Ioane 14 - Cook Islands Maori Bible(CIMB)

PENE XIV - 14Te au nooanga i te rangi: te ara e tae ei ki te Metua: Iesu e te Metua: te Akapumaana: to Iesu ma te Metua noo anga ki o te aronga akarongo: ta Iesu au.

1AURAKA Ioa 15:27; 16:22,23e taitaia to kotou ngakau: ka akarongo i te Atua, ka akarongo katoa mai iaku.

2Manganui te nooanga tikai i te are o taku Metua ra: naringa kare ra, kua karanga atu au kia kotou. Ioa 13:33,36Te aere nei au e akamanea i tetai ngai no kotou.

3Ioa 18:28; Anga 1:11E kua oti anake i te akamaneaia e au ra, ka oki mai au, e arataki ia kotou ki oku ra; Ioa 12:26; 17:24; 1 Tesa 4:17ei reira katoa kotou, i te ngai e nooia e au ra.

4Kua kite kotou i te ngai taku e aere nei, kua kite oki kotou i te mataara.

5Kua tuatua mairā Toma kiaia, E te Atu, kare matou i kite i tenana ngai taau e aere na; eaa oki matou e kite ei i te mataara?

6Kua karanga aturā Iesu kiaia, Ebe 9:8Ko au te mataara, Ioa 1:17; 8:32e te tuatua-mou Ioa 1:4; 11:25e te ora; Ioa 10:9kare ua e tangata e tae ki te Metua ra, mari ra ei iaku.

7Ioa 8:19Naringa kotou i kite iaku ra, kua kite katoa kotou i taku Metua; e teianei kua kite kotou iaia, e kua akara oki kotou iaia.

8Kua tuatua mairā Philipa kiaia, E te Atu, ka akakite mai ia matou i te Metua, oti ra ua ra.

9Kua karanga aturā Iesu kiaia, Ko toku nei oki noo anga roa ki o kotou nei e, e kare akerai koe i kite iaku, e Philipa? Ioa 12:45; Kolo 1:15; Ebe 1:3ko te akara mai iaku nei, kua akara ïa i te Metua; eaa oki koe i tuatua mai ei e, Ka akakite mai ia matou i te Metua?

10Ioa 10:38; 17:21,23; 14:20Kare koe i akarongo e tei roto au i te Metua, e tei roto te Metua iaku? te tuatua taku e karanga atu kia kotou nei, Ioa 5:19; 7:16; 8:28; 12:49kare ïa i taku uaorai: e te angaanga tini nei, na te Metua i noo ki roto iaku nei i rave.

11Ka akarongo mai e tei roto au i te Metua, e tei roto te Metua iaku nei: kare ïa, Ioa 5:36; 10:38ka akarongo mai iaku i te au angaanga nei.

12Mata 21:21; Mare 16:17; Luka 10:17Tika, tika tikai taku e karanga atu kia kotou, Ko te akarongo mai iaku ra, ka rave katoa aia i teianei au angaanga taku e rave nei: e maata ua atu rai tana e rave i teia; no te mea te aere nei au ki taku Metua ra.

13Mata 7:7; 21:22; Mare 11:24; Luka 11:9; Ioa 15:7,16; 16:23,24; Iako 1:5; 1 Ioa 3:22; 5:14Ko ta kotou e pati ma toku ingoa, naku ïa e rave, kia akakakāia te Metua i te Tamaiti.

14Ko ta kotou e pati ma toku ingoa, ka tika ïa iaku.

15Ioa 21:23; 15:10,14; 1 Ioa 5:3Kua anoano kotou iaku ra, ka akono i taku ra au akaueanga.

