1 Ariki 1 - Cook Islands Maori Bible(CIMB)

PENE I - 1To Davida ruaine anga ra, e te paruparu anga oki: kua akateitei a Adonia iaia uaorai: kua akaikiiā Solomona ei ariki: kua rokoiā Adonia e te mataku.

1 KUA ruaine te ariki ra ko Davida, kua maata tona mataiti, e kua tapoki ratou iaia ki te kakau, kare ra aia i maana.

2Kua karanga atura tona au tavini kiaia i reira, Ei vaine ou ei paretenia te kimi ïa no taku pu no te ariki: e kia tu aia ki mua i te aroaro o te ariki, e e matuapuru aia iaia, e moe oki aia i tona keke, ki maana taku pu te ariki ra.

3Kua kimi iora ratou i tetai vaine ou manea i te au tapere katoa i o Iseraela, e kitea iora tetai Sunami ko Abisaga, e kua arataki maira iaia ki te ariki.

4E vaine manea rava taua vaine ou ra, e kua matuapuru mai, e kua raverave i te kai na te ariki: kare ra te ariki i kite atu iaia.

5Kua akateitei akerā Sunami i ta te ariki ra.

16Kua tupou iorā Bateseba ki raro, kua tatomo atura ki te ariki. Kua tuatua maira te ariki kiaia, Eaa toou anoano?

17Kua karanga atura aia kiaia, E taku pu e, 1 Ari 1:13,30kua taputou koe i to Atua ra ia Iehova ki to tavini vaine nei, e kua tuatua mai koe e, Ko to tamaiti tikai ko Solomona te ariki i muri ake iaku ra, e koia te ka noo ki runga i toku nei terono,

18E teianei, i na, ko Adonia te ariki; e kare oki koe i kite, e taku pu e te ariki:

191 Ari 1:7,8,9,25E kua ko aia i te puakatoro e te puaka matu, e te mamoe e manganui, e kua tuatua aia i te au tamariki ravarai a te ariki ra, e ia Abiatara taunga ra, e ia Ioaba te rangatira o te nuku ra: kareka ko to tavini ko Solomona, kare ïa i tuatuaia mai.

20E ko koe, e taku pu e te ariki, tei runga maira te mata o Iseraela katoa ia koe, kia akakite atu koe kia ratou e, koai te ka noo ki runga i te terono o taku pu o te ariki ra i muri ake iaia.

21Kare ra, Deu 31:16; 1 Ari 2:10kia moe taku pu te ariki ki o tona ai metua ra, ka riro maua ko taku tamaiti ko Solomona i te akaapaia mai i reira.

22E i na, te karanga ua atura aia ki te ariki ra, ko Natana peroveta tei tomo katoa mai ki roto ra.

23E kua karanga atura ratou ki te ariki, na ko atura, I na, teia oki a Natana peroveta. E tae maira aia ki roto ki te ariki ra, kua tupou iora aia ki mua i te ariki i raro te mata i te one.

24Kua karanga aturā Natana, E taku pu e te ariki, kua tuatua aina koe e, Ko Adonia te ariki i muri ake iaku nei, ko te ka noo ïa ki runga i toku nei terono?

251 Ari 1:19Kua aere atura oki aia ki raro i teianei rā, e kua ko i te puakatoro, e te puaka matu, e te mamoe e manganui, kua tuatuaia e ia te au tamariki ravarai a te ariki ra, e te au rangatira o te nuku ra, e te taunga ra ko Abiatara; e i na, te kai ra ratou e te inu ra ki mua i tona aroaro, te tuatua ra e, 1 Samu 10:24Kia ora te ariki ra ko Adonia.

26Kareka to tavini nei, ko au, e ko Zadoka taunga, e ko Benaia te tamaiti a Iehoiada, e to tavini ra oki ko Solomona, kare ïa i tikaiia mai e ia.

27Naau ainei taua tuatua nei, e taku pu e te ariki? e kare oki koe i akakite mai ki to tavini nei, i te ka noo ki runga i te terono o taku pu o te ariki ra i muri ake iaia.

28Kua tuatua maira te ariki ra ko Davida, na ko atura, E karanga atu ana kia Bateseba e aere mai. Kua aere maira aia ki roto ki mua i te ariki, e kua tu maira ki mua i te aroaro o te ariki ra.

29Kua taputou iora te ariki, na ko akera, 2 Samu 9Te ora rā. Iehova, ko tei akaora i toku vaerua i te au tumatetenga katoa ra:

301 Ari 1:17Mei taku rai oki i taputou atu kia koe i te Atua o Iseraela ko Iehova ra, ka tuatuaʼi au ra e, Ko taau tamaiti tikai ra ko Solomona te ariki i muri ake iaku ra, e koia te ka noo ki runga i toku ra terono ei kauono ake iaku nei; ka akapera tika rai au i teianei rā.

31Kua tupou iorā Bateseba i raro te mata i te one, tatomo atura ki te ariki, e karanga atura, Nehe 2:3; Dani 2:4Kia ora koe, e taku pu e te ariki ra, e Davida, e tuatau ua atu.

32Kua tuatua maira te ariki ra ko Davida, E karanga atu ana ia Zadoka taunga, e ia Natana peroveta, e ia Benaia te tamaiti a Iehoiada. E kua aere maira ratou ki mua i te aroaro o te ariki.

