2 Paraleipomeno 23 - Cook Islands Maori Bible(CIMB)

PENE XXIII - 23Manea akera te au mea katoa ia Iehoiada, akaariki akera ia Ioasa. Te matenga o Atalia.

1 Iehohanana, e ko Azaria te tamaiti a Obeda, e ko Maaseia te tamaiti a Adaia, e ko Elisaphata te tamaiti a Zikeri

2Kua aaere akapini iora ratou i Iudea ra, e kua akaputuputu mai i te ngati Levi no roto i te au oire katoa i Iuda, e te aronga mataiapo tutara i Iseraela, e kua aere mai ratou ki Ierusalema.

3Kua papau iora taua uipaanga katoa ra i te koreromotu i te ariki i roto i te are o te Atua ra. I tuatua ana oki aia kia ratou, I na, te tamaiti a te ariki, ei ariki aia, 2 Samu 7:12; 1 Ari 2:4; 9:5; 2 Para 6:16; 7:18; 21:7i ta Iehova oki i tuatua mai i te au tamariki a Davida ra.

4Teia ta kotou e rave; ko to pae toru o kotou to te kau taunga, e to te ngati Levi, 1 Para 9:25ko tei tomo mai ki roto nei i te sabati, ei tiaki ngutupa ïa;

5E tetai pae toru ei te are ïa o te ariki ra; e tetai pae toru ei te ngutupa i raro ïa: e te au tangata katoa, ei roto ïa i te au paepae o te are o Iehova.

6Auraka ra ei tangata e tomo mai ki roto i te are o Iehova, mari ra ko te kau taunga, 1 Para 23:28,29e te au ngati Levi ko tei rave i te angaanga ra; e tae mai ratou ki roto, no te mea kua tapu ratou; kareka te tangata ravarai e akono ïa i te au pupu tiaki a Iehova.

7Ka tu akapini oki te au ngati Levi i te ariki, ko te tangata ko tana taoonga i tona rima e pini ua ake; e kia tomo mai tetai tangata ake ki roto i te are, ka taia ïa: ei vaitata ra kotou i te ariki kia tomo mai aia ki roto ra, e kia tomo aia ki vao.

8Kua pera oki te au ngati Levi, e Iuda katoa ra, i te rave i te au mea katoa ta Iehoiada taunga i tuatua maira, e kua rave te tangata katoa i tona au tangata i akonoia ko tei aere mai ki roto i te sabati, e te aronga katoa e aere ki vao i te sabati: 1 Para 24; 25kare oki a Iehoiada taunga i akatopa i te au pupu ra.

9Kua apai aturā Iehoiada taunga ki te au rangatira o te au anere i te au korare, e te au paruru tu ke ke, a te ariki ra a Davida, i roto i te are o te Atua.

10E kua tuku aia i te tangata ravarai e akapini tikai i te ariki, ko te tangata ko tana taoonga i te rima, mei te pae katau o te are e tae ua atu ki te pae kaui o te are, na te pae atarau e te are ra.

11Kua arataki maira ratou i te tamaiti a te ariki, e kua tuku i te korona ki rungao iaia, e kua tuku iora i te Deu 17:18ture kiaia ra; kua akaariki akera ratou iaia. E na Iehoiada e ana puke tamariki i akatainu iaia; e kua tuatua akera, Kia ora te ariki.

12E kite akerā Atalia i te mutamuta o te tangata i te oro anga e te akapaapaa anga i te ariki, kua aere maira aia ki te au tangata ki roto i te are o Iehova:

13Kua akara iora aia, e i na, te tu ua maira te ariki ki te pae pou i te tomoanga ki roto, e i vaitata i te ariki ko te aronga mamaata ïa, e te aronga akatangi i te pu: rekareka rava akera te tangata katoatoa o te enua ra, e kua akatangi i te pu: e te aronga imene ma te au mea katoa i akatangi ra, 1 Para 25:8e te aronga katoa e apii i te imene akapaapaa. Kua aae iorā Atalia i ona kakau, e kua tuatua akera, E kaitamaki, e kaitamaki.

14Kua arataki mairā Iehoiada taunga ra i te au rangatira anere tei tukuia ki runga i te nuku ra, e kua karanga atura kia ratou, Arataki atu iaia ki vao i te tupati tangata ra; e te aru iaia ra, e ta ki te koke. I tuatua ana oki te taunga, Auraka aia e taia i roto i te are o Iehova.

15Kua opu atura to ratou rima iaia: e tae atura aia ki te Nehe 3:28arataa e tomo ei te au oroenua i te are o te ariki, kua ta iora ratou iaia i reira.

16Kua papau iorā Iehoiada i te koreromotu nana uaorai, e te au tangata katoa ma te ariki, ei tangata ratou no Iehova.

17Kua tomo atura te tangata ravarai ki roto i te are o Baala, e kua vavaʼi atu i te reira: ma te au atarau e to reira au tiki, kua vavaʼi takiri ravaia e ratou; Deu 13:9e kua ta atura i te taunga o Baala ra ko Matana ki mua i te au atarau ra.

18Kua akataka akerā Iehoiada i te aronga akataoongaia i te are o Iehova, i te rima o te kau taunga te au ngati Levi, 1 Para 23:6,30,31; 24:1tei akatakaia e Davida i roto i te are o Iehova, ei apai i te au atinga karakaratio na Iehova, i Nume 28:2tei tataia i roto i te ture a Mose, ma te rekareka e te imene i akonoia e Davida.

19E kua tuku aia i te 1 Para 26:1&caronga tiaki ngutupa i te au ngutupa i te are o Iehova, kia kore rava tei viivii e tomo ua atu ki roto.

202 Ari 11:19Kua rave akera aia i te au rangatira anere, e te aronga mamaata, e te ata tutara o te au tangata ra, e te tangata ravarai o te enua, e kua arataki maira i te ariki ki raro, mei te are o Iehova maira: e kua na roto ratou i te ngutupa teitei e tae maira ki te are o te ariki ra, e kua tuku iora ratou i te ariki ki runga i te terono o te basileia ra.

21Mareka rava akera te tangata katoa o te enua ra: e te vai au ua ra te oire, mate ua ake a Atalia ki te koke.