16Naku oki e pati atu i te Metua ra, Ioa 15:26; 16:7; Roma 8:15,26e nana e oronga mai i tetai Akapumaana ia kotou, kia noo tikai ki o kotou nei e tuatau ua atu;

17Ioa 15:26; 16:13; 1 Ioa 4:6Ko te Vaerua tuatua-mou ra, 1 Kori 2:14ko tei kore e ārikiia mai e to te ao nei, no te mea kare i akara iaia, kare oki i kite iaia: ka kite ra kotou iaia, e noo tikai oki aia ki o kotou nei, 1 Ioa 2:27e ei roto oki ia kotou.

18Mata 28:20Kare au e vaio matiroeroe ua ia kotou. Ioa 14:3,28Ka oki mairai au ia kotou nei.

19E kia roaroa ake, kare ua to te ao e kite akaou mai iaku; Ioa 16:16ka akara maira kotou iaku: 1 Kori 15:20no te mea, e ora au, ka ora katoa oki kotou.

20Kia tae ki te reira rā Ioa 10:38; 17:21,23,26; 14:10e kite ei kotou e, tei roto au i taku Metua, e tei roto oki kotou iaku ra, e tei roto oki au ia kotou.

21Ioa 14:15,23; 1 Ioa 2:5; 5:3Tei iaia taku au akaueanga, e kua akono aia i te reira ra, koia tei anoano mai iaku; e tei anoano mai iaku ra, ka akaperepereia mai aia e taku Metua ra; e ka akaperepere oki au iaia, e ka akakite oki au kiaia iaku uaorai.

22Luka 6:16Kua tuatua mairā Iuda kiaia, (kare a Ikariota,) E te Atu, eaa koe e akakite mai ei ia matou ia koe ra, e kare i to te ao?

23Kua karanga aturā Iesu kiaia, na ko atura, Ioa 14:15Kia anoano mai te tangata iaku ra, ka akono ïa i taku tuatua: e ka akaperepere mai oki taku Metua iaia, 1 Ioa 2:24; Apo 3:20e aere atu oki maua kiaia ra, ka noo tikai ki ona ra.

24Ko tei kore i anoano mai iaku ra, kare ïa i akono i taku tuatua: Ioa 5:19,38; 7:16; 8:28; 12:49; 14:10kare ra i taku teianei tuatua ta kotou i akarongo nei, na te Metua ra i tono mai iaku nei.

25I akakite au kia kotou i teianei au tuatua, i toku noo anga ki o kotou nei.

26Na Luka 24:49; Ioa 14:16; 15:26; 16:7te Akapumaana ra, na te Vaerua Tapu, ko ta te Metua e tono mai ma toku ingoa, Ioa 2:22; 12:16; 16:13; 1 Ioa 2:20,27nana e apii mai ia kotou i te au mea katoa, ka akakite akaou mai oki kia kotou i te au tuatua katoa, taku i karanga atu kia kotou na.

27Phili 4:7; Kolo 3:15E au taku e vaio ia kotou nei, ko taku nei au taku e o atu no kotou: kare mei ta to te ao oronga, taku oronga ia kotou. Ioa 14:1Eiaa e taitaia to kotou ngakau, auraka oki e mataku.

28Kua kite kotou i taku Ioa 14:3,18i karanga atura e, Te aere ke nei au, e ka oki akaou mai au kia kotou nei. Naringa kotou i anoano mai iaku, kua rekareka kotou, ko au i karanga Ioa 14:12; 16:16; 20:17e ka aere au ki te Metua ra: Ioa 5:18; 10:30; Phili 2:6e maata oki toku Metua iaku.

29Ioa 13:19; 16:4Kua akakite atea ua atu na au kia kotou i teianei i taua tuatua nei, kia akarongo kotou kia tupu ra.

30Teia au ka kore e karangaranga maata atu kia kotou: i teianei, te aere mai nei te ariki o Ioa 12:31; 16:11teianei ao, kare ra ana i roto iaku nei.

31Kia kite ra to te ao e, te anoano nei au i te Metua; Ioa 10:18; Phili 2:8; Ebe 5:8e te akono nei au i ta te Metua i akaue mai iaku ra. Ka tu, ka aere ke tatou.