Genese 39 - Cook Islands Maori Bible(CIMB)

PENE XXXIX - 39To Iosepha akateitei angaia i te ngutuare o Potiphara, e tona tuku angaia hi roto i te are tapekānga.

1 KUA apaiia aturā Iosepha ki Aiphiti; e na tetai tangata Aiphiti, ko Gene 37:36; Sala 105:17Potiphara, e tangata taoonga i o Pharao, e rangatira no te vaeau, Gene 37:28i oko mai iaia i te ngati Isemaela, ko tei arataki iaia ki reira.

2E tei ia Iosepha rā Gene 39:21; 21:22; 26:24,28; 28:15; 1 Samu 16:18; 18:14,28; Anga 7:9Iehova, i meitaki ei oki aia; e tei te are o tona pu o te tangata Aiphiti ra.

3Te kite ra oki tona pu e, tei iaiā Iehova; e te au mea katoa tana i rave ra, kua Sala 1:3akamanuia ïa mai e Iehova:

4E i kite Gene 18:3; 19:19; 39:21aroaia mai a Iosepha e ia, e kua tavini atu aia iaia: e kua akariro aia iaia ei Gene 24:2akaaere i tona ra ngutuare, e te apinga ravarai nana ra, kua tuku atura ïa aia ki tona rima.

5E mei tona akariro anga mairai iaia ei akaaere i tona ra ngutuare, e te apinga ravarai nana ra, kua Gene 30:27akameitakiia mai te ngutuare o taua tangata Aiphiti ra e Iehova ia Iosepha; e kua akameitakiia e Iehova te apinga ravarai nana, to roto i te are, e to vao katoa.

6Akaruke ua atura aia i te apinga ravarai nana ra kia Iosepha; kare ua atura aia i akono ua atu i te au mea katoa nana ra, mari ra i te kai tana uaorai i kai ra. 1 Samu 16:12E purotu oki a Iosepha i te tu, e te mata meitaki.

7E i muri ake i te reira, kua akara maira te mata o te vaine a tona pu ia Iosepha; e kua tuatua maira, 2 Samu 13:11E moe ana taua.

8Kare ra aia i akatika atu, e kua karanga atura ki te vaine a taua pu nona ra, I na oki toku pu, kare rava aia e akono mai i te au mea katoa iaku i te are nei, e kua tuku mai aia i te au mea katoa nana ki toku nei rima.

9E kare roa e tangata i maata i teianei are iaku; e kare roa ana apinga i tāpu iaku, mari ra ko koe, ko te vaine nana uaorai: Mase 6:29eaa oki au e tikaʼi kia rave i tenana kino maata, Gene 20:6; Levi 6:2; 2 Samu 12:13; Sala 51:4e te ara i te Atua?

10Tuatua ua mairai aia kia Iosepha i tera rā i tera rā, kare rava aia i akarongo atu iaia e, e moe atu iaia, kare oki i piri atu iaia.

11E i taua au rā ra, aere aturā Iosepha ki roto i te are e rave i tana angaanga; e kare tetai tangata o taua ngutuare ra i roto.

12Mase 7:13&cKua opu maira taua vaine ra iaia i tona kakau, na ko maira, E moe ana taua. Kua akaruke atura aia i tona kakau i tona rima, e oro maira, e tae maira ki vao.

13E kia akara mai aia ra e, kua akaruke aia i tona kakau i tona rima, e kua oro ki vao,

14Kua kapiki iora aia ki te au tavini tane nona ra, kua tuatua maira kia ratou, na ko maira, I na, i arataki mai nei aia i taua ngati Ebera ki o tatou nei, ei kanga mai ia tatou! i aere mai oki aia kiaku nei, e moe iaku, kua kapiki nui atura au:

15E kia akarongo maira aia e, kua akamaata au i toku reo, e kua kapiki, kua akaruke maira aia i tona kakau kiaku nei, kua oro iora, e riro ke atura.

16Kua vaoo iora aia i taua kakau nona ra ki tona pae, e kia tae maira tona pu ki te are.

17Exo 23:1; Sala 120:3Kua karanga atura taua vaine ra kiaia, na ko atura i te tuatua anga atu, Ko te tavini ngati Ebera nei, taau i arataki mai ki o tatou nei, i aere mai aia kiaku e kanga mai iaku:

18Kia akamaata ra au i toku reo, e kia kapiki, kua akaruke maira aia i tona kakau kiaku nei, kua oro ke atura.

19E kite akera taua pu nona ra i te tuatua a te vaine, tana i tuatua mai kiaia ra, i te tuatua e, I pera mai to tavini kiaku; Mase 6:34,35kua tupu iora tona riri.

20Kua rave akera taua pu o Iosepha ra iaia, e kua Sala 105:18; 1 Pete 2:19tuku atura iaia ki roto i te are Gene 40:3,15; 41:14tapekaanga, ki te ngai i tapekaiaʼi te au tangata i tapekaia e te ariki ra; i reira aia i taua are tapekaanga ra.

21Te vaitata rā Iehova ia Iosepha, e kua takinga-meitaki maira iaia, Exo 3:21; 11:3; 12:36; Sala 106:46; Mase 16:7; Dani 1:9; Anga 7:9,10e i akaperepereia mai aia e te tiaki i taua are tapekaanga ra.

22Gene 40:3,4E kua tuku maira taua tiaki i te are tapekaanga ra, i te au tangata katoa i tapekaia i roto i taua are tapekaanga ra, kia Iosepha; e te au mea ravarai ta ratou i rave i reira ra, na Iosepha ïa i rave ei.

23Kare rava taua tiaki are tapekaanga ra i akara ua atu i te au mea katoa i tona rima ra; tei Gene 39:2,3iaia oki a Iehova, e tana i rave ra, na Iehova ïa i akariro ei mea meitaki.