1KUA oro mairā Davida mei Naiota mai i Rama ra, e kua aere maira kia Ionatana ra, e kua tuatua maira, Eaa taku nei i rave? eaa toku nei kino? eaa taku nei ara i toou na metua i kimi mai ei aia iaku nei kia mate?
2Kua karanga atura aia, Auraka rava ïa; kare koe e mate: i na, kare a toku metua e rave i te mea maata e te mea iti e kore ei i te akakite mai kiaku; eaa oki toku metua e uunaʼi i tera ra iaku nei? kare tena.
3Kua taputou iorā Davida, kua tuatua maira, Kua kite pu tikai toou metua e, te tauia maira au ia koe ra, e te tuatua ra aia e, Aurakā Ionatana kia kite i taua mea nei, ko te aue aea aia: te ora rā Iehova, e te ora ra koe na, okotai ua ake takainga vaevae i te atea iaku nei e te mate.
4Kua karanga aturā Ionatana kia Davida, Ko taau e anoano ra, naku ïa e rave.
5Kua tuatua mairā Davida kia Ionatana, I na, apopo te akakoro ra aia i te kino iaku nei, kia kite mai oki koe.
8Iosu 2:14E takinga-meitaki mai oki koe i to tavini nei; 1 Samu 20:16; 1 Samu 18:3; 23:18kia kapiti katoa oki koe i to tavini nei kia koe i tetai koreromotu ia Iehova ra; 2 Samu 14:32e ara tika ra taku ra, ko koe uaorai te ta mai iaku nei: eaa ïa puapinga kia kave koe iaku ki to metua ra?
9Kua karanga aturā Ionatana, Auraka rava ïa te reira; naringa oki au i kite pu tikai e, te akakoro ra toku metua i te rave kino ia koe, kare ainei au e akakite atu kia koe i te reira?
10Kua tuatua mairā Davida kia Ionatana, Kia tuatua taivaiva mai to metua kia koe ra, naai e akakite mai kiaku nei?
11Kua karanga aturā Ionatana kia Davida, Taki aere taua ki te kainga akera. Kua aere iora raua ki taua kainga ra.
12Kua karanga aturā Ionatana kia Davida, Na te Atua o Iseraela na Iehova e akara mai, e kua unuunu atu au i toku metua apopo e apopo atura, peneiake ko te meitaki tona ngakau ia Davida, kia kore au o tono i te tangata kia koe, e akakite kia koe ra;
13Ruta 1:17 Kia pera mai a Iehova, e kia maata ua atu, kia Ionatana: e kia manako oki toku metua e e takinga-kino ia koe ra, e akakite rai au kia koe i reira, e ka tuku atu au ia koe kia aere ua ana ma to ora. Iosu 1:5; 1 Samu 17:37; 1 Para 22:11,16Kia vaitata mairā Iehova ia koe, mei iaia i vaitata mai i toku metua ra,
14Te ora ra au i reira, ei takinga-meitaki taau iaku i te takinga-meitaki a Iehova, kia kore au e mate:
152 Samu 9:1,3,7; 21:7E auraka rava oki kia mutu toou takinga-meitaki i toku ngutuare, e ope ua atu te au enemi katoa o Davida i te enua katoa nei i te mate ia Iehova.
16Kua papau iorā Ionatana i te koreromotu i te ngutuare o Davida, i te na ko anga e, 1 Samu 25:22; 1 Samu 31:2; 2 Samu 4:7; 21:8Kia umuumu mai a Iehova i te tutaki i te reira i te rima o to Davida au enemi.
17Kua akataputou akaou aturā Ionatana ia Davida, no te mea e aroa aia iaia, 1 Samu 18:1kua aite katoa oki tona aroa iaia i te aroa iaia uaorai.
18Kua karanga aturā Ionatana kiaia, 1 Samu 20:5Apopo te marama ou; e no te mea kare e tangataia toou nooanga, ka riro koe i te uiia.
19E kia po toru ake toou noo anga, ka aere viviki ei koe ki raro, 1 Samu 19:2e tae ua atu ki te ngai i pipiniia e koe i te rā i kimiiaʼi te angaanga, ka noo atu ei i vaitata i te toka ra ko Ezela.
20E naku e akainana atu nga kakao e toru i te reira pae toka, mei te mea e te akainana ra au ki te akairo.
21E i na, naku e akaue i tetai tamaiti, e karanga atu au e, Ka aere ka kimi i nga kakao. E kia tuatua pu tikai au ki taua tamaiti ra e, I na, tei ko nei mai te kakao tei vaitata mai, ka tiki mai ana; e aere mai koe i reira: Iere 4:2te ora ra oki a Iehova, e ora toou i reira, kare ïa e kino.
22Kia na ko ra au ki taua tamaiti ra e, I na, tei ko roa atu nga kakao; ka aere koe I reira; ko Iehova oki tera e tono ia koe ra e aere ke.
