Numero 27 - Cook Islands Maori Bible(CIMB)

PENE XXVII - 27Nga tamaine a Zelophehada i te umuumu anga i tetai tuanga na ratou; te ture no te kainga. Kua akakiteia e ka mate a Mose; e kua akatakaiā Iosua ei tupau iaia.

1KUA aere maira nga tamaine a Nume 26:33; 36:1,11; Iosu 17:3Zelophehada, te tamaiti a Hepheri, te tamaiti a Gileada, te tamaiti a Makira, te tamaiti a Manase, no te au kopu-tangata o Manase, te tamaiti a Iosepha: teia oki te ingoa o tana au tamaine ra; ko Mahala, e ko Noa, e ko Hogela, e ko Mileka, e ko Tireza.

2Kua tu maira ratou ki mua i te aroaro o Mose, e ki mua i te aroaro o Eleazara taunga ra, e ki mua katoa i te aroaro o te aronga mamaata, e te uipaanga katoa ra, i te ngutupa o te Are uipaanga ra, kua tuatua maira,

3Nume 14:35; 26:64,65I mate to matou metua tane i te medebara, kare ra aia i roto i taua aronga i kapiti katoa Nume 16:1,2i te urupu o Kora ra, e tauetono ia Iehova ra; i mate ra aia i tana uaorai ara: e kare ana tamariki tamaroa.

4Eaa e tangaroiaʼi te ingoa o to matou metua tane i tona kopu-tangata, i te mea kare ana e tamariki tamaroa? Iosu 17:4O mai i tetai tuanga no matou i roto i te au taeake o to matou metua ra.

5Exo 18:15,19Kua apai akerā Mose i taua tuatua na ratou ra ki mua i te aroaro o Iehova.

6Kua tuatua mairā Iehova kia Mose, na ko maira,

7Nume 36:2E tuatua tika ta te au tamaine a Zelophehada e apai rai koe i tetai tuanga kainga no ratou i roto i te au taeake o to ratou metua tane; e ūē koe i te kainga o to ratou metua tane no ratou.

8E karanga atu oki koe ki te tamariki a Iseraela, e na ko atu, Kia mate te tangata ra, e kare ana e tamaroa, e ūē kotou i tona kainga no te tamaine.

9E kare ana e tamaine ra, e apai kotou i tona kainga no tona ra au taeake i reira.

10E kare ona e taeake ra, e apai kotou i tona kainga no te au taeake o tona metua tane ra.

11E kare o tona metua tane ra e taeake ra, e apai kotou i tona kainga no tei piri tika mai kiaia i tona kopu-tangata, e nona atura taua kainga ra; Nume 35:29e ei akonoanga tuatuatau teia na te tamariki a Iseraela, ko ta Iehova ïa i akaue mai kia Mose ra.

12Kua tuatua mairā Iehova kia Mose, Nume 33:47; Deu 3:27; 32:49; 34:1Ka aere koe ki runga i te maunga nei ia Abarima, e akara i te enua taku e oronga no te tamariki a Iseraela nei.

13E kia kite koe i te reira ra, Nume 23:24,28; 31:2; Deu 10:6ka kapiti katoaia koe, ko koe katoa, ki toou iti-tangata, mei to tuakana ra mei ia Aarona i kapiti katoaia ki tona ra.

14Nume 20:12,24; Deu 1:37; 32:51; Sala 106:32Kua akatokā oki korua i taku tuatua i te medebara ra i Zini, i te tauetonoanga a te uipaanga ra, kare oki au i akatapuia e korua ki mua ia ratou i te vai ra: Exo 17:7koia taua vai ra ko Meriba i Kadesa, i te medebara ra i Zini.

15Kua karanga aturā Mose kia Iehova, na ko atura,

16Nume 16:22; Ebe 12:9E tuku koe, e Iehova, e te Atua o te au vaerua o te tangata ravarai, i tetai tangata ki rungao i te uipaanga nei,

17Deu 31:2; 1 Samu 8:20; 18:13; 2 Para 1:10Kia aere aia ki vao ki mua ia ratou, e kia oki mai ki roto ki mua ia ratou, ei arataki oki ia ratou ki vao, e ei akaoki mai ia ratou ki roto; 1 Ari 22:17; Zeka 10:2; Mata 9:36; Mare 6:24kia kore oki e riro te uipaanga o Iehova ra mei te mamoe kare e tiaki ra.

18Kua tuatua mairā Iehova kia Mose, Ka rave ia Iosua, te tamaiti a Nuna ra, Gene 41:38; Aka 3:10; 11:29; 1 Samu 16:13,18e tangata ïa tei roto iaia te Vaerua, Deu 34:9e tuku oki koe i toou rima ki rungao iaia;

19E tuku koe iaia ki mua ia Eleazara taunga ra, e ki mua i te uipaanga katoa ra; Deu 31:7ka ikuiku atu ei koe iaia ki mua i to ratou aroaro;

20Nume 11:17,28; 1 Samu 10:6,9E tuku oki koe i tetai pae i te rangi noou ra ki runga iaia, Iosu 1:16,17kia akarongo te uipaanga tamariki ravarai a Iseraela ra iaia.

21Iosu 9:14; Aka 1:1; 20:18,23,26; 1 Samu 23:9; 30:7E tu oki aia ki mua i te aroaro o Eleazara taunga ra, e nana e ui i te tuatua nana ki mua i te aroaro o Iehova i te tuatua-tau ra Exo 28:30i te Urima ra; Iosu 9:14; 1 Samu 22:10,13,15tei iaia te tuatua e tae ei ratou ki vao, e tei iaia oki te tuatua e aere mai ei ratou ki roto; koia, e te tamariki katoa a Iseraela, koia oki te uipaanga ravarai.

22Kua pera oki a Mose i ta Iehova i akaue mai kiaia ra: kua rave oki aia ia Iosua, e kua tuku iaia ki mua ia Eleazara taunga ra, e ki mua i te uipaanga katoa ra.

23Kua tuku ra oki aia i ona rima ki runga iaia, Deu 3:28; 31:7e kua ikuiku mai oki iaia, ta Iehova i akaue mai ia Mose ra.