Koheleta 5 - Cook Islands Maori Bible(CIMB)

PENE V - 5E matakite i te rave anga i te tuatua tarevake i te akono anga i te tuatua a te Atua ra.

1E Exo 3:5; Isa 1:12&cMATAKITE i to vaevae kia aere ki te are o te Atua ra; e kia rapurapu koe i te akarongo ra, 1 Samu 15:22; Sala 50:8; Mase 15:8; 21:27; Hose 6:6auraka kia rapurapu i te apai i te atinga a te neneva ra; kare oki ratou i maara e, te rave ra ratou i te kino.

2Auraka to vaa kia viviki, auraka kia rapurapu ua to ngakau i te tuatua ki mua i te aroaro o te Atua: tei te rangi oki te Atua, tei te enua nei oki koe: Mase 10:19; Mata 6:7kia mea ngiti oki taau tuatua kia tuatua.

3Mei te moemoea no te rai o te angaanga e tupu ei; Mase 10:19

i kiteaʼi oki te reo o te neneva ra i tana tuatua maata.

4Nume 30:2; Deu 23:21,22,23; Sala 50:14; 76:11Kia tia koe i te tia kite Atua ra, e akamaroiroi i te akatae; kare oki aia e mareka i te neneva ra; Sala 66:13,14e tenana e apai i taau i tia ra.

5Mase 20:25; Anga 5:4E ngari ake kia kore koe e tia, ko te tia aea koe e kare e akatae.

6Auraka to kopapa kia ara i to vaa; 1 Kori 11:10e auraka koe e karanga ki te karere a te Atua ra, Kua ē teia. Eaa te mea kia akariri atu oki i te Atua ki toou ra reo, e kia akakore aia i te angaanga a to rima ra?

7Mei te moe putuputu ra oki, e mea puapinga kore ïa, koia katoa te tuatua nei kia akamaataia ra; e tenana, Kohe 12:13ko te Atua taau e mataku.

8Kia akara koe i te ao Kohe 3:16i te takinga-kino angaia ra, e te ruri ke anga i te tuatua-tau e te tuatua-tika i te enua nei, auraka koe e poitirere roa i taua mea ra; Sala 12:5; 58:11; 82:1ko tei teitei ra oki tei akara i taua tangata teitei ra; e ko tei tu ke rava i te teitei ra i tei akara ia raua katoa.

9Ko tei tupu ki runga i te enua ra, na te tangata katoa ïa: ko te ariki oki no roto rai i te kainga ra tana kai.

10Ko tei inangaro i te ario ra, kare ïa e mareka i te ario; e tei inangaro i te apinga nui ra, kare ia e mareka i te apinga e kia maata ra. E mea puapinga kore katoa te reira ra.

11Te maata ra te apinga, te maata katoa ra te aronga i kai: e eaa ta te aronga apinga ra puapinga, mari ra ko te mata te akara ua atu?

12E meitaki te moe o te tangata rave angaanga ra, iti oti, e rai oti, tana kai: no te ki kopu ra o te tangata apinga nui ra i ngere ei aia i te moe.

13E kino Kohe 6:1maata tei kitea iaku i raro ake i teianei rā, i te apinga nui i vaooia ei kino no te pu ra.

14Te pou nei oki taua apinga ra i te angaanga kino: e e tamaiti tana e anau ra, e kare rava ana puapinga e vaoo i tona rima.

15Iobu 1:21; Sala 49:17; 1 Timo 6:7Mei iaia oki i anau taaka ua mai mei roto i te kopu mai o tona metua vaine ra; e pera aia kia oki ra, mei iaia oki i aere maira; kare oki ana puapinga i tana angaanga i rave ra, e tikaʼi iaia kia taoi katoa atu i tona rima.

16Teia katoa oki tetai kino mamae, koia e oki ua ra mei iaia katoa i aere maira: Kohe 1:3eaa oki tana i rauka, tei Mase 11:29angaanga no te matangi ra?

17E kia akaope ua aia i nga rā nona i Sala 127:2te kaikai ma te poiri, e ma te aue maata oki, ma te mamae, e ma te manamanata.

18I na taku i kite nei: Kohe 2:24; 3:12,13,22; 9:7; 11:9; 1 Timo 6:17e mea meitaki, e te tau oki i te tangata nei, kia kaikai, e kia inu, e kia rave aia i te meitaki i te au angaanga katoa tana i rave i raro ake i te rā nei, e kia ope rava ake ona puke rā i o maiia mai e te Atua nona ra: Kohe 2:10; 3:22ko tana oki teia tuanga;

19Kohe 2:24; 3:13; 6:2Ko te tangata katoa ta te Atua i oronga mai i te apinga nui e te meitaki ra, kua oronga katoa mai ïa i te kai i taua mea katoa ra; e rave aia i tana tuanga, ka rekarekaʼi i tana ra angaanga: e mea o maiia mai ïa e te Atua.

20Kare aia e maata rava i te maara i tona ra puke rā i te ora anga nei, kia oronga mai te Atua i te rekareka ki roto i tona ngakau.