1 KUA tuatua mairā Elia i Tisibi, i Gileada, kia Ahaba, 2 Ari 3:14Te ora ra te Atua o Iseraela ko Iehova, Deu 10:8taku e tu ua nei ki mua i tona aroaro, Iako 5:17kare e au ïa, kare oki e ua, Luka 4:25i eia nei puke mataiti, mari ra kia tuatuaia e au ra.
2Kua tae maira te tuatua a Iehova kiaia, na ko maira,
3E aere koe e ariu tika atu ki te itinga o te rā ra, ka pipini atu ei i te pae kauvai ra ko Kerita, i vaitata i Ioridana.
4E ka riro oki koe i te inu i taua kauvai ra; e kua akaueia e au te au orebi ei angai ia koe i reira.
5Aere atura aia, e kua pera i ta Iehova i tuatua maira: aere atura oki aia, e kua noo iora i taua kauvai ra i Kerita, i vaitata i Ioridana.
6E kua apai maira te orebi i te areto e te puaka i te popongi, e te areto e te puaka i te aiai; e kua inu ua aia i taua kauvai ra.
7E roa poto akera, marō atura taua kauvai ra, no te mea kare e ua i taua enua ra.
8Kua tae maira te tuatua a Iehova kiaia, na ko maira,
9Ka tu, e aere ki Oba 20; Luka 4:26Zarephata i Sidona, ka noo ei i reira; i na, kua iku naia e au tetai vaine takaua i reira nana koe e angai.
10Kua tu akera aia, aere atura ki Zarephata; e tae atura aia ki te ngutupa o te oire, i na, e vaine takaua, te koi aere ra i te vaie: kua kapiki atura aia kiaia, kua karanga atura, E apai mai ana i tetai manga vai i roto i i te āriki kia inu au, taku ïa tuatua kia koe.
11E te aere atura aia e tiki i taua vai ra, kua kapiki atura aia kiaia, e karanga atura, Apai katoa mai i tetai manga areto i to rima na.
12Kua tuatua maira aia, Te ora ra to Atua ko Iehova, kare rava aku e areto iti, mari ra tetai manga faraoa okotai rima e ki, tei roto i te paero, e tetai manga inu i roto i te āriki: e i na, te koi aere nei au i tetai manga vaie, ka aere ei au ki roto, ka tunu ei na maua ma taku tamaiti, ka kai ei maua, ka mate atu ei.
13Kua karanga aturā Elia kiaia, Auraka e mataku; e aere ra e akapera taau i tuatua ra: e akamata ana ra i te rave i tetai vaʼi iti naku, ka apai mai ei kiaku nei, ka rave ei i taau e ta to tamaiti.
14Te tuatua maira oki te Atua o Iseraela ko Iehova, Kare te paero faraoa e iti, kare oki e pou te āriki inu, e tae ua atu ki te rā e apai mai ei a Iehova i te ua i te enua nei.
15Kua aere atura aia, e kua rave i ta Elia i tuatua maira: kua kai iora aia, e ko Elia, e tona katoa ngutuare, e manganui akera te rā.
16Kare oki taua paero faraoa ra i iti, kare oki te āriki inu i pou, i ta Iehova oki i tuatua mai ia Elia.
17E i muri ake i te reira, rokoia iora te tamaiti a taua vaine ra, te pu vaine ngutuare, e te maki; e maki maata tona, kare atura e aʼo i toe i roto iaia.
18Kua tuatua maira aia kia Elia, Luka 5:8Eaa taku ia koe, e te tangata no te Atua na? i aere mai ainei koe kiaku nei, e akakite akaou mai i taku nei ara, e kia mate oki taku tamaiti?
19Kua karanga atura aia kiaia, O mai ana i to tamaiti. Kua rave maira aia iaia, tei runga i tona umauma te vairanga, kua apai atura iaia i tei runga pia i nooia e ia uaorai, kua tuku iora iaia ki runga i tona uaorai roi.
20E kua kapiki atura aia kia Iehova, kua karanga atura, E taku Atua, e Iehova e, kua apai mai oki koe i te kino i te vaine takaua taku e noo nei, i mate ei tana tamaiti?
21Kua 2 Ari 4:34,35tipapa akera aia ki runga i taua tamaiti ra, e ka toru akera ona tipapa anga, kua kapiki atura kia Iehova, e karanga atura, E taku Atua, e Iehova e, teia taku tuatua kia koe, e akaoki mai koe i te vaerua o teianei tamaiti ki roto iaia.
22Kua akarongo mairā Iehova i te reo o Elia ra; Ebe 11:35e kua oki maira te vaerua o taua tamaiti ra iaia, e kua ora aia.
23Kua rave akerā Elia i taua tamaiti ra, kua apai maira ki raro, mei runga mai i taua pia i runga ra, e ki roto i te are, e kua apai atura ki tona metua vaine ra: e kua karanga aturā Elia, I na, kua ora to tamaiti.
24Kua tuatua maira taua vaine ra kia Elia, Ioa 3:2; 16:30Ko te mea teia i kite ei au e, e tangata koe no te Atua, e te tuatua a Iehova i to vaa, e tuatua-mou ïa.
Who We AreWhat We EelieveWhat We Do
2025 by iamachristian.org,Inc All rights reserved.