23E 1 Samu 20:14,15,42te tuatua ta taua i tuatua ra, i na, ko Iehova tei rotopu ïa ia taua e tuatau ua atu.
24Kua pipini aturā Davida i taua kainga ra: e tae akera ki te marama ou ra, kua noo iora te ariki ki raro e kai i te kai.
25Noo iora te ariki i tona uaorai nooanga mei tei muatangana ra, i te nooanga i te pae are ra: e kua tu ua akerā Ionatana, e tei tetai pae a Abenera ia Saula ra: te vai ua ra to Davida nooanga.
26Kare rā Saula i tuatua ua mai i te reira rā: i manako oki aia e, Kua rokoia aia e tetai mea ke, Levi 7:21; 15:5&ce kare paa i mā; koia rai ïa, kare paa i mā.
27Kia popongi ra i te rā rua o taua marama ra te vai ua ra taua nooanga o Davida ra: kua tuatua mairā Saula ki tana tamaiti kia Ionatana, Eaa te mea i kore ei i tae mai te tamaiti a Iese ki te kaingakai nei i nanai e teia katoa rā?
281 Samu 20:6Kua karanga aturā Ionatana kia Saula, Kua tuatua raurau mai a Davida kiaku e tuku iaia e aere ki Betelehema:
29Kua tuatua maira aia, Teia taku tuatua kia koe, e tuku ana koe iaku; e atinga oki ta to matou kopu-tangata i taua oire ra; e kua akaue mai taku tuakana kiaku e aere ki reira; e teianei, kia tika ia koe ra, e tuku koe iaku, ko taku ïa tuatua kia koe, kia kite oki au i toku au tuakana. I kore ei aia i tae mai ki te kaingakai a te ariki.
30Kua tupu rava akera to Saula riri ia Ionatana, e kua tuatua maira aia kiaia, E tera tangata māro kaitamaki e, kare aina kua kite au e, kua iki koe i tera ra tamaiti na Iese ei akakino ia koe uaorai, e ei akakino kia akama to metua vaine uaorai?
31Te noo ra taua tamaiti a Iese i te enua nei kare rava koe e toou ra basileia e akatinamouia. E tenana e tono i te tangata e arataki mai iaia i ko nei kiaku nei, kua tau oki aia i te mate.
32Kua karanga aturā Ionatana ki tona metua kia Saula, e kua na ko atura kiaia, 1 Samu 19:5; Mata 27:23; Luka 23:22Eaa aia ka taiaʼi? eaa tana ara?
331 Samu 18:11Kua vero mairā Saula i tetai tao iaia kia mate; 1 Samu 20:7kite akerā Ionatana e te akakoro tika ra tona metua e tamate rava ia Davida.
34Kua tu akerā Ionatana ki runga i taua kaingakai ra ma te riri maata; kare rava aia i kai i te manga i taua rā rua o te marama ra: kua aue iora aia ia Davida, e no te mea kua taakama mai tona metua iaia.
35E popongi akera, aere aturā Ionatana e tetai tamaiti iti katoa ki taua kainga ra, i te taime aiteiteia kia Davida ra.
36E kua karanga atura aia ki taua tamaiti nana ra, Ka oro, ka kimi i te kakao taku e akainana atu. Kua oro iora taua tamaiti ra, kua akainana atura aia i tetai kakao i mua roa atu i taua tamaiti ra.
37E tae atura taua tamaiti ra ki te vairanga o taua kakao i akainanaia e Ionatana ra, kua kapiki aturā Ionatana ki taua tamaiti ra, na ko atura, Kare aina tei ko roa atu te kakao?
38E kua kapiki atura oki a Ionatana ki taua tamaiti ra, Aere viviki, kia ngakoikoi, aua e tavare. Kua rave iora taua tamaiti a Ionatana ra i nga kakao, e kua aere maira ki tona pu ra.
39Kare ra taua tamaiti ra i kite iti ake; ko Ionatana anake ra raua ko Davida tei kite i taua mea ra.
40Kua tuku atura Ionatana i taua taoonga nana ra ki taua tamaiti nona ra, e kua karanga atura kiaia, Ka aere, ka apai ana ki roto i te oire.
41E kia riro taua tamaiti ra kua tu akerā Davida mei te pae i apatonga ra, e kua tupou iora ki raro i te one, e ka toru akera tupou anga: e kua oongi iora raua ia raua uaorai, e kua aue iora raua, e aue maata roa ra to Davida.
42Kua karanga aturā Ionatana kia Davida, 1 Samu 1:17Kia ora koe i te aerenga, kua taputou akenei oki taua ravarai i te ingoa o Iehova, kua tuatua oki e, Ko Iehova tei rotopu ia taua nei, e toku ra uanga, e toou ra uanga e tuatau ua atu.
Kua tu akera aia e aere atura; e kua oki mairā Ionatana ki roto i te oire.
Who We AreWhat We EelieveWhat We Do
2025 by iamachristian.org,Inc All rights reserved.
