1 Paraleipomeno 24 - Cook Islands Maori Bible(CIMB)

PENE XIV - 24Te au tamariki a Aarona tua keleroia ra.

1 TEIA te akataka anga i te au tamariki a Aarona. Levi 10:1,6; Nume 26:60Ko ta Aarona au tamariki, ko Nadaba ïa, e ko Abihu, e ko Eleazara, e ko Itamara.

2Nume 3:4; 26:61Mate iorā Nadaba raua ko Abihu te ora ra te metua, e kare a raua tamariki: kua rave iorā Eleazara raua ko Itamara i te taoonga taunga ra.

3Kua tua marie iora oki a Davida ia raua, ko Zadoka no te au tamariki a Eleazara, e ko Ahimeleka no te au tamariki a Itamara ra, ta raua ïa taoonga ka rave ei raua ra.

4No te mea ra kua rai te aronga mataiapo tei kitea i roto i te au tamariki a Eleazara i te au tamariki a Itamara, e akaperaia i te tuanga: to te au tamariki a Eleazara okotai ngauru ma ono aronga mataiapo i te are o to ratou ai metua, e to te au tamariki a Itamara e varu ïa i te ngutuare o to ratou ai metua.

5Tua keleroia iora ratou tetai e tetai; e aronga tutara no te are o te Atua ra, no te au tamariki ïa a Eleazara, e no te au tamariki katoa a Itamara ra.

6E na Semaia te tamaiti a Netaneela tata tuatua, ngati Levi ra, i tata ia ratou i mua i te aroaro o te ariki, e te ui ariki katoa, e ia Zadoka taunga, e ko Ahimeleka te tamaiti a Abiatara, e te au mataiapo tutara o te kau taunga e te ngati Levi: okotai ngutuare mataiapo i tataia no Itamara, okotai i to Eleazara.

7Rauka maira te kelero mua ia Ieoiariba, te rua ia Iedaia,

8Te toru ra ia Harima, te a ra ia Seorima,

9Te rima ra ia Malakia, te ono ra ia Miamina,

10Te itu ra ia Koza, te varu ra ia Nehe 12:4,17; Luka 1:5Abia,

11Te iva ra ia Iesua, te ngauru ra ia Sekania,

12Te ngauru ma tai ra ia Eliasiba, te ngauru ma rua ra ia Iakima,

13Te ngauru ma toru ra ia Hupa, te ngauru ma a ra ia Iesebeaba,

14Te ngauru ma rima ra ia Bilega, te ngauru ma ono ra ia Imera,

15Te ngauru ma itu ra ia Hezira, te ngauru ma varu ra ia Aphese,

16Te ngauru ma iva ra ia Petahia, te tai takau ra ia Iehezekela,

17Te tai takau ma tai ra ia Iakina, te tai takau ma rua ra ia Gamula,

18Te tai takau ma toru ra ia Delaia, te tai takau ma a ra ia Maazia.

19Ko te au pupu teia i ta ratou akono anga 1 Para 9:25ka aere ei i te are o Iehova, ko tei tau ïa ia ratou ia Aarona i to ratou metua, ta te Atua no Iseraela ta Iehova i akaue mai kiaia ra.

20E te toenga o nga tamariki a Levi ko teia ia: Ko te tamariki a Amerama; ko Subaela ïa: e te tamariki a 1 Para 23:16Subaela ra; ko Iehedeia.

21Ko te tamariki 1 Para 23:17a Rehabia ra; ko Isia tei maata.

22Ko ta Izahara; ko Selomota ïa: to te tamariki a 1 Para 23:18Selomota ra; ko Iahata ïa.

23Ko nga tamariki a 1 Para 23:19; 26:31

Heberona ra; ko Ieria te tama mua, ko Amaria te toko rua, ko Iahaziela te toko toru, ko Iekameama te toko a.

24Ko nga tamariki a Uziela ra; ko Mika ïa: to te tamariki a Mika ra; ko Samira.

25Ko te taeake o Mika ra, ko Isia ïa: to te tamariki a Isia ra; ko Zekaria ïa.

26Exo 6:19; 1 Para 23:21Ko nga tamariki a Merari ra; ko Mahali ïa, e ko Musi: ko nga tamariki a Iaazia; ko Beno.

27Ko nga tamariki a Merari ia Iaazia ra; ko Beno ïa, e ko Sohama, e ko Zakura, e ko Iberi,

28Ko ta Mahali ra; ko Eleazara ïa, 1 Para 23:22kare ra ana e tamariki.

29E ko Kisa: ko te tamaiti a Kisa ra; ko Ierameela.

301 Para 23:23Ko nga tamariki katoa a Musi ra; ko Mahali, e ko Edera, e ko Ierimota. Ko nga tamariki ïa a te ngati Levi i te ngutuare o to ratou ai metua.

31Kua tuku katoa te reira i te kelero mei to ratou ai taeake katoa, i te au tamariki a Aarona, i mua i te aroaro o te ariki ra o Davida, e o Zadoka, e o Ahimeleka, e te au mataiapo tutara o te kau taunga e te ngati Levi ra, te aronga mataiapo tutara, e to ratou ai taeake i muri ake, okotai rai aite.