Numero 8 - Cook Islands Maori Bible(CIMB)

PENE VIII - 8Te tutungi anga i te au lamepa; te akataka anga i te ngati Levi ra, e te roa o ta ratou rave anga i te taoonga.

1KUA tuatua mairā Iehova kia Mose, na ko maira,

2E karanga atu koe kia Aarona, e na ko atu koe kiaia, Exo 25:37; 40:25Ka tutungi koe i te au lamepa ra, kia mārama tika atu nga lamepa e itu ra i mua atu i te vairanga lamepa ra.

3Kua pera oki a Aarona; kua tutungi aia i nga lamepa i mua mai i te vairanga lamepa; ta Iehova i akaue mai kia Mose ra.

4Exo 25:31E auro tupakiia taua vairanga lamepa ra i te angaanga, i te pu e tae ua atu ki te au tiare, Exo 25:18e angaanga tupaki anake ïa; Exo 25:40mei te tu ta Iehova i akakite mai kia Mose ra, i akaperaia te vairanga lamepa i te anga.

5Kua tuatua mairā Iehova kia Mose, na ko maira,

6Ka rave koe i te au ngati Levi i roto i te tamariki a Iseraela nei, e tamā ia ratou.

7E akapera oki koe ia ratou, ei tamā anga ia ratou; Nume 19:9,17,18E pîpî i te vai tamā ki rungao ia ratou, Levi 14:8,9e varu oki ratou i to ratou kopapa e pini ua ake, e orei oki i o ratou kakau, e mā ïa ratou i reira.

8Ka rave ei ratou i tetai puakatoro ou, e tona Levi 2:1atinga kai, i te faraoa pueu i irokia ki te inu ra, e rave oki koe i tetai puakatoro ou ei tarangaara.

9E Exo 29:4; 40:12arataki oki koe i te ngati Levi ki mua i te Are uipaanga ra; Levi 8:3e naau e akaputuputu katoa mai i te uipaanga tamariki ravarai a Iseraela ra:

10E arataki mai oki koe i te ngati Levi ki mua i te aroaro o Iehova: Levi 1:4e ka tuku te tamariki a Iseraela i o ratou rima ki rungao i te ngati Levi ra:

11E na Aarona e apai i te ngati Levi ki mua i te aroaro o Iehova, ei atinga ruru na te tamariki a Iseraela, ei rave i te angaanga a Iehova.

12Exo 29:10E tuku oki te ngati Levi i o ratou rima ki rungao i te mimiti o nga puakatoro ra; e naau e apai i tetai ei tarangaara, e tetai ei atinga karakaratio, na Iehova, ei tapokiangaara na te ngati Levi ra.

13E tuku oki koe i te ngati Levi ki mua i te aroaro o Aarona, e ki mua i te aroaro o ana puke tamariki, ka apai ei ia ratou ei atinga ruru kia Iehova ra.

14E akapera koe i te akataka anga i te ngati Levi i roto i te tamariki a Iseraela ra: Nume 3:45; 16:9noku oki te ngati Levi.

15E oti akera ratou i te tamāia e koe, Nume 8:11,13e kua apaiia ei atinga ruru, e aere te ngati Levi ki roto e rave i te angaanga i te Are uipaanga ra.

16Ko to te tamariki a Iseraela oki ratou i apai roaia mai tei iaku; kua rave au ia ratou noku uaorai, Nume 3:12,45ei tupau i tei anau ana i te kopu, i te au tama mua a te au tamariki katoa a Iseraela ra.

17Exo 13:2,12,13,15; 3:13; Luka 2:23Noku oki te au tama mua katoa a te tamariki a Iseraela, ta te tangata, e ta te puaka; kua akatapu au ia ratou noku uaorai, i te rā i ta ai au i te au tama mua katoa i te enua ra i Aiphiti.

18I rave ei au i te ngati Levi ei tupau ei te au tama mua ravarai a te tamariki a Iseraela.

19Nume 3:9E kua oronga au i te ngati Levi i roto i te tamariki a Iseraela no Aarona, e ana puke tamariki, ei rave i te angaanga a te tamariki a Iseraela i roto i te Are uipaanga, e ei apai i te tapokiangaara na te tamariki a Iseraela: Nume 1:53; 16:46; 18:5; 2 Para 26:16kia kore roa te mate e kitea mai i roto i te tamariki a Iseraela, kia akavaitata mai te tamariki a Iseraela ki te ngai-tapu ra.

20Kua pera oki a Mose raua ko Aarona, e te uipaanga tamariki a Iseraela katoa, i te ngati Levi ra, mei ta Iehova i akaue mai kia Mose i taua ngati Levi ra; kua pera te tamariki a Iseraela kia ratou.

21Nume 8:7I tamāia oki te ngati Levi, e kua orei ratou i o ratou kakau; Nume 8:11,12e na Aarona i apai ia ratou ei atinga ruru ki mua i to aroaro o Iehova; e kua apai a Aarona i te tapokiangaara na ratou ei tamā ia ratou.

22E i Nume 8:15muri akera, aere atura te ngati Levi ki roto, e rave i ta rātou angaanga i te Are uipaanga, ki mua i te aroaro o Aarona, e ki mua i te aroaro o ana puke tamariki ra: Nume 8:5&cko ta Iehova i akaue mai kia Mose i te ngati Levi ra, kua pera ïa ratou kia ratou.

23Kua tuatua mairā Iehova kia Mose, na ko maira,

24Teia te tuatua i te ngati Levi; Nume 4:3; 1 Para 23:3,24,27kia tae ki te rua ngauru ma rima o te mataiti, e kia maata atu oki, ka aere ei ratou ki roto e rave i te taoonga i te angaanga i te Are uipaanga ra.

25E kia tae ki te rima o te ngauru o te mataiti, oti ra ua ratou i te rave i taua taoonga ra, auraka ratou e rave akaou:

26Ko ratou katoa ra te ka rave i te taoonga, e to ratou ai taeake, Nume 1:53i te tiaki anga i tei iku naia mai i te Are uipaanga ra, auraka ra e rave i te angaanga. E akapera koe i te ngati Levi i tei iku naia mai kia rave ratou.