Salamo 6 - Cook Islands Maori Bible(CIMB)

SALAMO VI - 6NA TE TUMU IMENE. I RUNGA I NGA MEA AKATANGI, EI REO MARU. E SALAMO NA DAVIDA.

1 Sala 38:1; Iere 10:24; 46:28 AURAKA e akamura mai iaku ma te riri, e Iehova, auraka e pāpā mai iaku i te riri maata noou ra.

2Sala 41:4E aroa mai koe iaku, e Iehova, te apikepike nei au: Hose 6:1e akaora koe iaku, e Iehova, kua mamae oki toku au ivi;

3Kua tumatetenga roa oki toku vaerua: Sala 90:13aea ra koe e tauturu mai ei, e Iehova?

4E oki mai, e Iehova; kia ora toku vaerua, kia ora oki au i te aroa noou ra.

5Sala 30:9; 88:11; 115:17; 118:17; Isa 38:18Kare roa tei mate e akamaara ia koe: koai oki to te vaarua e akameitaki ia koe?

6Kua rarangoa au i toku nei ngengeti ua anga; te mauu nei toku roi i te au po katoa nei; toku roimata te akamauu i toku nei roi;

7Iobu 17:7; Sala 31:9; 38:10; 88:9; Aue 5:17Kua naonao toku mata i te aue; kua rarangoa au i rotopu i toku au enemi katoa.

8 Sala 119:115; Mata 7:23; 25:41; Luka 13:27 Kia atea ke atu kotou, e te aronga i rave i te kino: kua akarongo mai oki a Iehova i taua reo aue noku nei:

9Sala 3:4Kua akarongo mai a Iehova i taku i pati atu, kua āriki mai a Iehova i taku pure.

10E akama toku au enemi ravarai, e e tumatetenga rava, e akaokiia ratou, e rokoia vaveia e te akama.