33Kua tuatua maira te ariki kia ratou, 2 Samu 20:6E arataki katoa kotou i te au tavini o to kotou nei pu, ka akanoo atu ei i taku tamaiti ra ia Solomona ki runga i taku uaorai mule, ka arataki atu ei ki raro ki 2 Para 32:30Gihona:

34E na Zadoka taunga, e na te peroveta ra na Natana, 1 Samu 10:1; 16:3,12; 2 Samu 2:4; 5:3; 1 Ari 19:16; 2 Ari 9:3; 11:12e akatainu iaia i reira, ei ariki no Iseraela: 2 Samu 15:10; 2 Ari 9:13; 11:14ka akatangi ei kotou ki te pu, ka tuatuaʼi e, Kia ora te ariki ra ko Solomona.

35Ka aru katoa mai ei kotou i muri iaia, kia aere mai aia ra, ka noo ei ki runga i toku nei terono; koia oki te ariki ei kauono ake iaku nei: koia tei akonoia e au ra ei tutara ki runga ia Iseraela, e ki runga ia Iuda.

36Kua karanga aturā Benaia te tamaiti a Iehoiada ra ki te ariki, na ko atura, E tika ïa; kia pera katoa mai oki a Iehova, ko te Atua no taku pu no te ariki ra.

37Iosu 1:5,17; 1 Samu 20:13

E mei ia Iehova i piri mai ki taku pu ki te ariki, kia piri katoa mai aia kia Solomona, e 1 Ari 1:47kia akamaataia mai tona terono, i to te terono o taku pu to te ariki ra to Davida.

38Aere aturā Zadoka taunga, e te peroveta ra ko Natana, 2 Samu 8:18; 23:20-23e ko Benaia te tamaiti a Iehoiada, e te Kereti, e te Peleti, ki raro, e kua akanoo ia Solomona ki runga i te mule a te ariki ra a Davida, e kua arataki iaia ki Gihona.

39Kua rave akerā Zadoka taunga i tetai Exo 30:23,25,32; Sala 89:20nio manongi no roto i te Are, 1 Para 29:22e kua akatainu atura ia Solomona. Kua akatangi iora ratou i te pu; 1 Samu 10:24e kua karanga atura te au tangata katoa, Kia ora te ariki ra ko Solomona.

40Kua aru katoa maira te au tangata ravarai i muri iaia, e kua akatangi te au tangata i te koe, e kua rekareka i te rekareka maata, keukeu atura te enua i te aruru.

41Te akarongo ua rā Adonia, e te au manuiri katoa ki ona ra, kua pangia akera te kaki i te kai. E kite akerā Ioaba i te tangi o taua pu ra, kua tuatua akera aia, Eaa ra teia mutamuta maata, e te keukeu i te oire nei?

42Te tuatua ua ra aia, i na, ko Ionatana maira, te tamaiti a Abiatara taunga ra kua karanga aturā Adonia kiaia, E aere mai ki roto nei; 2 Samu 18:27e tangata tau meitaki koe, ka riro taau tuatua i te meitaki.

43Kua karanga aturā Ionatana kia Adonia, na ko atura, Kua akariro tikai to tatou pu te ariki ra ko Davida ia Solomona ei ariki.

44E kua tono katoa te ariki ia Zadoka taunga, e te peroveta ra ia Natana, e ia Benaia te tamaiti a Iehoiada, e te Kereti, e te Peleti, e kua akanoo ratou iaia ki runga i te mule a te ariki ra:

45E na Zakoda taunga, raua ko Natana peroveta ra, i akatainu iaia ei ariki i Gihona; i aere mai ei ratou ma te rekareka, keukeu atura te oire. Ko taua aruru ïa i kitea e kotou ra.

461 Para 29:23E te noo rā Solomona ki runga i te terono o te basileia nei.

47E kua aere mairai te au tavini o te ariki e akaora i to tatou pu i te ariki ra ia Davida, i te tuatua anga e, 1 Ari 1:37Kia akameitakiia e te Atua to Solomona ingoa i toou ra ingoa, e kia akamaataia tona terono i toou ra terono. Gene 47:31Kua tupou iora te ariki ki raro i rungao i te roi ra,

48E kua tuatua katoa maira te ariki, Kia akameitakiia mai te Atua o Iseraela ko Iehova, ko 1 Ari 3:6; Sala 132:11,12tei oronga mai i tetai ei noo ki runga i toku nei terono i teianei rā, kua kite io nei oki toku mata.

49Rokoia iora te au manuiri katoa i o Adonia ra e te mataku, kua tu akera ki runga, aere atura, ki tona aerenga, ki tona aerenga.

50Mataku akerā Adonia ia Solomona, kua tu akera, aere atura, 1 Ari 2:28tāpu atura i nga tara o te atarau ra.

51E akakiteia aturā Solomona, i na koia ra, I na, kua mataku a Adonia i te ariki ra ia Solomona: i na oki, kua tāpu i nga tara o te atarau ra, e te tuatua akera e, E taputou mai te ariki ra ko Solomona kiaku akonei e, kare aia e ta mai i tona tavini nei ki te koke.

52Kua tuatua akerā Solomona, Kia akono meitaki aia ra, 1 Samu 14:45; 2 Samu 14:11; Anga 27:34kare rava tetai io rauru ona e topa ki raro i te one, kia kitea ra tana ravenga kino, ka mate ïa.

53Kua tono akera te ariki ra ko Solomona, e kua tuku maira ratou iaia ki raro mei runga mai i taua atarau ra. Kua aere maira aia, e kua tupou ki raro ki mua i te ariki ra ia Solomona: kua tuatua mairā Solomona kiaia, E aere ki to ngutuare.