1 E 2 Para 17:5APINGA maata e te akangateitei maata to Iehosaphata, e 2 Ari 8:18kua topiri akaipoipo atura aia kia Ahaba.
21 Ari 22:2&cE ope akera etai mataiti ra, aere atura aia ki Samaria kia Ahaba ra. E manganui ta Ahaba mamoe e te puakatoro i ta nana, e na te au tangata i aru mai iaia ra, e kua akanauru maira iaia kia tae katoa ki Ramota-gileada.
3Kua tuatua maira te ariki o Iseraela ra ko Ahaba ki te ariki o Iuda kia Iehosaphata, E tae katoa ainei koe ki Ramota-gileada? Kua karanga atura aia, Tei toou ra anoano, e pera katoa au; tei toou ra au tangata e pera katoa toku; ei te tamaki ra, ei reira katoa tatou.
4Kua tuatua rā Iehosaphata ki te ariki o Iseraela, 1 Samu 23:2,4,9; 2 Samu 2:1Ka ui ana ra i ta Iehova tuatua i tenana, ko taku ïa tuatua kia koe.
5Kua akaputuputu maira te ariki o Iseraela i te au peroveta e a katoa anere i te tangata, e kua karanga atura kia ratou, Ka aere ainei tatou ki Ramota-gileada ki te tamaki, e auraka ainei? Kua tuatua maira ratou, Ka aere, na te Atua oki e oronga mai ki te rima o te ariki.
6Kua tuatua akerā Iehosaphata, Kare atu rai a Iehova e peroveta toe i ko nei, kia ui tatou kiaia ra?
7Kua tuatua maira te ariki o Iseraela kia Iehosaphata, Okotai nei tangata toe kia ui tatou kia Iehova, iaia: kua makitakita ra au iaia; kare oki aia e totou meitaki mai iaku nei, ko te tuatua kino anake uaorai tana e teia noaʼi; ko Mikaia te tamaiti a Imela. Kua karanga aturā Iehosaphata, Auraka te ariki e pera mai.
8Kua karanga atura te ariki o Iseraela i tetai rangatira, na ko atura, Arataki viviki mai ia Mikaia te tamaiti a Imela ra.
9Te noo maira te ariki o Iseraela e te ariki o Iuda ko Iehosaphata, ki runga i o raua puke terono ra, kua kakau i to raua kakau, tei te ngai atea i te tomoanga i te ngutupa i Samaria ra; e te totou anake ra te au peroveta ki mua ia raua.
10E puke tara auri oki tei angaia e Zedekia te tamaiti a Kenaana, e kua tuatua akera, Te na ko mairā Iehova, Ko taau teia kia ueketu i to Arama ra, e kia pou atu ratou ia koe.
11E kua pera te au peroveta ravarai i te totou, na ko maira, E aere ki Ramota-gileada, e kia manuia atu; na Iehova oki e tuku mai ki te rima o te ariki.
12Ko taua karere ra i aere e tiki ia Mikaia ra, kua karanga atura kiaia, na ko atura, I na oki, i ta te au peroveta tuatua ki te ariki ra, e meitaki anake ïa ma te vaa okotai: e tenana, teia taku tuatua kia koe, kia aiteite katoa taau tuatua ki ta ratou, ei tuatua meitaki rai.
13Kua tuatua mairā Mikaia, Te ora rā Iehova, Nume 22:18,20,35; 23:12,26; 24:13; 1 Ari 22:14ko ta taku Atua e akakite mai kiaku ra, ko taku ïa e tuatua.
14E tae maira aia ki te ariki ra, kua karanga atura te ariki kiaia, E Mikaia, ka aere ainei tatou ki Ramota-gileada ki te tamaki, e auraka ainei? Kua tuatua maira aia, E aere kotou ki runga, e kia manuia atu, ka tukuia mai ïa ratou ki to kotou rima.
15Kua karanga atura te ariki kiaia, Takiia taku akataputou anga atu ia koe e, ei tuatua-mou anake ra taau e tuatua mai kiaku nei i te ingoa o Iehova ra?
16Kua tuatua maira aia, Akara atura au ia Iseraela ravarai, kua pueurikiriki ke ki runga i te au maunga, mei te mamoe kare e tiaki: e kua tuatua mairā Iehova, Kare o ratou nei pu: e oki te tangata katoa ki te ngutuare ma te au.
17Kua karanga atura te ariki o Iseraela kia Iehosaphata, Kare au i tuatua kia koe e, kare aia e totou meitaki mai iaku, ko te kino anake ra?
