2 Samuela 24 - Cook Islands Maori Bible(CIMB)

PENE XXIV - 24Te ara a Davida i te tatau anga i te au tangata: te utunga i tukuia mai ki runga i te enua, kua moki te makimate i tana tataraara anga: kua akatuia tetai atarau na Iehova ki runga i te ngai pāpā sitona a Arauna.

1E KUA 2 Samu 21:1tupu akaou akera te riri o Iehova ia Iseraela, e kua akakokoia mairā Davida e Satani ia ratou, kia tuatua aia e, 1 Para 27:23,24Ka tu, ka tatau ia Iseraela e ia Iuda.

2Kua karanga atura oki te ariki kia Ioaba i vaitatao iaia ra, ko te rangatira oki no te nuku ra, Ka aere na roto i te au kopu ravarai o Iseraela nei, Aka 20:1mei Dana e tae ua atu ki Bere-seba, ka tatau ei i te au tangata, kia Iere 17:5kite au i te rainga o te au tangata.

3Kua tuatua mairā Ioaba ki te ariki, Maata ua atu rai te tangata, kia akamaata mairai to Atua ra ko Iehova, e kia riro te tangata okotai ei anere, e kia kite oki to mata, e taku pu e te ariki, i te reira: eaa ra oki koe i mataora atu ei i te reira ravenga, e taku pu e te ariki?

4Tupu atura ra ta te ariki ra tuatua, kare ta Ioaba, e ta te au rangatira o taua nuku ra. Aere aturā Ioaba e te au rangatira o te nuku ra ki vao mai i mua i te aroaro o te ariki ra, e tatau i te au tangata o Iseraela ra.

5E aere atura ki tetai pae Ioridana, patia iora i te puakapa i Deu 2:36; Iosu 13:9,16Aroera i te pae katau o te oire, i rotopu i te kauvai i Gada ra i te pae Nume 32:1,3Iazera.

6Aere atura ratou ki Gileada, e te enua ra ko Taatima-hodesi; e tae atura ratou ki Iosu 19:47; Aka 18:29Dana-iaana, e riro atura oki ki Iosu 19:28; Aka 18:28Sidona.

7E kua tae atura ratou ki te punanga etaeta o Turia ra, e te au oire ravarai o te ngati Hevi, e te ngati Kanaana; e aere atura ratou ki Bere-seba ki te pae i apatonga ra i Iuda ra.

8E pini rava akera ia ratou taua enua ra, kua tae maira ki Ierusalema, kua ope akera nga marama e iva e nga rā oki okotai takau.

9Kua tuku mairā Ioaba i te rainga o taua au tangata i tatauia ra ki te ariki. 1 Para 21:5To Iseraela e varu anere i te tausani i te tangata toa e koke te taoonga; e to Iuda ra e rima ïa anere anga i te tausani i te tangata.

10 1 Samu 24:5 Kua akaapa maira to Davida ngakau iaia, kua oti akera te au tangata i te tatauia. Kua karanga aturā Davida kia Iehova, 2 Samu 12:13Kua ara rava au ko au i akapera: e teianei, teia taku tuatua kia koe, e Iehova, e akakore mai koe i te ara a to tavini nei; 1 Samu 13:13e ravenga neneva oki taku i rave io nei.

11E ao akera oki, kia tu mai a Davida ki runga, kua tae maira te tuatua a Iehova ki te peroveta ra kia 1 Samu 22:5Gada, ko ta Davida ïa 1 Samu 9:9; 1 Para 29:29akara, kua tuatua maira,

12Ka aere, e karanga atu kia Davida, Te na ko mairā Iehova, E toru eia puke mea taku e akakite atu kia koe, ko tetai taau e rave kia akapera atu au kia koe.

