Ieremia 4 - Cook Islands Maori Bible(CIMB)

PENE IV - 4Te akoia nei kia tataraara: te tu o te au mate te ka tupu i akakiteia: e aue anga no te au mate o Iuda.

1KIA tika ia koe, e Iseraela e, i te oki mai, Iere 3:1,22; Ioela 2:12ka oki mai koe kiaku nei, te tuatua mairā Iehova: e kia tika ia koe i te tuku ke atu i taau au mea viivii, i mua i toku aroaro nei, kare koe e uoa aere i reira.

2Deu 10:20; Isa 45:23; 65:16; Iere 5:2E kia taputou ra koe, Te ora rā Iehova Isa 58:1; Zeka 8:8ma te tuatua-mou, te tuatua-tau, e te tuatua-tika; Gene 22:18; Sala 72:17; Gala 3:8e akameitaki mai ei te pa enua ia ratou uaorai iaia i reira, Isa 45:25; 1 Kori 1:31e iaia rai e akatietie ei ratou.

3Te na ko maira oki a Iehova, ki te au tangata no Iuda, e to Ierusalema, Hose 10:12E kenu kotou i to kotou one ou ra, Mata 13:7,22e auraka e ruru i te ua ki roto i te rakau taratara.

4Deu 10:16; 30:6; Iere 9:26; Roma 2:28,29; Kolo 2:11Ka peritome ana ia kotou uaorai no Iehova, e ka rave ke atu i te kiri mua o to kotou ngakau, e te au tangata no Iuda, e to Ierusalema: ko te otooto ua atu aea toku riri mei te ai ra, e ka iora, kare e rauka kia pi mai, no te kino o ta kotou au ravenga.

5E akakite kotou i Iuda, e tutu aere i Ierusalema; e na ko atu, Ka akatangi ana kotou i te pu i te enua nei: e kapiki nui, ka na ko atu ei, Iere 8:14Ka akaputuputu ia kotou uaorai, e taki aere tatou ki roto i te au oire i akaketaketaia ra.

6Ka akatu ana i te reva kia Ziona; ka ati, auraka e akatutu mai; teia oki au ka apai mai i te kino Iere 1:13,14,15; 6:1,22mei apatokerau mai, e te mate maata.

7Kua riro mai 2 Ari 24:1; Iere 5:6; Dani 7:4te liona no roto i tona ngai ngangaere ra; Iere 25:9tei te ara maira te ta i te pa enua; kua akaruke aia i tona ngai, Isa 1:7; Iere 2:15ei akatanea i toou enua; ka tamoanaia toou au oire, kare roa e tangataia.

8Isa 22:12; Iere 6:26Ka akakakau ana kotou ki te kakau paoa i te reira, ka kakaoa ei; ka aue ei, no te mea kare te riri maata o Iehova i akaanga keia ia tatou nei.

9E te tuatua mairā Iehova, kia tae ki taua rā ra, e mate ei te ngakau o te ariki, e te ngakau o te ui ariki; e ka raungaraʼi te kau taunga, e ka va ua te au peroveta.

10Kua karanga atura au, Aue! e te Atu e Iehova e! Eze 14:9; 2 Tesa 2:11kua akatareva ke rava koe i teianei au tangata, e Ierusalema katoa, Iere 5:12; 14:13i te na ko anga e, Ei au to kotou: e kua taea ravaia te vaerua e te koke.

11I te reira tuatau e tuatuaiaʼi ki teianei au tangata, e ki Ierusalema; Iere 51:1; Eze 17:10; Hose 13:15E veravera no ko i te au tuaivi i te medebara, i te ara o te tamaine a toku iti tangata, kare oki te matangi tairiiri ota e te tamā;

12E matangi maata rava ra i te reira te ka tae mai ïa iaku nei; ei teianei oki e Iere 1:16akakite atu ei au i te akaapa kia ratou.

13I na, mei te tumurangi aia kia aere mai, e mei Isa 5:28te puaioio ra tona au kariota: Deu 28:49; Aue 4:19; Hose 8:1; Haba 1:8e viviki roa tona au oroenua i to te au aeto ra, e ae oki ia tatou! kua pou oki tatou,

14Isa 1:16; Iako 4:8E tamā na i to ngakau i te kino, e Ierusalema e, kia ora koe. Mei te aa te roa o to manako kino i te vai ua anga ki roto ia koe ra?

