Maseli 8 - Cook Islands Maori Bible(CIMB)

PENE VIII - 8Te tu o te kite tikai e te akonoanga meitaki tika ra.

1KARE Mase 1:20; 9:3ainei te kapiki nei te pakari? e te akateitei nei te kite i tona reo?

2Tei runga i te au ngai teitei, ki te pae arataa ra, i te tutaki anga o te au ara, te tu ua anga aia.

3Tei te au ngutupa maata ra, ka tomo atu ei ki roto i te oire ra, tei te au tomoanga ngutupa iti rai oki, te kapiki ua anga aia,

4Kia kotou rai, e te au tangata nei, taku e kapiki atu; kia kotou, e te au tamariki a te tangata nei, toku reo i te kapiki anga atu.

5E te au kite kore e, kia kite i te pakari: e te au neneva e, ei ngakau mārama to kotou.

6E akarongo mai; ko te Mase 22:20tuatua memeitaki taku e karanga atu; e te tuatua tiratiratu ta toku vaa e tuatua.

7E tuatua taku vaa i te tuatua-mou; e mea rikarika te pikikaa na taku ngutu.

8Te au tuatua a toku nei vaa, e tuatua-tika anake ïa; kare rava o reira e piko, kare e māro.

9E tuatua taka anake ïa ki tei kite ra, e te tiratiratu oki, i te aronga i rauka te kite ra.

10Kia maata te āriki mai i taku nei ako i to te ario; e te kite oki i to te auro meitaki roa ra.

11Iobu 28:15&c; Sala 19:10; 119:127; Mase 3:14,15; 4:5,7; 16:16E meitaki maata oki to te pakari i to te au poe; e te au mea katoa i inangaroia ra, kare ïa e arite i te reira.

12Ko au nei ko te pakari, te noo nei au ki o te akono meitaki, e te rauka nei te kite i te au ravenga karape.

13Mase 16:6Mataku toku ia Iehova, te rikarika nei au i te kino; Mase 6:17te ngakau parau, e te akamaata, te aerenga kino, Mase 4:24e te vaa māro, ko taku ïa e rikarika nei.

14Tei iaku nei te tuatua, e te pakari tikai; tei iaku te kite, Kohe 7:19tei iaku te ririnui.

15Dani 2:21; Roma 13:1Noku i ariki ei te au ariki, e i akatupu ei te ui ariki ra i te tuatua-tika.

16Noku i tutaraʼi te ui ariki ra, e te aronga mana, te au akava katoa o te enua nei.

171 Samu 2:30; Sala 91:14; Ioa 14:21Te inangaro nei au i te aronga e inangaro mai iaku ra; Iako 1:5e tei kimi vave mai iaku ra, e kite ïa ratou iaku.

18Mase 3:16; Mata 6:33Tei iaku te apinga maata, e te akangateitei; te apinga vaio ngata, e te tuatua-tika.

19Mase 3:14; 8:10E ua meitaki maata tei iaku i to te auro, i to te auro meitaki roa ra; e taku nei apinga i te ario mā meitaki ra.

20Te arataki nei au na te ara tuatua-tika ra, na rotopu i te au arataa tuatua-tau ra:

21Kia akamaata au i te apinga a te aronga i inangaro mai iaku ra; e ta ratou au vairanga e akakiia e au.

22 Mase 3:19; Ioa 1:1 Ia Iehova ra au i akamataʼi aia i tana angaanga; ou tana au angaanga, mei taito mairai.

23Sala 2:6Kua akatainuia au mei taito maira; mei muatangana mai, ou te enua nei.

24Kare oki e tai ra, i vai ana au; kare oki e au punavai maata i te pupui anga;

25Iobu 15:7,8Kare i tatumuia te au maunga, kare oki te au tuaivi, i vai ana au;

26Kare oki aia i anga i te enua, e te au ngai atea, e te ungaungā one muatangana o te ao nei.

27Iaia i tamou i te au rangi ra, tei reira au: iaia i akairo takapuna i te moana:

28Iaia i akamou i te au tumurangi i runga ra: iaia i akamatutu i te au tumu o te moana:

29Gene 1:9,10; Iobu 38:10,11; Sala 33:7; 104:9; Iere 5:22Iaia i akono i te kotinga o te tai ra, kia kore taua tai ra e na rungao i te ngai tana i tou ra: Iobu 38:4iaia i akono i te au tumu o te enua ra:

30Ioa 1:1,2,18Tei vaitata katoa uaorai au iaia i reira mei te tamaiti angai ra: Mata 3:17; Kolo 1:13e te mataora ua ra au i te au rā katoa ra, i te rekareka tamou marie anga ki mua i tona aroaro;

31I te rekareka marie anga i te enua e nooia e te tangata nei; Sala 16:3e tei te au tamariki a te tangata ra toku mataora anga.

32E tenana, e akarongo mai iaku, e te au tamariki e; Sala 119:1,2; 128:1,2; Luka 11:28e ao oki to te aronga e akono mai i toku nei au aerenga.

33E akarongo mai i te ako, kia pakari, auraka rava e anga ke i te reira.

34Mase 3:13,18E ao to te tangata e akarongo mai iaku ra, ko tei tapapa marie i te au rā katoa i te au ngutupa noku ra, ko tei tiaki marie i nga pou ngutupa noku ra.

35Ko tei kite mai iaku ra, kua kite ïa aia i te ora, Mase 12:2e akaperepereia mai oki aia e Iehova.

36Ko tei tareva ke ra iaku nei, Mase 20:2kua takinga-kino ïa i tona uaorai vaerua; te aronga katoa i makitakita mai iaku nei, kua inangaro ïa i te mate.