13Kua aere mairā Gada kia Davida, e kua akakite maira kiaia, e kua tuatua maira kiaia, Kia rokoia mai ainei koe 1 Para 21:12e te onge e kia itu ake mataiti i to enua nei? e kia toru ainei oou marama i te oro anga ki mua i toou au enemi, te arumaki ua maira ratou ia koe? e kia toru ainei rā maki-mate i to enua nei? E tenana e akamaara, ka akara i taku ra tuatua kia akaoki atu au ki tei tono mai iaku nei.

14Kua karanga aturā Davida kia Gada, E iroiro ngata maata toku: e teianei ei te rima o Iehova tatou; Sala 103:8,13,14; 119:156te maata nei tona aroa: Isa 47:6; Zeka 1:15auraka ra au ei te rima o te tangata nei.

15 1 Para 21:14; 27:24 Kua tuku mairā Iehova i te maki-mate ki runga ia Iseraela mei te popongi mai e tae ua atura ki te atianga i akonoia ra; mate iora te tangata e itu ngauru i te tausani, mei Dana mai e tae ua akera ki Bere-seba.

16Exo 12:23; 1 Para 21:15Kia akatika ra te angela i tona rima kia pou Ierusalema iaia, kua Gene 6:6; 1 Samu 15:11; Ioela 2:13,14tataraara iorā Iehova i taua kino ra, e kua karanga atura ki te angela i ta i taua au tangata ra, Kua oti ua: ka tāpu ana i to rima i tenana. Tei vaitatao te angela a Iehova ki te ngai pāpā sitona a 1 Para 21:15; 2 Samu 24:18; 2 Para 3:1Arauna ngati Iebusi ra.

17E kua karanga aturā Davida kia Iehova i te kite anga ake aia i taua angela i ta i te tangata ra, kua na ko atura, I na, 1 Para 21:17kua ara au, kua rave au i te kino: kareka i teianei au mamoe, i aa ua ana ratou i teia taku tuatua kia koe, ei runga to rima iaku nei, e ei runga katoa i te ngutuare o toku metua.

18Kua aere mairā Gada kia Davida i taua rā ra, e kua karanga atura kiaia, 1 Para 21:18&cKa aere ki runga, e akatu i tetai atarau na Iehova i runga i te ngai pāpā sitona a Arauna ngati Iebusi ra.

19Aere aturā Davida ki runga, i ta Gada i tuatua maira, i ta Iehova i akaue maira.

20Kua akara mairā Arauna, e kite maira i te ariki e tona au tavini i te aere anga mai kiaia, e aere aturā Arauna ki vao, e kua tupou atura ki te ariki i raro tona mata i te one.

21Kua karanga aturā Arauna, Eaa te mea i tae mai ei koe, e taku pu e te ariki, ki to tavini nei? Gene 23:8-16Kua tuatua mairā Davida E oko i te ngai pāpā sitona naau nei, e akatu i tetai atarau na Iehova, Nume 16:48,50kia moki maki-mate i te tangata nei.

22Kua karanga aturā Arauna kia Davida, E rave koe, e taku pu e te ariki, e apai i taau e anoano ra: 1 Ari 19:21i na, teia te puakatoro ei atinga karakaratio, teia oki te au pāpā, e te au apinga no runga i te au puakatoro, ei vaie.

23Ko taua au mea katoa ra ta Arauna, e te ariki e, i apai ua na te ariki. E kua karanga aturā Arauna ki te ariki, Eze 20:40,41Kia kiteia mai oki koe e to Atua e Iehova.

24Kua tuatua maira te ariki kia Arauna, Auraka; ei oko rai au, e oko rava atu ia koe: auraka taku ei apinga i oko koreia e au kia apai ei atinga karakaratio na taku Atua ra na Iehova. 1 Para 21:24,25Oko aturā Davida i taua ngai pāpā sitona ra, e nga puakatoro, i te au sekela ario e rima ngauru ra.

25Kua akatu iorā Davida i tetai atarau na Iehova i reira, e kua apai i te atinga karakaratio, e te atinga au ra. 2 Samu 21:14Kua akarongoia akera ratou e Iehova i taua enua ra, 2 Samu 24:21moki akera te maki-mate ia Iseraela.