1 Samuela 26 - Cook Islands Maori Bible(CIMB)

PENE XXVI - 26Te takinga-kino ua nei rai a Saula ia Davida. Rauka akaou iorā Saula ia Davida, kare ra i taia, aaki aturā Saula i tana ara, aere atura.

1KUA aere mairai to Zipha ki Gibea ra kia Saula, tuatua maira, Kare ainei a Davida tei te tuaivi ra ko Hakila, i muao i te medebara ra, i te pipini anga?

2Kua tu akerā Saula i reira e aere atura ki raro ki te medebara ra ki Zipha, e te au tangata i ikiia e toru katoa tausani no Iseraela i te aere katoa anga; e kimi ia Davida i te medebara ra i Zipha.

3Kua patia iorā Saula i te puakapa ki runga i te tuaivi ra ko Hakila, i te pae arataa i muao i te medebara ra. Te noo ua rā Davida ki roto i te medebara, kua kite oki aia e, tei te medebara mai nei a Saula te kimi ra iaia.

4I tono ana oki a Davida i te mata, e kua kite pu tikai aia e, kua tae mai a Saula.

5Kua tu akerā Davida, kua aere tika maira ki taua ngai i puakapaia e Saula ra: kua kite maira oki a Davida i to Saula ngai moeanga ra, e to 1 Samu 14:50; 17:55Abenera te tamaiti a Nera ra te kapena no taua nuku nana ra: tei roto i te apinga to Saula moeanga, e te au tangata ravarai i tona pae e pini ua ake.

6Kua karanga aturā Davida i reira kia Ahimeleka ngati Heta ra, e kia Abisai 1 Para 2:16te tamaiti a Zeruia, e taeake no Ioaba, na ko atura, Aka 7:10,11Koai te ka tae katoa ki raro ki te puakapa kia Saula ra maua katoa? Kua tuatua mairā Abisai, E aere katoa au.

7Kua aere mairā Davida raua ko Abisai ki taua au tangata ra i te po: e i na, te moe ua rā Saula i roto i te apinga, e te patia uaia ra tana korare ki raro i te one i te pae urunga nona ra; e te takotokoto ua ra oki a Abenera e te au tangata i tona pae e pini ua ake.

8Kua tuatua akerā Abisai kia Davida, Kua tuku mai te Atua i to enemi ki roto i to rima i teianei rā; teia taku tuatua kia koe, e tuku mai ana koe, e ko ua ana au iaia ki te korare e mama ua atu ki raro i te one, kare au e tataki rua i te ko anga.

9Kua karanga aturā Davida kia Abisai, 1 Samu 24:6,7; 2 Samu 1:16Auraka aia e taia; koai ïa tangata kare e ara kia tāki i tona rima ki runga e ta i to Iehova tangata i akatainuia ra?

10E kua karanga atu rai a Davida, Te ora rā Iehova, 1 Samu 25:38; Sala 94:1,2,23; Luka 18:7; Roma 12:19na Iehova aia e ta; e kare ra, te Gene 47:29; Deu 31:14; Iobu 7:1; 14:5; Sala 37:13vai rai tona rā ka mate atu ei; e kare ra, 1 Samu 31:6e aere aia ki te tamaki, mate atu ei.

111 Samu 24:6,12Kia tāpu mai oki a Iehova iaku, kia kore au e tāki i toku rima ki runga e rave i te tangata o Iehova i akatainuia ra; teia ra taku tuatua kia koe, ka rave mai ana koe i te korare i te pae urunga nona ra, e te ue vai, e aere taua.

12Kua rave iorā Davida i te korare, e te ue vai i te pae urunga o Saula ra; e aere ua atura raua, kare tetai i akara mai, kare i kite, kare oki i ara ua: kua moe oki ratou ravarai; Gene 2:21; 15:12kua rokoia ratou e te moe tinainai no ko mai ia Iehova ra.

13Aere aturā Davida ki tetai pae, kua tu ua maira ki runga i tetai tuaivi, tei te atea ke; e ngai roa tei rotopu ia ratou.

14Kua kapiki mairā Davida ki te au tangata ra, e kia Abenera te tamaiti a Nera ra, tuatua maira, Kare ra koe e tuatua mai, e Abenera? Kua karanga aturā Abenera, na ko atura, Koai koe e kapiki ua mai ki te ariki nei?

15Kua tuatua mairā Davida kia Abenera, Kare ainei koe i te tangata toa? koai oki ïa tangata e tau ia koe i Iseraela na? eaa iora oki koe i kore ei i tapapa i to pu i te ariki ra? i aere atu ana oki tetai tangata ki ko na e ta i to pu i te ariki ra.

16Kare tenana mea taau i rave ra i te mea meitaki. Te ora rā Iehova, e tau ia kotou te mate, no te mea kare akenei kotou i tapapa i to kotou pu, i ta Iehova tangata i akatainuia ra. E teianei, ka akara mai ana i te korare a te ariki, e te ue vai i vaoo i tona pae urunga ra.

17E te kite rā Saula i to Davida reo, e kua karanga atura, 1 Samu 24:16Toou aina ïa reo, e taku tamaiti, e Davida? Kua tuatua mairā Davida, Toku ïa reo, e taku pu, e te ariki.

18Kua tuatua mairai oki aia, 1 Samu 24:9,11Eaa koe i aruaru mai ei i to tavini, e taku pu? I akapeea ana oki au? eaa oki te kino i toku nei rima?

19E teianei, teia taku tuatua kia koe, e akarongo mai ana koe, e taku pu e te ariki, i te tuatua a to tavini nei. 2 Samu 16:11; 24:1Na Iehova koe i tuku mai e rave iaku, e āriki mai aia i tetai atinga: na te tangata anake ra, kia taumaaia ratou ki mua i te aroaro o Iehova; Deu 4:28; Sala 120:5kua tuaru oki ratou iaku i teianei ra, 2 Samu 14:16; 20:19auraka au e noo i te enua o Iehova, e te tuatua anga mai e, E aere, e akamori i te au atua ke.

20E teianei, auraka toku toto kia taʼe ki raro i te one ki mua i te aroaro o Iehova: e tere kimi 1 Samu 24:14tutua to te ariki o Iseraela, mei te manu i kimiia ki runga i te maunga ra.

21Kua karanga aturā Saula, 1 Samu 15:24; 24:17Kua ara au: ka oki, e taku tamaiti, e Davida: kua oti ua taku takinga-kino anga atu ia koe, 1 Samu 18:30no te mea kua akaperepereia toku ora e koe i teianei rā: i na, e ravenga neneva taku, e maata maata ua atura toku ē.

22Kua tuatua mairā Davida, na ko maira, Ka akara mai ana i te korare a te ariki na! e akaue i tetai tangata ou e tiki mai.

23Sala 7:8; 18:20Kia tutaki mai a Iehova ki te tangata ravarai i tei tau i te tuatua-tika, e te pikikaa kore nana a: i tuku ua mai oki a Iehova ia koe ki toku rima i teianei rā, kare akera toku rima i rave ua atu i ta Iehova tangata i akatainuia ra.

24E i na, i akaperepere ravaia toou ora e au i nakonei ra, kia akaperepere katoaia toku ora ki mua i te aroaro o Iehova, e kia akaora aia iaku i te au mate katoa ra.

25Kua karanga aturā Saula kia Davida, Kia ora koe, e taku tamaiti e Davida: ko te au mea mamaata taau e rave ra, e ka Gene 32:28riro rai te re ia koe ra. Aere aturā Davida i tona aerenga, e kua oki maira Saula ki tona ra ngai.