15E reo oki tei kapiki mai Iere 8:16mei Dana maira, e te akakite ua maira i te mate mei te maunga maira i Epheraima.

16E akakite kotou ki te pa enua; i na! e kapiki atu ia Ierusalema; te aere maira te au mata tamaki Iere 5:15mei te enua mamao mai, e kapiki nui ratou i te au oire o Iuda.

172 Ari 25:1,4E koropini ratou iaia mei te au tiaki kainga ra; no te mea kua meameaau maira aia iaku nei, te tuatua mairā Iehova.

18Sala 107:17; Isa 50:1; Iere 2:17,19No toou aerenga e taau i rave ra i rokoiaʼi koe i teia au mea nei; ko te tu ïa o toou kino; e mea maramara oki: no te mea kua tae rava atu ki to ngakau.

19 Isa 15:5; 16:11; 21:3; 22:4; Iere 9:1,10; Luka 19:42 E taku ngakau, e taku ngakau e! kua mamae, kua tae rava ki te paruru o toku ngakau, kua ori ua toku ngakau ki roto iaku nei, kare e tika iaku kia muteki ua, no te mea, kua kite koe, e toku vaerua, i te tangi anga o te pu, e te aoa tamaki.

20Sala 42:7; Eze 7:26Ko te mate na rungao i te mate i te akakite angaia, kua pou takiri te enua katoatoa; Iere 10:20kare e mamia, kua pou toku au are puakapa; e toku au paruru kakau, mei te kamo anga mata ïa.

21Mei te aa ra te roa o toku akara anga atu i te reva? te akarongo anga oki i te tangi anga o te pu?

22Kua nenevaia oki toku iti-tangata; kare ratou i kite mai iaku; e tamariki auouo ratou, kare oki o ratou kite: kua Roma 16:19pakari ratou i te rave i te kino, kareka te rave i te meitaki, kare ua o ratou kite.

23 Isa 24:19 Akara iora au i te enua, e i na! e utonga kore, Gene 1:2kare e marikonga! te au rangi oki, e kare ua o ratou mārama.

24Isa 5:25; Eze 38:20Akara iora au i te au maunga, e i na! te ngaueue ra, e te keukeu rava ra te au tuaivi katoa ra.

25Akara iora au, e i na! kare ua e tangata; Zepha 1:3e kua rere ke te au manu katoa o te reva nei.

26Akara iora au, e i na! te enua i ua meitaki ana ra, kua riro ïa ei medebara, e kua ope akea tona au oire i te ngaangaa, ki mua i te aroaro o Iehova, ki mua oki i te otooto anga o tona riri.

27Te na ko maira oki a Iehova, Ka riro te enua katoatoa nei i te tanea, Iere 5:10,18; 30:11; 46:28kare ra au e akaope takiri.

28Ko te mea teia ka Hose 4:3aue ei te enua nei, Isa 5:30; 50:3e kerekere ei oki te au rangi i runga ra; kua tuatua oki au, kua akakoro au, Nume 29:19; Iere 7:16e kare au e tataraara, e kare au e oki.

29I te mutamuta anga o te au akaoro oroenua ra, e te au toa ana ra, e ati ei te au oire ravarai; c oro ratou ki roto i te au vaorakau poiri ra; e kake ki runga i te au mato ra; e ope te au oire i te akarukeia, kare rava e tangata e noo ki roto.

30E ko koe, e tei pou e! e akapeea ua akera koe? kakau ua rai koe ki te kakau kutekute ra, akamanea ua rai koe ki te manea auro, 2 Ari 9:30; Eze 23:40amo ua rai koe i to mata ki te mati; e mea puapinga kore toou akamanea anga ia koe uaorai; Iere 22:20,22; Aue 1:2,19ka akaviivii mai taau au tane ia koe, ka kimi rai ratou ia koe e ta.

31I akarongo ana au i te aue mei to te vaine i rokoia e te mamae anau ra, mei te aue o tei anau i tana tama mua ra; te aue o te tamaine a Ziona: te eva ua ra, te Isa 1:15; Aue 1:17ikape ra i tona rima, i te na ko anga e, E ae oki au nei e? te taitaia ua nei toku vaerua i te aronga ta tangata nei.