2 Ariki 22 - Cook Islands Maori Bible(CIMB)

PENE XXII - 22Te au meitaki o Iosia, e tana akono anga i te tuatua a te Atua ra.

1E VARU o Iosia 2 Para 34:1mataiti i ariki ei aia; e toru ngauru ma tai ona mataiti i te ariki anga i Ierusalema. Ko Iedida te ingoa o tona metua vaine, e tamaine na Adaia no Iosu 15:39Bosekata.

2Kua rave aia i te mea tika ki mua i te aroaro o Iehova, aru marie atura i te aerenga o tona tupuna o Davida, Deu 5:32kare i anga ki te pae katau e te pae kaui.

3 2 Para 24:8&c E tae akera ki te ngauru ma varu o te mataiti o te ariki ra o Iosia, kua tono akera te ariki ia Saphana, te tamaiti a Azalia, te tamaiti a Mesulama tata tuatua, ki te are no Iehova, karanga atura,

4E aere kia Hilikia taunga maata ra, e tatau aia i te ario 2 Ari 12:4i apaiia mai ki roto i te are o Iehova, i tei akaputuputuia e te aronga 2 Ari 12:9; Sala 84:10tiaki ngutupa i te au tangata nei:

52 Ari 12:11,12,14Ka tuku ei ratou ki roto i te rima o te aronga i akamaroiroi i te rave i te angaanga i te are o Iehova: ka tuku atu ei ki te aronga i rave i te angaanga i te are o Iehova, ei tuā i te au ngai ngaangaa i taua are ra,

6Ki te au taunga tarai are, e te aronga e patu, e te au tarai toka, ei oko rakau oki, e te toka taraiia, ei tuā, oki i taua are nei.

7Kare 2 Ari 12:15ra i tatauia te moni i tukuia atu ki to ratou rima, no te mea kua akono ratou i te mea mou ra.

8Kua karanga aturā Hilikia taunga maata kia Saphana tata tuatua, Deu 31:24&c; 2 Para 24:14&cKua kitea e au te buka ture i roto i te are o Iehova. Kua tuku mairā Hilikia i taua buka ra kia Saphana, e kua tatau iora aia.

9Kua aere mairā Saphana tata tuatua ki te ariki ra, kua akakite maira i taua tuatua ra kite ariki, na ko maira, Kua tatauia e to au tavini nei te moni i kitea i roto i te are, e kua tukuia ki te rima o te aronga i akamaroiroi i te angaanga, kia raveia i roto i te are o Iehova.

10Kua tuatua mairā Saphana tata tuatua ki te ariki, na ko maira, E buka ta Hilikia taunga i o mai kiaku nei. Kua tatau iorā. Saphana ki mua i te aroaro o te ariki.

11Kite akera te ariki i te tuatua i roto i te buka ture ra, kua aae iora aia i ona kakau.

12Kua akaue atura te ariki ia Hilikia taunga, e ia Ahikama te tamaiti a Saphana, e ia 2 Para 34:20Akabora te tamaiti a Mikaia, e ia Saphana tata tuatua, e ia Asaia e tavini no te ariki, na ko maira,

13E aere kotou, ka ui kia Iehova iaku, e te au tangata, e to Iuda katoa ra, i te tuatua i roto i teianei buka i kitea io nei: Deu 29:27kua maata oki te riri o Iehova i te tupu anga ia tatou, no te mea kare to tatou ai metua i akarongo i te au tuatua i roto i teianei buka, kia rave i te au mea katoa i tataia ia tatou i reira.

14Kua aere iorā Hilikia taunga, e ko Ahikama, e Akabora, e ko Saphana, e ko Asaia, kia Hulada peroveta vaine ra, (i te vaine na Saluma te tamaiti a 2 Para 34:22Tikava, te tamaiti a Harasa, e tiaki kakau,) ko tei noo i tetai pae i Ierusalema, kua karangaranga iora ratou.

15Kua tuatua maira aia kia ratou, Te na ko maira te Atua o Iseraela ko Iehova, E karanga atu kotou ki te tangata i tono mai ia kotou kiaku nei,

16Te na ko mairā Iehova, I na, Deu 29:27; Dani 9:11,12,13,14ka apai mai au i te kino ki runga i teianei ngai, e ki runga i to reira au tangata ra, ko te au tuatua ravarai i roto i te buka i tatauia e te ariki o Iuda ra:

17Deu 29:25-27No te mea kua akaruke ratou iaku, e kua tutungi i te atinga kakara na te au atua ke, kia akakoko mai ratou iaku kia riri i te au angaanga katoa a to ratou rima; e teianei, ka ka toku riri i teianei ngai, e kare rava e tamateia.

182 Para 34:26&cKareka te ariki o Iuda, tei tono mai ia kotou e ui kia Iehova, e na ko atu kotou kiaia, Te na ko maira te Atua o Iseraela ko Iehova, i te au tuatua taau i akarongo ra,

19No te mea Sala 51:17; Isa 57:15kua maru toou ngakau ra, e kua 1 Ari 21:29taakaaka koe ia koe uaorai ki mua i te aroaro o Iehova, i to kite anga i te tuatua i tuatuaia e au i teianei ngai, e to ko nei au tangata, e ka riro ratou i te Levi 26:31,32tanea e te Iere 26:6; 44:22taumaaia, e kua aae koe i o kakau, e kua aue koe ki mua iaku; kua akarongo katoa au ia koe, te tuatua mairā Iehova.

20I na, ka kapiti katoaia koe e au ki to ai metua ra, Sala 37:37; Isa 57:1,2e ka apaiia koe ki toou tanumanga ma te au; kare to mata e kite i te au kino katoa taku e apai mai ki runga i teianei ngai. E kua apai maira ratou i taua tuatua ra ki te ariki ra.