1 KUA 1 Samu 31:1,2tamaki maira te Philiseti ia Iseraela; e kua ati iora to Iseraela i te Philiseti, tarava aere ua iora ki runga i te maunga ra ko Gilaboa, kua mate rava.
2Kua aruaru viviki atura te Philiseti ia Saula, e nga tamariki nana; kua ta iora te Philiseti ia Ionatana e ko Abinadaba, e ko Malekisua, nga tamariki ïa a Saula.
3Riro atura te tamaki ki runga ia Saula i reira e kua tu iora aia i te aronga akainana kakao, puta iora aia i taua aronga akainana kakao ra.
4Kua karanga aturā Saula ki te apai taoonga tamaki nana ra, Ka unui ana i te koke naau ra, e ko mai iaku i te reira e kia mama rava; ko te aere mai aea teianei aronga peritome koreia, e ko te takinga-kino mai aea iaku. Kare akera i tika i taua apai taoonga tamaki nana ra; kua maata rava oki tona mataku. Kua rave iorā Saula i te koke, e kua akainga ua iora aia ki rungao.
5E kia akara maira taua apai taoonga nana ra e kua mate a Saula, kua akainga ua iora aia ki rungao i te koke, mate iora.
6Ko Saula, kua mate ïa, e nga tamariki nana toko toru, e te ngutuare katoa nona, okotai rai mate anga.
7Kite akera to Iseraela katoa i noo i te o ra o Iezereela, e kua ati ratou, e kua mate a Saula e nga tamariki nana, kua akaruke iora ratou i to ratou au oire, e kua oro; e kua aere maira te Philiseti, kua noo iora ki roto.
8E ao akera, kia aere mai te Philiseti e tatara i te kakau o te aronga i mate ra, kua kitea e ratou a Saula e nga tamariki ana, kua mate i runga i te maunga ra ko Gilaboa.
9Kua taratara iora ratou i tona kakau, e oti akera, kua rave iora i tona mimiti, e nga taoonga tamaki nana ra, e kua tono i te karere e pini ua ake taua enua o te Philiseti ra, e akakite aere ki to ratou au idolo ra, e ki te tangata ravarai.
101 Samu 31:10Kua tuku iora ratou i te taoonga tamaki nana ra ki roto i te are o to ratou au atua ra, e kua akauta ratou i tona mimiti i roto i te are o Dagona.
11Kite akera to Iabesa-gileada i ta te Philiseti i rave ia Saula ra,
12Kua tu akera te aronga toa ravarai, e kua rave maira i te kopapa o Saula ra, e nga kopapa o nga tamariki ana ra, e kua apai maira ia ratou ki Iabesa, e kua tanu iora i to ratou au ivi ki raro ake i tetai rakau i Iabesa, e kua akakore iora i te kai e po itu akera.
13Mate iorā Saula i tana ara i rave ia Iehova ra, 1 Samu 13:13; 15:23i te akono kore i te tuatua a Iehova, e 1 Samu 28:7te ui ki te taura vaerua kino;
14Kare oki aia i ui kia Iehova, i mate ei aia iaia, 1 Samu 15:28; 2 Samu 3:9,10; 5:3ruria akera te au ki te tamaiti a Iese ra kia Davida.
Who We AreWhat We EelieveWhat We Do
2025 by iamachristian.org,Inc All rights reserved.
