te ngati Reubena, e te ngati Gada, e te kopu veenga o Manase, no te au tuatua katoa a te Atua, 2 Para 19:11e te au tuatua katoa a te ariki ra.