18Kua tuatua mairai oki aia, E akarongo mai ana koe i te tuatua a Iehova: Kua kite au ia Iehova i te noo anga ki runga i tona ra terono, e to te rangi katoa ra nuku i te tu ua anga i tona rima katau, e tona rima kaui;
19E kua ui aturā Iehova, Naai e akanauru atu i te ariki o Iseraela ia Ahaba, kia aere aia ki runga e kia inga i Ramota-gileada? Kua tuatua maira tetai i tana, e kua tuatua maira oki tetai i tana.
20Iobu 1:6Kua aere maira tetai vaerua, kua tu maira ki mua ia Iehova, e kua tuatua maira, Naku aia e akanauru atu. Kua karanga aturā Iehova kiaia, E akapeea?
21Kua tuatua maira aia, E aere au ei vaerua pikikaa i roto i te vaa o te au peroveta katoa nana ra. Kua karanga atura aia, Naau rai e akanauru, ka tupu oki taau; e aere e akapera.
22E teianei, i na, Iobu 12:16; Isa 19:14; Eze 14:9kua tuku mai a Iehova i te vaerua pikikaa ki roto i te vaa o taau au peroveta naau nei; e kino oki ta Iehova i akakite mai ia koe ra.
23Kua aere iorā Zedekia te tamaiti a Kenaana i vaitata, Iere 20:2; Mare 14:65; Anga 23:2kua moto atura ia Mikaia i te paparinga ra, e kua karanga atura, I naea io nei te Vaerua o Iehova i te akaruke anga iaku e te karanga anga atu kia koe?
24Kua tuatua mairā Mikaia, I na, ka kite koe, kia tae ki te rā e aere ei koe ki roto i tetai pia i roto rava ra ka pipini atu ei.
25Kua karanga atura te ariki o Iseraela, E rave kotou ia Mikaia, e akaoki atu kia Amona ki te tutara o te oire ra, e kia Ioasa ki te tamaiti a te ariki:
26E karanga atu ei, Te na ko maira te ariki, 2 Para 16:10E tuku ana i teianei tangata ki roto i te are tapekaanga ra, ka angai atu ei iaia ki te kai a tei tapekaia ra, e te vai a tei tapekaia ra, e kia oki mai au ma te au.
27Kua tuatua mairā Mikaia ra, Kia oki akaou mai koe ma te au, kare ïa ta Iehova taku i tuatua nei. E kua karanga atura aia, E akarongo mai, e te au tangata katoa.
28Kua riro atura te ariki o Iseraela, e te ariki o Iuda ko Iehosaphata, ki Ramota-gileada.
29Kua tuatua maira te ariki o Iseraela kia Iehosaphata, Ka akatu ke au iaku uaorai, ka aere ei ki te tamaki; e kakau ra koe ki toou ra kakau. Kua akatu ke iora te ariki o Iseraela iaia uaorai, e kua aere atura ratou ki te tamaki ra.
30Kua oti oki te au rangatira o te au kariota e tu i vaitata iaia i te ikuikuia e te ariki o Arama ra, i te na koia atu e, Auraka kotou e tamaki ua atu ki te tangata rikiriki, e te tangata maata, mari ra ki te ariki o Iseraela anake ra.
31E kia akara mai te au rangatira o te au kariota ra ia Iehosaphata, kua tuatua akera ratou, Ko te ariki rai teia o Iseraela ra. Kua ariu akera ratou e tamaki iaia; kua kaku ua rā Iehosaphata, e kua tupae mai a Iehova iaia; e akaanga keia akera ratou e te Atua.
32E kite akera oki te au rangatira o te au kariota ra e, kare aia i te ariki o Iseraela, kua anga ke maira ratou, kare akera i aruaru atu iaia.
33Kua akainana ua iora tetai tangata i te ana, tu iora te ariki o Iseraela i rotopu i te topirianga tapoki-umauma ra: kua karanga atura aia ki te tangata akaoro kariota ra, E ariu ke atu koe, e kave iaku ki vao i te nuku nei; kua mate au.
34Tupu atura te tamaki i taua rā ra; kua turuia iora te ariki o Iseraela i roto i te kariota e tamaki rai i to Arama, e aiai ua atura: e tei te topa anga o te rā ra, mate iora aia.
Who We AreWhat We EelieveWhat We Do
2025 by iamachristian.org,Inc All rights reserved.
